3 بلطجية فى الطريق ................ والحمد للة

[haninatoon]

اليوم :27-2-2012
المكان: ميدان حلمية الزيتون ----*جنب البنك*
الزمان: 7 م

كنت ماشى ب عربيتى فى امان اللة وفجاة ومن لا شيئ وبدون مقدمات حاجة خبطت فى المرايا اليميين بقوة لدرجة ضمها على جنب السيارة بالكامل وصوت خبطة قوية

مافييش حد جنبى - مافييش عربيات جنبى - كلة من خلفى وامامى

لاقيت واحد بلطجى جاى من شباك السواق
الوصف : ايدة منفخة ومتعورة جامد دم - وشة كلة علامات وضرب - السن حوالى 28 -29
بيقولى ياباشا انت خبط ايدى وانا اصلا متعور
لاقيت واحد من المين بيدخل ايدة الاثنيين جوة شباك العربية بعد محاولة فتح الباب وفشلة فى الفتح لانة مغلق السنتر بالكامل الحمد للة وكان فى شنطة مافيهاش حاجة بس شكلها مغرى حاول يمسكها ويسرقها لكنى اغلقت الزجاج على يداة لان العربية كاملة
تخيلو لو مش كاملة
المهم الحدث تم بسرعة بالغة لانهم بيعتمدوا على المفاجاة
تخيلو مييين جة بعديين وانا لسة جوة العربية
كان فى عسكرى مرور فى الميدان جالى وقالى امشى ياباشا : طبعا هو فاهم كل حاجة بس مش عارف يعمل حاجة لانة مرور ولوحدة : ودة لانى وقفت الميدان كلةوالبلطجى اللى جالى ساب موضوع ايدة اللى بيقول انها اتخبطت وبيقول العسكرى هو ينفع كدة وقف الشارع كلة ياريس
ماتنسوش اخونا اللى انا قافل على ايدة بالزجاج
جوة العربية من ساعتها لغاية لما حمض وبدا القلق منى انى اطلع بالسيارة على هذا الحال دة اللى انا فاكرة طبعا فقالى افتحلى ياباشا فقولتلة انت كنت عاوز اية من جوة العربية يابرنس قالى افتحلى ففتحتلة وطلع ايدة ومشيت وكلة فى وجود العسكرى

اللى فهمتة من الموقف كلاتى :

1- هما مش 2 دول 3
لان فى واحد لامح ان الكرسى اللى جنبى فية شنطة وشاور لرقم 2 انة يخبط المرايا
ووواحد بيسرق

2- انهم مستغليين ان فى شرطى مرور فانت لما تشوف كدة ممكن تنزل من العربية وتتكلم مع البلطجى رقم 2 والعسكرى . ورقم 1 يفتح الباب ويسرق الشنطة او العربية

3- اكيد انك مش حتطلع بالراجل اللى فى الشباك فى اسوء الحالات لان عسكرى المرور موجود فالراجل كان مطمن خالص وانا اللى فاكرة انة قلق او قلق لانى فهمت مش عارف

نصيحتى بعد الموقف دة للناس
لو سمحت اقفل باب عربيتك كويس وماتفتحهوش خالص
لو حد خبطلك حاجة وانت عارف انك ماعملتش حاجة ماتسالش فية وامشى فى طريقك
اخرك تزمرلة تيت تيت اعتذار وانسى وكمل طريقك

ربنا يحافظ عليكم ويحفظكم

[fourseasons]

شكرا على النصيحه يا باشا

[sherif fersh]

ربنا يستر طريق الجميع ...
حال البلد بقى يغيظ
و الحمد لله أنك انتبهت و ربنا عدى الموقف على خير

[rabet007]

ربنا يحفظك يارب ويكرمك ان شاء الله الشرطه ديه حارقه دمي بجد ربنا ينتقم منهم انا بحتقر كل ضابط علشان سايبنا كده وبياخد فلوس في اخر الشهر علي حاجة هو مش بيعملها

[طارق السحت]

اشكرك على النصيحه الغاليه .. والحمد لله على سلامتك
وفعلا حال البلد بقى يغييييييييييييييظ:CONGRA~ 238: