كيف تقدمت كوريا ؟ وكيف نتقدم نحن ؟

[Payoo]

كنت أتابع أحد البرامج للدكتور المهندس "يوسف مظهر" (فاكرينه بتاع برنامج "تكنولوجيا") و كان يتحدث عن التجربة الكورية في صناعة السيارات خاصة و الصناعات المختلفة عامة

وكان يتحدث عن بداية المشوار الصناعي الذي بداته "مصر" في نفس التوقيت الذي بدأته "كوريا" وعن الزيارات المتبادلة التي كانت بين البلدين

والحقيقة انه ذكر تفاصيل كثيره وهامة للغاية شاهدها وتابعها بنفسه منذ أواخر السبعينات (حينما كانت "كوريا" مثلنا في بداية الطريق الذي ضللناه فعل فاعل) وحتى وقت قريب
وحينما وجدته يتحدث عن كيفية وصول "كوريا لهذه المكانة في صناعة السيارات و باقي الصناعات المختلفة بدأت تسجيل حوارة من هذا النقطة وللأسف لم اسجل بداية الحوار الشيق المليئ بالمعلومات و التفاصيل المفيده والممتعة

ولكن على أية حل أرى أن الجزء البسيط الذي أستطعت أن أسجله لكم فيه نقاط جيده اتمنى أن يستمع إليها النظام الجديد إن كانت "مصر" مقدمة على نظام جديد


وفي نهاية الموضوع أرى أن هناك سؤال يطرح نفسه بقوة وأتمنى أعرف إجابتكم عليه و أرائكم

هل هناك أمل ؟

[M.TONSY]

ممكن طبعا وفى امل انشاء الله لو اخلصنا النوايا وان تطبق دولة القانون وان نهتم بالتعليم اولا قبل اى شئ
ياعزيز كوريا بعد الحرب كانت شبه مدمرة كليا عملت ايه علشان تبقى بالوضع اللى احنا شايفينه النهاردة
انفقت كوريا 80% من موازنة الدولة على التعليم والبعثات الخارجية ليه بتصنع علماء وعقول مفكرة لكى تستطيع الدولة ان تنهض بعد حرب مريرة وتستفيد منهم
وده اللى لازم احنا نفكر فيه ونستفيد من التجربة الكورية ويكون ده فكر وزارة التربية والتعليم لازم تربى جيل جديد من الشباب على الدين والاخلاق والثقافة مع اعدادهم فى نفس الوقت ليكونوا علماء ونوابغ ومفكرين علشان مصر تنهض وتبقى فى مصاف دول العالم الاول المتحضر لان ده المفروض مكانها
لان نهضة اى دولة لن تتم الا بسواعد شبابها ولذلك عايز تدمر دولة فلتجعل شبابها جاهل مدمن ضايع بدون عمل يبقى كل سنة وانت طيب وده للاسف اللى احنا بنعانى منه الان وده المخطط الاستعمارى اللى كان النظام الفاسد بيطبقه علينا لصالح اسرائيل وامريكا ... وحسبي الله ونعم الوكيل

[crime]

يارب احفاد احفاد احفاد احفنده لما يبقوا زى كوريا

[Payoo]

المشاركة الأصلية كتبت بواسطة tonsy1979 ممكن طبعا وفى امل انشاء الله لو اخلصنا النوايا وان تطبق دولة القانون وان نهتم بالتعليم اولا قبل اى شئ ياعزيز كوريا بعد الحرب كانت شبه مدمرة كليا عملت ايه علشان تبقى بالوضع اللى احنا شايفينه النهاردة انفقت كوريا 80% من موازنة الدولة على التعليم والبعثات الخارجية ليه بتصنع علماء وعقول مفكرة لكى تستطيع الدولة ان تنهض بعد حرب مريرة وتستفيد منهم وده اللى لازم احنا نفكر فيه ونستفيد من التجربة الكورية ويكون ده فكر وزارة التربية والتعليم لازم تربى جيل جديد من الشباب على الدين والاخلاق والثقافة مع اعدادهم فى نفس الوقت ليكونوا علماء ونوابغ ومفكرين علشان مصر تنهض وتبقى فى مصاف دول العالم الاول المتحضر لان ده المفروض مكانها لان نهضة اى دولة لن تتم الا بسواعد شبابها ولذلك عايز تدمر دولة فلتجعل شبابها جاهل مدمن ضايع بدون عمل يبقى كل سنة وانت طيب وده للاسف اللى احنا بنعانى منه الان وده المخطط الاستعمارى اللى كان النظام الفاسد بيطبقه علينا لصالح اسرائيل وامريكا ... وحسبي الله ونعم الوكيل

وكأنك شاهدت الحلقة من أولها و كتبت ما لم ألحق أن أسجله

حقيقة أحييك على رأيك لأنه بالفعل هذا ما قامت به "كوريا" لكي تنهض وهذا ما ذكره الدكتور "يوسف مظهر" في بداية الحلقة

المشاركة الأصلية كتبت بواسطة crime يارب احفاد احفاد احفاد احفنده لما يبقوا زى كوريا

بس يا متشائم

[samirayad]

كيف تقدمت كوريا ؟ وكيف نتقدم نحن ؟

تقدمت كوريا لرغبة أبناءها

(قاده وشعب ) فى اللحاق بركب الأمم المتقدمه

ونتقدم نحن

بسلوك نفس النهج الكورى

مع التعلم من مسببات وضعنا الحالى وتلاشي العوده للخلف مره ثانيه