فتيس فيرنا مانيوال !!!!!!!!!

[haninatoon]

الفتيس عندى ساعات بيعض منى ماياخدش الغيار وساعات ماادوسش على الدبرياج كويس فاسمع صوت فرم فى الترس
المهم الفتيس عندى بعد ماياخد الغيار العصاية بتاعة الفتيس بيبقى فيها بوش بتاع 2 سم هل دة طبيعى ولا الفتيس بالسلامة
انا سالت علية فى التوكيل قالولى ب 17000 تخيلوا
طيب هل لية تصليح ولا لا
هو اصلا كدة بايظ ولا اية الدنيا

[محمد فيصل]

جرب الذهاب لميكانيكى امين واعرض علية الموضوع
اذا كان الجير بوكس فاسد عليك بشراء واحد استعمال فى حدود 3000من بورسعيد

[AbOnOrA]

جرب الميكانيكى يبصلك الاول على سلك الدبرياج لو مش مشدود كويس ممكن يحصل معاك نفس المشاكل وميكونش الفتيس فيه اى حاجة
كمان خليه يبص على الزيت بتاعة وقواعدة ويبص على سلك الدبرياج ومجموعة الدبرياج كلها وان شاء الله تكون حاجة بسيطة

[seifmando]

المشكلة دي اما
1- الديسك والاسطوانة- ودي هتعرفها من سحب العربية لة بقى ضعيف (الاتنين بـ 300 جم )
2- زي ما الاخوة قالوا سلك دواسة الدبرياج - ودا هتعرفه لو بايدك حركت الدواسة فوق وتحت وحسيت ان فيها بوش (مصنعية فى حدود من 10 -20 جنيه بالكتير اوي)
3- تيش -ايون اسمه تيش- النقلات الكوتش بتاعه اتاكل وعاوز يتغير(التيش كامل باسلاكه هيعمل فى حدود 150 - 200 جنيه)

[seifmando]

وعلى فكرة الفيرنا مبتغيرش فتيس الا لو كانت مع شاب و ايجار وفضل مقضيها حوالى 3 او 4 ايام فرك وحرق وبيدخل فى الرد زون باستمرار
وحتى لو كدا كامن هتلاقيها جابت دسك واسطوانة بس انما فتيس لأ

الفتيس يدمر لو اتهبد منك سواء فى مطب بأة او القواعد حصلها حاجة ولقيت الفتيس على الارض وانت ماشى لا قدر الله