هل البى واى دى هتيبقى مرادف للتاكسى فى مصر

[ezzat2002mo]

كنت امبارح فى مدينه نصر خلف الشيراتون تقريبا كل التاكسيات هناك العربيه دى
طيب لما هيه كويسه للدرجه دى طيب ليه الموجود منها ملاكى قليل جدا
طيب هل هتيقى مرادف للتاكسى فى مصر
لانى بصراحه انا عاوز اجيبها بس قلقان لان فيه ناس كتير بتشتم فى توكيلها ومعاملته السيئه
كمان انا عاوز اعرف فين العربيه اللى فى حدود 75 الف وده مبلغ مش قليل خصوصا فى بلد زى مصر والناس مش بتشتم فيها وبتلعن اليوم اللى ركبت فيه العربيه دى :
الافيو - اسبيرانزا 516 - رينو لوجان- بى واى دى - ساجا بروتون - لانوس - فيرنا
كله فيه مشاكل - كله توكيله زباله وفيه سرقه ونصب واحتيال واستغلال
يعنى احنا فاشلين فى التجميع والصيانه امال هنصنع عربيه امتى وشكلها هيكون ايه

[boshah]

على حد ما قرأت وسمعت عن العربية دى انها جيده جدا وقطع غيارها متوفره بلاضافه الى ان قطع غيارها نفس قطع غيار الميتسوبيشى من ناحية الموتور والتويوتا2008 من ناحية العفشة بس الناس مش بتحبها علشان زى ما انت شفتها كده اغلبها تاكسى .

[lonedoctor]

حياك الله
السيارة جيدة جدا وممتعة فى القيادة واقل السيارات من حيث المشاكل التقنية وقطع غيارها متوفرة ومتنوعة وسعرها جيد بالنسبة لامكانيتها الكثيرة والفعالة
توكل على الله ولن تندم واشتريها
حتى ولو التوكيل موش عاجبك فهو على الاقل ليس اقل من التوكيلات الموجودة فى مصر كما تفضلت ودى للاسف بيئة عامة وثقافة فى مصر وهى عدم احترام المستهلك وانعدام الثقافة التسويقية الجيدة وده امر عادى فى الدول النامية انت موش فى بريطانيا ولا امريكا
حتى عندنا هنا فى السعودية بالرغم من جودة خدمات ما بعد البيع يوجد مشاكل كتير متشابهةولك ان تتصور صيانة ال20000 كيلو لسيارتى الكورولا هنا فى السعودية تكاليفها 850 ريال علشان زيت وفلتر وفلتر هواء وبوجيهات ودى قيمتها 200 ريال لو عملتها فى محل غيار زيت فى الشارع فى نصف ساعة وفى المقابل كل الحاجات اللى موش عاجبانى فى السيارة لم يلتفتوا اليها وانا موش فاضى افضل رايح جاى وشكاوى وخلافه انا ممكن اعمل كل الكلام ده بره برخص التراب وموش علشان التوكيلات وحشة موش هنركب سيارات دى اصبحت من اساسيات الحياة
توكل على الله واشتريها ولن تندم او تعانى مشكلة كبيرة ان شاء الله
تقبل تحياتى

[كيا سيفيا]

المشاركة الأصلية كتبت بواسطة lonedoctor حياك الله السيارة جيدة جدا وممتعة فى القيادة واقل السيارات من حيث المشاكل التقنية وقطع غيارها متوفرة ومتنوعة وسعرها جيد بالنسبة لامكانيتها الكثيرة والفعالة توكل على الله ولن تندم واشتريها حتى ولو التوكيل موش عاجبك فهو على الاقل ليس اقل من التوكيلات الموجودة فى مصر كما تفضلت ودى للاسف بيئة عامة وثقافة فى مصر وهى عدم احترام المستهلك وانعدام الثقافة التسويقية الجيدة وده امر عادى فى الدول النامية انت موش فى بريطانيا ولا امريكا حتى عندنا هنا فى السعودية بالرغم من جودة خدمات ما بعد البيع يوجد مشاكل كتير متشابهةولك ان تتصور صيانة ال20000 كيلو لسيارتى الكورولا هنا فى السعودية تكاليفها 850 ريال علشان زيت وفلتر وفلتر هواء وبوجيهات ودى قيمتها 200 ريال لو عملتها فى محل غيار زيت فى الشارع فى نصف ساعة وفى المقابل كل الحاجات اللى موش عاجبانى فى السيارة لم يلتفتوا اليها وانا موش فاضى افضل رايح جاى وشكاوى وخلافه انا ممكن اعمل كل الكلام ده بره برخص التراب وموش علشان التوكيلات وحشة موش هنركب سيارات دى اصبحت من اساسيات الحياة توكل على الله واشتريها ولن تندم او تعانى مشكلة كبيرة ان شاء الله تقبل تحياتى

كلام تمام وسليم وجميل 100*100 وانا معايا العربيه من شهر ولما اركبها بأنسى التوكيل وقرفه بصراحه والحق يقال عربيه ممتازه ويتدفع فيها اقل من مقابل القيمه اتوكل على الله يا ابوالعز مش هاتندم

[Andrew_97]

معلش اعترض مع حضرتك فى ان توكيل رينووحش بالعكس دة كن افضل توكيلات مصر و عن تجربة مع توكيلات اخرى ورينو لوجان سبارة ممتازة و كلة بيشكر فيها و على فكرة هى افضل من الفيرنا و اللنوس من ناحية الامكانيات و الثبات و الامان