|
#1
19-04-2011, 09:10 PM
|
|||
|
|||
موضوع ولا اروع من كده بجد وماشاء الله علي سرعه التنفيذ بالنسبه لعلي كافيه انا جربته في المنصوره كتير و هو فعلا جميل بس جربو احمد كافيه بجد حلو و وجدااااا وفيه منه انواع كتييييييييييييير ولو عايز بطعم البطيخ هتلاقيه هههههههههههههه بالنسبه لخبراتي فالواحد ولله الحمد بيحب يجرب اي حاجه جديده و غريبه حتي بالشري مضيع فلوسي علي الحاجات العجيبه مثلا روحت كارفور قسم العربيات لقيت بلدوسه بتشتغل علي الولاعه قولت تمام اسال الراجل نجبلها لمبه منين وكام فولت و كده يقولي خد دي ياباشا يا عم دي لمبه نجفه تشتغل علي 220 فولت يقولي مهي بتشتغل علي دي ياعم دي تشتغل علي 12 فولت بس يقولي خلاص متخدش حاجه بعد نقاش طويل وغلبت معاه يقولي هي بتشتغل كده بعدم اقتناع تام المهم دفعت الفلوس واخدتها و مشيت و بالاخر طبعا مشتغلتش ولازم لها لمبه قدرتها اقل بس الاغرب بقي البلدوسه متصممه بدوايه لمبه نجف وبالاخر علي سلك ولاعه طب ازاي يا جدعانننننننن ؟؟؟؟؟ اروح محلات الاكسسوارات كلها اكتشف ان اساسا البلدوسه متصممه اشتغاله متصممه غلط فنصيحه محدش يشتريها و الي عايز يشتريها ياخد باله الدوايه قد اي عشان ميدفعش تمن دوايه و لمبه اكتر من تمنها اساسا هي كانت ب 13 ج دي حاجه خفيفه كده مسح زور يعني ندخل بقي علي التقيل قاعد في بيتك بصيت في النجفه لقيتها مش عجباك خالص وطبعا مع مرور الزمن فصلت الكهربه فيها ووصلت لمبه نيون بدلها و بقت زينه و مع مرور الزمن برضو التراب واكلها و صدت وشكلها وحش جه في بالك طب ما اغيرها بس عزيزه عليك و من الزمن البعيييييييييد " 28 سنه " وكنت جايبها ب 17 جنيه وفرحان بيها اوي و انت بتركبها جمعت جواكذكريات كتير فطبعا اخدت قرار بعدم التفريط فيها طلعلك ابنك العفريت يا بابا منغيرها تقوله اسكت يا قليل الادب تغير اي دي اكبر منك يا عم الحج شكلها وحش تقوله شكلها زي ما شكلها ايش فهمك انت وانت في الشغل ابنك العفريت يصحي من النوم يبصلها بقرف و تخنقه اوي وهيموت و يغير شكلها يقوم يعمل الاتي جايب سلم كبير و طالع وبفوطه ماسكها " عشان متعوروش اصلها مصديه و مليانه تراب " ينزلها و يدلخها علي الحمام تحت الدوش يديلها حمايه العيد ويليفها كويس " لو مصديه اوي هات لمونتين و ملح وبالبخاخه المكوي بخ علي النجفه مايه و رش حبه ملح و باللمون و ادعك فيها هتبقي تمام اوووي ولعد ما تخلص تنفرها بسنفره ناعمه " ويطلع بالكومبروسر يطير منها المايه يبص يلاقي السلوك دايبه خالص ياخد من جيبه 5 جنيه وينزل يجيب 3 متر سلك رفيع للنجفه معروف هو عند لكهربائيه " مش هيجيب 4 ج" ويجيب كمترايه " 0.75 ج" ويطلع يفك النجفه حته حته يعيد تركيب الدوايات كلها من جديد وبسلك ازير و مكوه لحام " تمنها 5 ج" يلحم الدوايا بالسلك الجديد ويجمع كل اطراف الدوايا " سلك الكهربه مع بعضو و الارضي مع بعضو و طبعا دلوقتي مش فارق المهم تجمع طرف في جمب و طرف في جمب " كده النجفه تمام يروح يبص للسقف يلاقي ان السلك الكهربه متوصل للمبنه و مفيش سلك للنجفه ينزل يجيب 5 متر سلك نصف بوصه "المتر 1.25 ج " وبريزه للحيطه " كوبس يعني " يروح يفك لوحه الكهربه و يشوف سلك المبه فين بالظبط وبمفك التيست يشوف ايهم الارضي و ايهم الكهربه الكهربه هو سلك بيمر فيه 220 فولت اما الارضي فهو سلك تقفيل الدايره و كهربته ضعيفه لو الدايره مغلقه " ضعيفه جدا " "لازم تاخد بالك تلبس شبشب جلد مفهوش معدن خالص و جسمك ميكنش فيه نسبه حموضه عاليه يعني متتسلاش علي لمون التلميع بتاع النجفه لان لا قدر الله لو اتكهربت و جسمك فيه حموضه عاليه بتبقي كهربه شديده جدا و عن تجربه " تشوف فين سلك الارضي و سلك الكهربه و تحاول تحركه و تبص في السقف علي السلك بالمبه عشان تعرف هو فين عند اللمبه عشان نفهم احنا هنعمل اي الارضي هو سلك ثابت للنجفه و للمبه اما الكهربه مينفعش اثبته لان لو ثبته اولا هيبقي حمل زياده علي السلك و لو رفيع يبقي هنولع في الشقه بعون الله وثانيا هيبقي كبس النجفه هو كبس اللمبه و ده طبعا مينفعش فالي هنعمله هندكك السلك ال 5 متر في الحيطه ونوصلو باللوحه و نحط فيه البريزه وبس طب هتقولي هدكك السلك ازاي طبعا احنا مش بنكون كهربه شقه عشان يبقي معانا سوسته فبالتالي التدكيك صعب حبتين بس في حل لزيز تجيب سلك الومنيوم "هو سلك تربيط في الفلاحين " " سلك طري جدا و قوي جدا جدا جدا ورخيص " ال 10 متر ب 3 جنيه " طبعا تقفل كهربه الشقه تمسك السلك الكهربه بتاع اللمبه من لوحه الكهربه وتوصله بالسلك الالومونيوم ده و تربطهم ببعض كويس جدا جدا وتغطيهم بشكرتون " عشان ميتعلقش في خراطيم الكهربه من جوا محدش عارف ممكن يكون في جوا بقايا اسمنت او اي حاجه " وتجيب صابونه وتمشيها علي السلك بمعني اصح بتخلي السلك يتزحلق وتتعلق علي السلم تشد سلك الكهربه من عند اللمبه لحد ما يطلع كله في ايدك وتشوف سلك اللومنيوم وطبعا تشده براحه و لو اتحشر شد من عند اللوحه تاني و ارجع شد من المبه ساسيه بمعني اصح اول ما يطلع من عند اللمبه تقوم توصل السلك الي انت جبته معاهم وتربط الوصله كويس و برضو تعملها شكرتون و تدهنهم صابون كويس اوي وترجع للوحه تشد سلك الالومنيوم وبراحه اوي هتلاقي السلكين ظهرولك و بكده انت دككت سلك جديد بالمواسير ومهما كانت مواسيرك ضيقه الصابون هيعمل عمايله هتقوم ترجع سلك اللمبه زي مكان في بريزته وتاخد السلك الجديد في بريزه جديده الي اشترها وتوصله من طرف و تعمل قصقوصه سلك "10 سم " وتاخد طرف من بريزه اللمبه توصلها في بريزه النجفه الجديده وبكده انت السلك الي وصلته جديد بقي فيه كهربه وبقي سلك كهربه وله بريزه للتحكم تطلع فوق تركب النجفه بالجنش وتجيب بقي الكمترايه توصلها من طرف بسلك الكهربه و من طرف بسلك التجميعه من الدوايا " دي خطوه شكليات يعي لو عايز لها كمترايه اما لو مش عايز فالبريزه هتقوم بالواجب و خلاص " تقوم توصل الطرف الاخر بتاع الدوايا بالسلك الارضي مع اللمبه وترجع كل حاجه زي ماكانت من لوحه كهربه و خلافه وبكده حصلنا علي نجفه جديده من تكلفه لا تتعدي 15 جنيه واول ما انت تيجي بقي الواد الشقي ابنك هيطالبك ب 2600 جنيه تمن نجفه جديده والي اللقاء مع تجربه جديده تقبلو جميعا خالص تحياتي التعديل الأخير تم بواسطة حازم شاهين ; 12-06-2011 الساعة 04:44 AM 
|
|
#2
19-04-2011, 09:18 PM
|
||||
|
||||
رد: عن تجربة - تجارب وخبرات فى شتى مناحى الحياة
مش عارف ليه يا ابو الاسعاد حاسس انك بتتكلم عن واحد حبيبي خصوصا في موضوع 2600 جنية ده  على فكرة انا عملت كل الكلام ده حوالي 6 مرات وكل ما حد من العيلة يعرف يدبسني في نجفته استغلال بقى هههههههههههههه
__________________
ولا نقول إلا ما يرضي ربنا إنا لله و إنا إليه راجعون
|
|
#3
19-04-2011, 09:33 PM
|
|||
|
|||
رد: عن تجربة - تجارب وخبرات فى شتى مناحى الحياة
هههههههههههههههههههههههه
انت بتقول فيها الواحد دلوقتي بقي بيعمل كهربه الشقق كمان ومره حصل خناقه مسخره بجد كان في كهربائي و واحد حبيبي جابني اقف معاه فالكهربائي وصل توصيلات غلط فانا عدلت عليه فمش عايز يغلط نفسه و قعد يرتاح حبه اني امشي من قدامه ابدا زهق مني و قرف و تاني يوم مجاش و محسوبك الي ادبس في تكميل الشقه ههههههههههههههههههههههههه
|
|
#4
19-04-2011, 09:44 PM
|
||||
|
||||
رد: عن تجربة - تجارب وخبرات فى شتى مناحى الحياة
بالشفاء يا ريس انا بقى عامل كهربة البيت عندنا كلها
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
