محتار بين نيسان صني و دايهاتسو سيريون 1500

[magoood]

سلام عليكم
انا بفكر في شراء عربية بس محتار لأني عايز اجيب حاجة كويسة مقابل الفلوس ومرجعش اندم أشد الندم بعد كدة

انا محتاج اسافر من والي الغردقة شبة اسبوعي وأخري 100 الف جنيه بالعافية وكنت عايز اعرف ايه احسن عربية اقدر اشتريها بالسعر دة:
طلباتي موش كتير خالص - كل اللي انا عايزه هو:

1) تكون ياباني او اوروبي 100% إذا أمكن
2) موفرة في البنزين
3) مريحة للطوال اللي زيي
4) أوتوماتيك
5) شنطة كويسة (موش لازم حاجة كبيرة اوي بس تشيل)
6) تستحمل المطبات والطرق الرديئة
7) ثابتة في الطريق على السرعات العالية
8) مدفعش فيها كتير بعد ما اشتريها سواء للصيانة او بسبب مشاكل التصنيع - يعني اعتمادية عالية

موش ناوي ابيعها بعد ما اشتريها علشان كدة موش يهمني اوي سعر اعادة البيع وموش يهمني سعر قطع الغيار لأني كدة كدة بحب اجيب الحاجة النضيفة اللي تستحمل معايا وقت طويل وطبعاً الحاجة الياباني المفروض انها غالية شوية بس عمرها طويل ودة عز الطلب بالنسبة لي

فكرت شوية ولقيت قدامي نيسان صني ودايهاتسو سيريون 1500 سي سي سبور

الي عاجبني جداً في السيريون انها يابانية 100% بس اللي مضايقني شوية ان شنطتها اصغر من الصني وخايف من عندم احتمالها مشاوير السفر (علشان موتورها ال 1500 وصغر حجمها نسبياً) و عدم احتمالها الشوارع الرديئة والمطبات.

اللي مقلقني كتير من الصني انها متقفلة هنا وبصراحة موش عارف التقفيل دة نظامه ايه - انا معنديش ثقة في التقفيل المصري للأسف الشديد.

أرجو الإفادة منكم قبل قراء الشراء - ربنا يعوض تعبكم في الرد - شكراً

[magoood]

محدش يعني عايز يعبر بكلمة واحدة - عموماً براحتكم موش عايز اعرف حاجة

[د0تامر محمد]

إختيارك هو الصنى لأنها تعطيك جميع طلباتك التى ذكرتها
هى سيارة للخدمة الشاقة والاوتو فيها رائع جدا
موضوع التقفيل المصرى لا يعيبها كثيرا لأنه تحت إشراف المصنع الأم

[hazem_khidr]

لا يصح المقارنه بين سياره سيتي كار كالسيريون و سياره كومباكت كالصني
فهذا به ظلم كبير للسيريون
فالصني اكبر و اوسع و اعلي اعتماديه
توكل علي الله و اشتري الصني