|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
02-03-2011, 12:25 AM
|
||||
|
||||
هو احنا رايحين على فين
سؤال سألته لنفسي 1000 مرة من قبل ما يتنحي الرئيس السابق وملقتش له اجابة
احنا رايحين على فين كله بيخون كله كله بينقض كله الناس اللي لسه قاعدين في التحرير بتقول الحكومة خاينة واذناب النظام السابق ( على الرغم ان النظام خلاص اتهد وملوش قومه تاني ) والناس اللي بره التحرير بتقول اللي في التحرير دول عاوزين يخربوها النائب العام بيشتغل ومعاه الناس اللي شغاله معاه ولازم ياخدو وقتهم والا القضايا هتتسلم ناقصة وهتلاقي بدل الثغرة الف ثغرة يخرجوا منها وناس تقول لا النائب العام ده من بواقي النظام والا كان ليه ساكت قبل كده ورئيس الجهاز المركزي للمحاسبات طلع وجاب ملفات الفساد اللي الفمروض انه قدمها قبل كده ومعملوش بيها حاجة والناس طالعه تقول ده فاسد وده من بقايا النظام وانه لازم يتحاكم وانه بيتستر على جرائم اللي مشيوا وانه سكت كتير قبل كده وناس تقول الجيش مع الشعب وانه هو الي وقف يحمي الثورة وناس تانية تقول لا قيادات الجيش دي من اذناب النظام ووزير الدفاع ده كان تحت امر الرئيس السابق وناس تانية تقول والمجلس العسكري ليه ساكت على الفساد وليه مش بيعمل حاجة مع انهم نفس الناس اللي بتقول الجيش مكانه مش جوه الجيش مكانه بره يحمي الحدود وسيادة الدولة وناس تقول يسقط احمد شفيق مع انهم نفس الناس اللي فرحت بيه اول لما جه وقالو بشرى خير اللي عملوه في الطيران المدني هيعمله في مصر كلها وناس تقول هاتو الجنزوري يمسك البلد زي ما كان ماسكها قبل كده ( مع انهم نفس الناس اللي كانت بتصرخ من الجنزوري ونظامه وشدته في تطبيق القوانين وانه طبق قانون الحاكم العسكري ايامه على مخالفات البناء من اول اللي مخالف في 10 سم زيادة في عرض البلكونة لغايه اللي باني على اراضي زراعية لكن معجبش علشان كان شديد شوية النهاردة بقى حلو ونفس الناس اللي بتتكلم وتقول هاتو الجنزوري هما نفس الناس اللي بتنقد قاعدة الرجل الواحد والنقد الكتييييييير قوي على ان مفيش من يصلح للمناصب العليا غير ناس قليله المجلس قال عدلو الدستور علشان خاطر نعمل نتخابات حرة ونزيهه وظبطوا القوانين علشان ميبقاش فيه حجة وشوفو الاليات اللي هيتعمل بيها الانتخاب ايه اتعملت اللجنة الاولى ايام الرئيس السابق معجبتش اتعملت اللجنة التانية برضة معجبتش طيب ليه اصل فيها واحد اخوان ومش فيها واحد مسيحي اصل مفيهاش ولا واحده ست تعبر عن المرأة الشرطة كلهم ولاد ستين × سبعين مع ان فيهم اهالينا وابن خالتك وابن عمتك وابن عمك وجارك وبعدين ما الشرطة اصلا من الشعب وكون ان فيه تجاوزات بينهم مش معناها ان الجهاز كله فاسد لكن نلاقي كل يوم والتاني موقف او حاجة تحصل انيل من اللي قبلها التلفزيون المصري مغيب عن الواقع ومش حاسس بالشعب والشعب مش حاسس بيه انه صوت له وبرضة الناس بتجري تدور على الجزيرة تسمعها رغم انهم عارفين انها بتهول شوية في الاخبار او بمعنى ادق في التعليقات على الاخبار اللي بتزود سخونية الموضوع وزير المالية يطلع علينا يقولنا هنعوض الناس عن الخساير وعن الشغل وهنعمل ونسوي وناس تطلع تقول وزير المالية ده هيخربها علشان اللي بيعمله ده هيعمل عجز في الموازنة العامة للدولة اضعاف اللي فيها وهو نفسه دكتور سمير رضوان اللي شارك في وضع النظم المالية لحوالي 20 دولة وساهم في صناعه الاستقرار المالي فيها وعلى لارغم انه ملحقش يعمل حاجة الا ان الناس برضة بتقول مش عاوزينه الناس عماله تعمل مظاهرات وتقول علشان نرفع الاجور ونتثبت مع ان الوزير طلع وقال كل اللي مضي عليه 3 سنين هيتثبت واللي اقل هيكمل ل 3 سنين ويتثبت وارجعو شغلكم علشان الدنيا مش تقف لا يعني ايه نرجع شغلنا مينفعش نرجع احنا قاعدين لما نشوف اخرتها معاكم طيب النهادرة انتو مش حاسيين فيه منتجات في المخازن لما المخزون يحصل مش هنلاقي ناكل وهتبقى مجازر وبلطجة بجد لا برضة مش ماشيين الجيش بيقول هنعمل الانتخابات بسرعة ونسلم السلطة تسليم مدني في خلال 6 شهور علشان يروح يشوف ثكناته ويشوف الحدود والناس تقول لا 6 شهور ايه اللي هيتعمل فيهم كل الانتخابات دي يا جماعة نسلم الدولة وبعدين ابقى اعملوا اللي عاوزينه ونعمل دستور جديد ونعمل 10 حكومات جديدة التحرير مش بعيد عننا يعني لا برضة عاوزين دستور جديد طيب ما التعديل مكتوب فيه على ان يتم انتخاب لجنة تأسيسية لانشاء دستور جديد للبلاد لا برضة عاوزين دستور جديد دستور جديد ومناقشات وحلول ورايح جاي فيها مش اقل من سنتين مش مهم بس نعمل دستور جديد طيب والحدود مش مهم بس نعمل دستور جديد طيب والمياه وحرب المياه اللي داخلين عليها مش مهم عاوزين دستور جديد وائل غنيم صوت الثورة الشرارة الاولي اللي كلنا عيطنا معاه يوم ما ظهر مع مني الشاذلي والفيديو بتاعه اتنقل على يوتيوب اسرع من فيديوهات الثورة نفسها طلع ناس تشكك فيه وفي وطنيته وانه عميل وانه وانه وانه وانه الناس اللي بتنادي بالديمقراطية وبحرية التعبير وحرية الرأي هيا نفسها الناس اللي بتحجر على اراء غيرها لما حتى بيفكروا مجرد تفكير انهم يعبروا عن حبهم للرئيس السابق حتى وان كان ظلم ناس كيتر ففه برضة ناس تانية بتحبه ومحدش يقولي دول عملا ومش حاسسين بالدنيا لانهم برضة هيردو علي اللي هيقول كده ويقولوله انت كمان عميل وناكر للجميل وكل واحد من نظرته لاموره الشخصية زي ما انا وانت وغيرنا اتظلم ومش لقى شغل محترم فيه الااااف اشتغلت وشقت طريقها في حكومة وقطاع خاص زي ما انا ونت وغيرنا ملقاش جحر يلمه يتجوز فيه فيه الااااااااف سكنت في شقق اسكان مبارك واخرها كان في سنة 2000 تقريبا زي ما انا وانت وغيرنا اتهان في اقسام الشرطة فيه غيرنا برضة راح القسم واتعامل كويس ومحترم وزي ما انا وانت وغيرنا من حقه يقول لا برضة فيه آلااف غيرنا من حقها تقول كلمة شكر حتى لو احنا مش شايفين معنى للشكر ده فيه ناس قالت ان فيه ناس سرقت وعملت وسوت وطلعو كمية مليارات مهووووووولة برضة من حق النائب العام يدور ويشوف هل الكلام ده صح والا غلط والمتهم بريء حتى تثبت ادانته ادان ودخل المحكمة واتحاكم يبقى نتحاسب لكن كلنا بقينا شاكيين ومحامين وقضاه وسجانين وجلادين اتمنى الناس تقرا وتفهم اللي قولته وبعدين تبقى تتكلم وياريت حد يقولي احنا رايحين على فين لان فيه كلمة سمعت ان مبارك قالها قبل كده لكن انا مش شوفتها في خطابه وهي الفرق بين الديمقراطية والفوضي شعرة وشكلنا كده رايح على الناحية الثانية من الشعرة ياريت حد يقولي احنا رايحين على فين 
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 02-03-2011 الساعة 12:46 AM 
|
|
#2
02-03-2011, 12:35 AM
|
|||
|
|||
|
رد: هو احنا رايحين على فين
الله اعلم احنا رايحين فين بس نظريا و علي الورق رايحين في سكه الي ميرجعش لان دي كل معاني الفتنه
|
|
#3
02-03-2011, 12:35 AM
|
||||
|
||||
|
رد: هو احنا رايحين على فين
شكرا ليك ندعوا من الله العلى القدير ان يوفق هذا البلد الى الخير وان يولى من يصلح فيه امين يارب العالمين
|
|
#4
02-03-2011, 12:50 AM
|
||||
|
||||
رد: هو احنا رايحين على فين
ربنا يرحمنا ويعديها على خير يا ابو الاسعاد وان كانت الفتنة فليس لنا الا الله يخرجنا منها وليس لنا الا دعاء واحد اللهم يا مقلب القلوب ثبت قلوبا على دينك
__________________
ولا نقول إلا ما يرضي ربنا إنا لله و إنا إليه راجعون
|
|
#5
02-03-2011, 12:53 AM
|
||||
|
||||
رد: هو احنا رايحين على فين
اللهم آمين شكرا على مرورك يا استاذ سالم
__________________
ولا نقول إلا ما يرضي ربنا إنا لله و إنا إليه راجعون
|
|
|
|
