تحديث خريطة مصر على GPS السيارة

[Bahi]

السلام عليكم

يا ترى ممكن حد يساعدنى أحدث خريطة مصر على ال GPS عن طريق موقع مجانى لتحميل آخر خريطة ممكنة التى أعتقد انها بالنسبة للجهاز بتاعى هى (iGo My Way 2010 Q2)؟

وجزاكم الله خيرا

[حبيب الناس]

انت عاوز i go علشان تشغله علي ايه
موبيل وايه نوعه
ولا جيبي بي اس فقط وايه نوعه
ولا كاسيت سياره بجي بي اس وايه نوعه
حددلي ايه بالظبط وان شاء الله هفيدك

[b A d R]

المشاركة الأصلية كتبت بواسطة حبيب الناس انت عاوز i go علشان تشغله علي ايه موبيل وايه نوعه ولا جيبي بي اس فقط وايه نوعه ولا كاسيت سياره بجي بي اس وايه نوعه حددلي ايه بالظبط وان شاء الله هفيدك

هو جي بي إس فقط ..

[bmkbmk]

بص يا باشا فيه منتدى خاص بالتليفونات الذكية CE4ARAB.COM
دا فيه قسم خاص لبرامج ال GPS و تحديثاتها و اعتقد انك هتلاقى منها للموبايل و لأجهزة الGPS كمان ....

بالتوفيق يا باشا

[Bahi]

شكرا على الرد -نيابة عنى- يا بدر بك!
حبيب بك الناس ... زى ما بدر بك رد بالضبط أو بالأصح ال Portable Car GPS عايز أحدثة بآخر خرائط لطرق مصر. أنا أشتريتة امبارح بس والبياع أخبرنى أن أحدث حاجة موجودة على الجهاز لكن أنا مش متأكد وأفضل أحدثة بنفسى ب Egypt iGo My Way 2010 Q2 أو اذا كان حتى Q3 متوفر ولو انى معتقدش.

لما وصلتة بالكمبيوتر وجدت علية iGo08 ولما شغلتة لقيت علية خريطة الiGo شغالة زى الفل والست اللى جواة كتر خيرها أعدت ترشدنى أمشى ازاى وكمان تنبهنى لما أعدى السرعة وفعلا أتحركت طبقا لتوجيهاتها من مصر الجديدة للمهندسين وبعدين ل6 أكتوبر وبعدين النهاردة الصبح من 6 أكتوبر للمهندسين تانى وكلة زى الفل والحمد لله.

أما عن الماركة فمفيش على الجهاز نفسة أو حتى على العلبة أى ماركة خالص كل اللى مكتوب علية هو GPS Global Posioning System وMicrosoft Windows CE.net وحتى مش مكتوب بلد الصناعة اللى أعتقد طبعا انها الصين كالعادة.

أما عن امكانياتة -بعد التجربة- ففية الآتى:
* Satellite Receiver شغال زى الفل وبيجيب حوالى 10-12 قمر
* POI أو(Point of Interest) شغالة زى الفل وبتورينى محطات البنزين وخلافة بس مفيهاش حاجات تانية مهمة زى الرادارات الثابتة اللى على المحور والدائرى وخلافة
* Driving Guidance اللى هى الست اللى كنت بقولك عليها عمالة تكلمنى طول السكة الله يعمر بيتها
* Intelligent Search وفعلا لما بدور على عنوان قبل ما أخلص كتابة يكون هو كارر كل الاحتمالات وراصصهملى علشان أختار منهم
* FM Transmitter وفعلا أخترتلة تردد FM وبسمع تعليمات الست اياها على راديو العربية
* Multimedia شغل أغانى وأفلام لو عاوز وكمان فية flash بس مفكرتش أجرب الحاجات دى لسة علشان عندى DVD Player و3 شاشات فى العربية
* Buetooth وفعلا وصلت علية الموبايل وبأدر أستقبل وأطلب و أسمع وأتكلم من الجهاز (Car-Kit)

مع جزيل الشكر