العودة   مصر موتورز مجتمع السيارات > تعديل السيارات والاكسسوارت > تعديلات رفع الاداء

تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ...


إضافة رد
 
أدوات الموضوع
  #1  
قديم 24-07-2010, 10:33 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
Talking أستخراج أفضل أداء من موتور عربيتك بلا تعديلات .

زى ما أحنا عارفين مواتير السيارات بتبقى خارجة من المصنع وبتطلع عزم معينة وهورس باور معين, وللأسف المواتير بتضعف مع الأستهلاك وممكن الموتور يفقد الى 50% من قوته الأصلية بسبب قلة العناية بيه, وفى الغالب جميع العربيات اللى ماشية فى الشارع الموتور بتاعها مابيطلعش غير 70% من قوته الأصلية.
الموتور عبارة عن منظومة متاكملة كل قطعة فيه بتعتمد على قطعة تانية, لو حاجة باظت ومأ تغيرتش بتأثر على حاجة تانية وهكذا وتؤثر على الموتور ككل.
وللحصول على أفضل أداء من الموتور الحالى بدون تعديلات يجب مراعاة الأتى:-


1- ودى أهم حاجة, تغيير فلتر البنزين كل 3000 كيلو, البنزين فى مصر مليان شوائب حتى لو 98 والفلتر بيتسد قبل معاد تغييره وبيخنق العربية والسحب بيقل

2- تانى أهم حاجة, تغيير فلتر الهواء كل 3000 كيلو برضه مع مراعاة تنظيفه كل أسبوع أو أسبوعين لأن تراكم التراب فى الفلتر بيمنع الهواء من الدخول للموتور وصدقنى هتحس بفرق جامد سواء بعد التغيير أو التنضيف.

3-تغيير الزيت وفلتر الزيت فى معاده ويا حبذا لو قبله, لأن مهما فلتر الهواء والبنزين عملوا الزيت بيتراكم فيه شوائب بتسد فلتر الزيت وبتخلى العربية تسخن بسرعة, ده غير أنها بتجرح فى جدران السلندر وبتزود لزوجة الزيت وبتقلل عمر الموتور, وطبعا كله شايف التراب فى الجو عامل أزاى والبنزين مليان هباب.

4- أوعى تجيب زيت 10000 أو 5000 لأن زى ماقلت قبل كده الزيت بيتجمع فيه تراب وهباب بيبوظ الموتور وكمان الفلتر كده كده هيتغير كل 3000 أو 5000 كيلو, فمهما كان الزيت مدة تغييره طويلة ده مش معناه أنه مش هيجمع شوائب وتراب.

5- الكشف على منظومة الشكمان كل فين وفين, الشكمان لو جزء فيه مسدود أو مثنى هيأثر تأثير مالوش حل على أداء العربية و أسال مجرب, الشكمان كان مسدود والعربية كانت زبالة ولا حتى راضية تفصل (علشان مبتعديش 5000 لفة) خدت خبطة فى الضهر بالحظ العربية بقت صاروخ بالنسبة لحالتها الأصلية (الخبطة عدلت الشكمان).

6- حاول تجيب منظف للرشاشات كل فترة, علشان الرشاشات بتتسد من الشوائب اللى فى البنزين والمفروض تتنضف كل فترة وفترة, ولو الرشاشات بقالها كتير متنضفتش ممكن تنضفها بالموجات فوق الصوتية عند متخصص والفرق هيبان.

7- حاول تكشف على طلمبة البنزين لو بقالك كتير مغيرتهاش عند الميكانيكى علشان لو الطلمبة ضعيفة الضغط فى خط الوقود بيقل والعربية بتضعف.

8- البوجيهات ثم البوجيهات ثم البوجيهات, حاول تغير البوجيهات كل 20000 أو 15000 كيلو وخلى معاك مفتاح بوجيهات علشان كل فترة تفكهم وتنضفهم وتعرف حالة العربية من لون البوجيه وهل البوجيه عليه زيت ولا لأ وخليك فى بوجيهات ngk و BOSCH وسيبك من البوجيهات 2 و 3 شمعة, والتزم بمقاسات البوجيه الأصلية بتاعت العربية.

9- حتة تعديل: حاول تجيب أسلاك بوجيها قطرها أكبر من اللى فى العربية علشان مقاومة السلك تقل وبالتالى الشرارة قوتها هتزيد.

10- حاول كل فترة وفترة تضغط على موتور العربية بأنك تنقل على عدد لفات عالى علشان تفوق الموتور ولو فيه شوائب فى دورة البنزين تتشال.

11- الهورس باور والعزم مش مهم على قد مامهم هو بيطلع أمتى يعنى عربية زى الفيرنا موتورها بيطلع أقصى قدرة ليه عند عدد لفات قليل على عكس عربية زى اللانوس أقصى قدرة ليها بتطلع متأخر, علشان كده الفيرنا بتسبق اللانوس على السرعات القليلة لكن على السرعات العالية اللانوس تكسب, فحاول تخلى نقلاتك عند عدد لفات مناسب علشان تستفيد من قوة الموتور.

ودول حاجتين زيادة:-
12- الأطارات هى أهم حاجة فى العربية و أهم من الموتور كمان, العربية من غير موتور ينفع تمشى أنما من غير عجل بح, حاول تغير الأطارات كل 40000 أو 50000 كيلو, لو الموتور هو اللى بيعمل القوة فالأطارات هى اللى بتستخدمها, وموتور 1000 حصان ولا ليه لازمة من غير عجل.

13-غير تيل الفرامل كل 3 شهور, حتى لو مسمعتش صوت الصرير الرذل, ومع التغيير خلى الميكانيكى يكشف على المنظومة كلها ويكشف على الزيت علشان الفرامل تعتبر حياتك - تقدر توقف العربية من غير فرامل ولو حد عايز يعرف أزاى أسألنى

- .
العربية زى الأستثمار بالظبط أعتنى بيها وأعملها الصيانات الدورية وصدقنى عمرها ماهتزعلك ده بالعكس لو بتحب عربيتك وفيه ربع ضارب فى دماغك زيى هتحس بفرحتها.

وأه أنا عارف أن معظم اللى فوق صيانات دورية بس فيه ناس كتير بتطنش أو بتنسى فقلت أفكركوا, وكمان ديه حاجات بسيطة بس تأثيرها كبير وفيه أحصنة كتير بتهرب من الموتور بسببها وأهم حاجة فلتر الهواء والبنزين.
وياريت اللى عنده حاجة تانية يقولها يمكن أنا نسيت أكتبها أو معرفهاش( نياههههههها)
والى اللقاء فى حلقة قادمة.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.






التعديل الأخير تم بواسطة Injection ; 24-07-2010 الساعة 11:24 AM
رد مع اقتباس
  #2  
قديم 24-07-2010, 12:37 PM
الصورة الرمزية sheekoo
sheekoo sheekoo غير متواجد حالياً
من انا؟: محب للسيارات والاصدقاء
التخصص العملى: م. زراعى
هواياتي: النت ممارسة الرياضة التعرف على كل جديد فىالدنيا
 
تاريخ التسجيل: Sep 2009
الموقع: بلدى المحبوب
المشاركات: 266
sheekoo is a splendid one to beholdsheekoo is a splendid one to beholdsheekoo is a splendid one to beholdsheekoo is a splendid one to beholdsheekoo is a splendid one to beholdsheekoo is a splendid one to beholdsheekoo is a splendid one to behold
افتراضي رد: أستخراج أفضل أداء من موتور عربيتك بلا تعديلات .

الف شكر لك يا باشا على المعلومات القيمة لان الواحد ساعات بينسى وتكون النتيجة مش كويسة
انتا كدة فكرتنا بكل حاجة مرة واحدة.
رد مع اقتباس
  #3  
قديم 24-07-2010, 01:37 PM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: أستخراج أفضل أداء من موتور عربيتك بلا تعديلات .

العفو ياباشا ده أنت أول واحد يعبرنى, شكرا على مرورك.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #4  
قديم 24-07-2010, 01:50 PM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: أستخراج أفضل أداء من موتور عربيتك بلا تعديلات .

شكرا يا انجيكشن
الواحد فعلا مع الزمن واحدة واحدة اداء العربية بيقل و هو مبيحسش لانه متعايش معاه واحدة واحدة بيربيه يعنى (ضعف الاداء) و لما بيعمل صيانة بيقول ياه العربية بقت حاجة تانية مع انها بقت حاجة اولانية بس هو الى نسى
رد مع اقتباس
  #5  
قديم 24-07-2010, 02:48 PM
الصورة الرمزية MEMOO_1ST
MEMOO_1ST MEMOO_1ST غير متواجد حالياً
 
تاريخ التسجيل: Nov 2009
المشاركات: 841
MEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond repute
افتراضي رد: أستخراج أفضل أداء من موتور عربيتك بلا تعديلات .

مشكوووووووووووووووووووووو وووووووور وفعلاً نصائح جميلة وفعلاً الواحد محتاج كل شوية حد يفكرة بالمعلومات دي وتسلم ايدك يا جميل.
__________________

الحمد لله والشكر لله.
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:48 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017