|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#1
28-06-2010, 04:17 PM
|
|||
|
|||
محتاج عربية عالية و مش طويلة و يركبلها ديفندر و اوتوماتيك لحد 100 الف و محتار
سلام عليكم
الحقيقة انا بفكر ابيع عربيتى الاكسنت القديمة و اجيب عربية تستحمل بلاوى و قرف الطرق - بجد انا عشت فى دبى سنتين و لما سوقت فى مصر حسيت اننا بناخد على قفانا و نقول تسلم ايدك يا معلم مش عاوز اخوض فى بلاوى الطرق لاننا عارفنها الخلاص انا نفسى اجيب عربية عالية و ملمومة كده مش طويلة و يركبلها ديفندر امامى و خلفى و تكون اوتوماتيك انا هادفع النصف او اكتر شوية كاش و الباقى قسط بس اللى لقيته حتى ال 100 الف كان تيجو و ماتريكس و مش لاقى حاجة تانى لكن لقيت بعديهم ليفينا و كارينز و تيريوس فعاوز مشورتكم استحمل شوية و اجيب من الغالى ده لو الفرق جامد و لا ايه و لو اخترت مين فيهم انسب لطرق مصر على فكرة انا مليانة شوية بسيطة و متزوج و عندى طفل و بحب السفر و الرحلات و ساكن فى مدينة المطبات - اكتوبر اسف على الاطالة بس انا خفت اخد قرار لوحدى و اندم عليه قولت اسالكم و استشيركم 
|
|
#2
28-06-2010, 04:45 PM
|
||||
|
||||
|
رد: محتاج عربية عالية و مش طويلة و يركبلها ديفندر و اوتوماتيك لحد 100 الف و محتار
اهلا و سهلا بيك في مصر موتورز يا دام
بالنسبه لتركيب الديفندرات مخالف لقواعد المرور و مرور 6 اكتوبر من وحدات المرور الشديده جدا لذلك فلا انصح به. بالنسبه لاختيارك انا بفضل الكارينز من وسط المجموعه المختاره اما لو عاوز عربيه عاليه مفيش غير فئه ال suv و دي فئه غاليه مش اقل من 180 الف و انت طالع. غير التيجو فقط في سعر معقول لكن لا استطيع ان اقول رأيي فيها لعدم تجربتها و تخوفي من الصيني عموما
__________________
حـازم خـضـر
|
|
#3
28-06-2010, 05:00 PM
|
|||
|
|||
|
رد: محتاج عربية عالية و مش طويلة و يركبلها ديفندر و اوتوماتيك لحد 100 الف و محتار
اولا بشكرك جدا استاذ حازم لانك دايما اول واحد بيرد عليا
الكارينز جميلة جدا شكلا بس....... ضخمة شوية و هاتقرفنى فى الركنة و فى الجراج انا بفمر فى نيسان ليفينا لسببين الاول انى عاوز اوتوماتيك فبقول اجيب يابانى و التانى انها اقل فى الحجم من كارينز لكن برجع افكر فى موضوع الرحلات الاقى كارينز اوسع و تشيل اكتر انا هاحاول انزل اتفرج عليهم كلهم برضه يمكن قلبى يمسك فى واحدة فيهم ---- بس ساعتها المدام هاتضايق اوى هههههه لكن ليه الديفندرات ممنوعة مع انى بشوفها كتير الف شكر مرة تانية استاذ حازم و منتظر الاخوة لو حد يفيدنى برضه لو ليه اى تجارب مع اى عربية منهم
|
|
#4
28-06-2010, 05:31 PM
|
||||
|
||||
|
رد: محتاج عربية عالية و مش طويلة و يركبلها ديفندر و اوتوماتيك لحد 100 الف و محتار
العفو يا باشا
الديفندرات المرور بيعتبرها بروز للسياره لذلك ممنوعه غير انها تشكل كارثه علي عربيته و العربيه المخبوطه فيك لان اي تحميل بسيط عليها بيحمل علي شاسيه العربيه فورا
__________________
حـازم خـضـر
|
|
#5
29-06-2010, 02:13 PM
|
||||
|
||||
|
رد: محتاج عربية عالية و مش طويلة و يركبلها ديفندر و اوتوماتيك لحد 100 الف و محتار
طبعا انا متفق مع استاذ حازم على الكارينز وبماان رغبت عربية اسرية يبقى يليها الماتريكس ب93 الف اتوماتيك ومنتشرة ومحل ثقة ومحترمة وقطع الغيار متوفرة بسعر متناسب مع السيارة وممكن اصلاحها خارج التوكيل ومابتحكش واهم ميزة الوسع الداخلى فبصراحة برشحها بقوة بالمقارنة بالسيارات الاخرى
الكارينز الماتريكس وبالتوفيق
|
|
|
|
