استلمتها اخيييراً الجاك b15 استلمتها يا رجاااالة

[krim71]

بجد حقيقي العربية ابهرتني بجد مسابوش فيها حاجة وحشة كل حاجة فيها حلوة من اول شكل العربية الخارجي و التصميم و فوانيس لينسز من قدام و ليدز من ورا بشوفها من بعيد باللمد الليدز احس مرسيدس واقفة و طول منا ماشي الناس تبص عليا و كل واحد يبص اديله في وشه خمسة و انا ماشي ptmnlo123per111
و من جوا طبعا مساحة خيالية للقعدة فيها انا كنت بسأل اللي قعدين معايا ورا بيقولولي احنا حاسين اننا قاعدين قدام و كان ساعتها كمان انا مرجع الكرسي لورا !! و لما قعدت ورا كنت في النص كده حبيت اغير الاغنية من الكاسيت قومت بجسمي كله علشان اطول الكاسيت معرفتش !! و انا طولي 181 كده ptmnlo123per144
الكاسيت صوته رهيب بجد حلو اوي و شغلت اليو اس بي بس بيشغل فلاشات بس مش بيشغل ريدر و صوته عالي الدقة و كمان الراديو جاب محطات اول مرة اشوفها محطات اصلاً مش بتيجي عندنا !!و صوتها من غير خرفشة و كمان لما بتخرفش بيوطي لوحده لحد ما الخرفشة تروح و يبدأ يعلي الصوت تاني يعني هو بيظبط الصوت على اد الخرفشة بس مش متأكد من الكلام ده بس انا حسيت كده في الفترة اللي كنت فيها في العربية ptmnlo123per1147
العربية نقلتها قصيرة و سريعة و الفتيس مريح جداً و قصير زي العربيات الرياضية و سواقتها نعمة جداً نستني كل حاجة و العددات ملهاش حل اول حاجة شيك جداً تاني حاجة موضحة كل حاجة و مش سايبة حاجة و لو مش لابس الحزام تفضل تزن عليا و تعمل صوت صفارة و تجبرني اني اسمع الكلام في الاخر و البسه !! ptmnlo123per1106
مساحة الشنطة روعة حلوة اوي والله تكفيش نقعد فيها 2 بس جوا بقى مساحات التخزين قليلة و ده عيب منها مع اني حاسس ان كل العربيات الي في الفئات العالية العالية كده يعني مفهاش غير اللي في الابواب و حامل الاكواب و ضهر الكراسي و اللي بين الكرسين و الدرج .. دي الحاجات الاستاندارت بتيجي في كل العربيات كده غالباً لكن انا كنت في النوبيرا بلاقي مكانين غير الحاجات دي على يميني عند فرامل اليد و كمان في درج صغير جداً شمال الدريكسيون كده كانوا بينفعوني بس هتعود عليهم
العفشة مش نعمة اوي بس حلوة يعني مش مضيقاني في حاجة النوبيرا كانت انعم شوية بس يمكن مع التليين هتبقى اريح
طبعاً نورها قوي جداً جداً جداً و اللينسز شغالة زي الفل و تقريباً الشبورة برده كده و كمان الاشراتا حولية في كل حتة يعني الاعمى هيشوفني و انا محود و يعرف اني مدي اشارة
صاج العربية تقيل و تقفيل عشرة على عشرة سواء من جوا او من برا لو روحتو المعرض افتحوا الكبوت كده و امسكوه بإيدكم هتلاقوه تقيل و ناشف و كمان و انت فتحه لو بسيط فوق هتلاقيه متبطن من جوا م تقفل زي الفل و برده الشنطة من ورا متبطنة من فوق
بس فيه ايه تاني ينقال ؟؟ لو فيه قولولي
يا رب بس تفضل حلوة على طول و محدش يدبني عين جامدة بجد احمد ربنا على كل شيئ و يا رب تعيش معايا و ميحصلهاش حاجة يا رب

[krim71]

و انا واخد العربية و ماشي و انا بستلمها يعني لاقيت في الشارع قدامي واحد معاه العربية و معدي من قدام و لونها احمر برده حلو اوي عليها

[elmanahry]

الف مبروك وربنا يحرسك ويحفظك انت والسيارة

[المناور]

بسم الله ما شاء الله على عربيتك ومبروك عليك

خليك بقى معرفنا بالمستجدات عن العربية دى أول باول وبعد كل صيانة ، وحاول لما تروح الصيانة تقولنا اخبارهم فى التعامل معاك ايه ولو لاقيت ناس معاها نفس العربية تسألهم عن رأيهم فيها وهل فيه أى مشاكل قابلوها وكده علشان نقدر نجمع أكبر قدر ممكن من المعلومات عن العربية دى .

أنا بصراحة العربية دى كشكل وامكانيات داخلة دماغى قوى بس صابر عليها شوية لغاية أما شوف ادائها مع الاستخدام .

[بدر بسيونى]

الف ال فمبروك ربنا يباركلك فيها ويديك خيرها ويكفيك شرها