- أأمن مليون مرة، وخصوصا في المناطق الجبلية لو الفرامل سابت منك ضحي بالجير و جيبه على النقلة الخلفية. كمان أأمن من عبث الاطفال و طبعا الطفل مش حيغلب انه يدوس على زر الامان الاوتوماتيك و بالمرة زر تشغيل السيارة اللي عاملاه الشركات الحمقاء بدل المفتاح. ولو شفت مدينة زي مكة كلها جبال كل الناس هناك بتسوق مانيوال زي الكامري و خلافه.
- أأمن و اوفر للفرامل عن طريق الداون شيفت (تسقيط النقلة) اللي بيساعد على فرملة السيارة بدون ماتستهلك تيل كتير.
- ابسط و أرخص بكتير في الصيانة (ودي نقطة مهمة في مصر) و لو الجير اتخبط من تحت بدل الحلة و بالكتير ترس ولا اثنين مش قصة بس في الاوتوماتيك انت كدة كدة بترميه كل عدد معين من الكيلومترات.
- امكانية تدوير السيارة لو البطارية نامت.
- اوفر للبنزين بنسبة 30% على الأقل.
- تسارع اكثر بنسبة 30% و تحكم كامل في القيادة، انت اللي تقول انت عايز تعمل ايه بالضبط مش العربية هي اللي بتتحكم فيك، المانيوال للرجالة، اما الاوتوماتيك زيه زي منتجات آبل للباقي
- العربية الماينوال نفسها ارخص ده غير ان فيه عربيات مانيوال بتبقى متاحة لك عند الشراء اكثر بكثير من الاوتوماتيك و خصوصا في الفئات الاقل من 1600 سي سي.
- فيه شركات حاولت تعمل حاجة تجمع بين الاوتوماتيك و المانيوال (انا مش باتكلم عن الستيبترونيك لانه مازال بعيد عن المانيوال) عن طريق انها تعمل تقنية DSG و هي 2 جيربوكس مانيوال واحد نقلاته فردية وواحد نقلاته زوجية و كمبيوتر بيتحكم في الاتنين بس التقنية دي مليانة مشاكل في الصيانة و مليانة اعطال.
- نصيحتي دايما اشتري العربية المانيوال اللي مفيهاش تعقيدات الكترونية كتير (ماعدا المحرك لانه بيوفر اجاء احسن و استهلاك احسن و صيانة احسن) انا باتكلم على الحاجات الاوبشنز و التكييف التاتش و الكلام ده علشان الصيانة بتبقى مكلفة و الشركة بتحتكر قطع الغيار، امتى تشتري حاجات معقدة الكترونيا انا اقولك لما يبتدوا يعملوا عربيات بتصميم مفتوح او بقطع ستاندارد يعني مثلا ممكن تشتري لوحة قيادة ديجيتال من 100 شركة زي الكمبيوتر المنزلي كدة ساعتها اقولك اشتري و انت مطمئن.
-الاوتوماتيك ميزته طبعا المناطق الزحمة لو مانتاش بتسوق في حتت زحمة يوميا انت مش محتاج اكتر من عربية مانيوال مكيفة باور يفضل دفع خلفي، يفضل كاتينة جنزير ، ثابتة على الارض و سرعتها توصل 145 كم / ساعة و تكون قليلة الاعطال و ذات اعتمادية عالية، اكتر من كدة غسيل مخ اعلامي و ثقافة استهلاكية تليق بالنساء. ده رأيي الشخصي طبعا لا الزم به اي احد.
24-05-2013, 05:30 AM
المزايا الخطيرة للسيارة المانيوال و نصائح عامة.
.... لو الفتيس اوتوماتيك ... الدنيا كانت حتبقى احلى ... و مع ذلك .. انا مش بفكر اغير لفتيس اوتوماتيك
انت مش محتاج اكتر من عربية مانيوال مكيفة باور يفضل دفع خلفي، يفضل كاتينة جنزير ، ثابتة على الارض و سرعتها توصل 145 كم / ساعة
