|
|||||||
| برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور |
 |
|
|
أدوات الموضوع |
|
#1
09-09-2014, 10:29 PM
|
||||
|
||||
تقرير صيانه ال2000 كم لبريليانس v5
السلام عليكم
يوم الاربعاء الماضى تم عمل صيانه ال2000 للبريليانس v5 فى مركز صيانة رمسيس بمحرم بك وهو معتمد لبريليانس هو ممكن المركز قديم وصغير شويه بس الى فيه ناس محترمه قبلنا على المدخل البشمهندس معتز وهو رجل محترم جدا ومن قبل مانقوله الاستفسارات بتعتنا هو قالها لوحده لانه عارف مشاكل العربيه دى وهو قال ان بعد مايخلص الصيانه هيقولك ليه فيه صوت مع الضغط على الفرامل وليه هقولك ان صوت الموتور بيكون عالى ولما اخلص الصيانه هشرحلك كل حاجه فى العربيه المهم خلصت الصيانه فى حوالى ساعه الا ربع بالغسيل بكله ورحنا وشرحلنا السياره كلها وقال لنا حجات احنا حتى الان لم نكن نعرفها بالسياره ومن ضمن الاوبشنز فى السياره مثلا انك لو قفلت بالمفتاح السياره لن تفتح الا بالمفتاح يعنى ماتجيش تفتحها بالبصمه هتعمل الانذار على طول وكلكسات وحصلت معانا قبل كده ومره انا قفلتها بالبصمه لقيتها مش بتفتح بالمفتاح قولت المفتاح باظ لا لان لازم كنت افتحها بالبصمه زى ما انا قفلتها وشرح لنا الشاشه الى فيها يعتبر التحكم فى نصف الاوبشنز بتاع السياره وبخصوص صوت الفرامل فا هو قال انك هتسمع نفس الصوت فى الاسكودا وانك تتعامل مع عفشه السياره كلها انها سكودا لانها فعلا سكودا  وصوت الموتور العالى هو كده مش عيب لان موتور الميتشوبيشى الmivec برضه كده والمهم شرحلنا باقى اوبشنز السياره وانا ذكرتها فى موضوع الاستلام ونأتى الى اسعار صيانة ال2000 ******************** فلتر زيت 45 جنيه زيت شيل 10000 كم 315 جنيه مصنعيه 125 جنيه ( حاسس انها غاليه شويه ) غسيل فوم للسياره من الخارج وللموتور والتنظيف من الداخل ( يعنى من الاخر غسيل السياره ب40 جنيه)  الاجمالى 525 جنيه المهم طلعنا مرتاحين واحلى حاجه ان السياره لما تتغسسل بتكون حاجه تانيه خالص اما وهى مجلمطه وبتراب بيكون لونها كحلى جربان وتيجى ازاى كحلى وجربان معرفش والسلام عليكم ورحمة الله وبركاته تحياتى 
__________________
 نادى السيارات الصينيه على الفيس بوك نرحب بانضمامكم http://www.facebook.com/NadyAlsyaratAlsynyh جروب نادى سيارات البيجو على الفيس بوك https://www.facebook.com/groups/172929839542780/ 
|
|
#3
02-12-2014, 10:20 PM
|
||||
|
||||
رد: تقرير صيانه ال2000 كم لبريليانس v5
العربية انا سوقتها
الصراحة كانت مفجأة حلوة جدا لاحظت صوت الفرامل بس عربيات كتير جديدة كدا دا غير ان حجم الطنابير و التيل الضخم يؤهلها لاصدار الصوت الللى بالمناسبة مضيقنيش بل حسسنى انى راكب وحش صوت الماتور الصراحة ناعم و الفتيس ناعم العربية كانت عاملة مسافة تقريبا 20 الف كم و لسة زيى ما هيا جميلة
__________________
سبحانك لا علم لنا الا ما علمتنا
|
|
|
|
