|
بيجو PEUGEOT بيجو PEUGEOT الفرنسية انشأت فى عام 1880 وهى من اقدم السيارات استخداما فى مصر وتمتلك حاليا شركة ستروين الفرنسية ايضا من اهم موديلاتها بيجو 307 و 307SW و 407 و 607 |
|
أدوات الموضوع |
#1
|
|||
|
|||
تقرير مفصل عن السيارة بيجو 408
السلام عليكم و رحمة الله و بركاته
تقرير عن سيارة بيجو 408 أوتوماتيك (الفئة الأولى) –موديل 2012 أتشرف بتقديم تقرير متواضع عن السيارة بيجو 408 بناءاً على تجربتها لفتره استخدام شهرين و 2500 كم مقدمة :- معلومات عن السيارة : · تعتبر السيارة شكل جديد على بيجو و ان كانت من المقدمه تماثل ميثلاتها من الفئات الحديثه. . السياره فرنسيه بكل ما مافيها من خامات و تجميع صينى لشركة دونج فونج شريك بيجو فى الصين. · موتور السيارة 1600 سي سي " 110 حصان " 147 نيوتن (مكافح للتلوث و موفر لاستهلاك البنزين). · السيارة فتيس تيبترونك 4 سرعات للأوتوماتيك و 5 سرعات للمانيوال و ميزة القيادة الرياضية. · تعد السيارة تحديثاً للسيارة 308 و لكن بشكل سيدان مطول بقاعدة عجلات مطوله (سيدان) و شكل خلفى جديد. · السياره طولها 4.68 م و عرضها 1.86 تقريباً و ارتفاعها 1.8 م "حجمها كبير نسبياً". · السياره ترتفع عن الأرض بمقدار 18 سم فتعد من السيارات الأمنه من المطبات المرتفعه و الطرق غير المستوية. ( سيارة عمليه جداً فى مصر لأرتفاعها المناسب عن الأرض ) · المساحه الداخليه للصالون كبيرة جداً "حجم الصالون كبير و الفراغات أيضاً مع طابلوه شيك جداً. · مساحة الشنطة تقريبا 526 لتر (كبيره الحجم) و خزان الوقود 60 لتر. · السيارة حاصلة على تقدير 5 نجوم فى أختبارات الأمان الصينيه. · من أنظمة الأمان الموجوده بها "الفئة الأولى" (وسادتين هواء أماميين ، فرامل ABS ، نظام أيموبليزر ، سينسور بارك خلفى ). · ضمان السيارة 5 سنوات بدون حد أقصى للكيلو متر ( ميزه غير موجوده فى سيارات أخرى). · سعر السيارة تقريباً 143,000 جنيه مصرى للفئة الأولى و 160 للثانية و 170 للفئة الثالثه (سعر تنافسى). · تتزين السيارة بمعدن الكروم فى المقابض و الأزرار و الخطوط الخارجيه للسياره مما يعطيها شكل مميز و جذاب. · يوجد كاسيت CD Audio /MP3 مزورد بأربع سماعات فى الأبواب و سماعتين (شماستين) فى أعلى التابلوه. . يوجد كومبيوتر رحلات متعدد الوظائف و شاشه بيانات وسط التابلوه للرسائل و بيانات الكاسيت. بعض مواصفات للسيارة : "زجاج كهربائى - جنوط السياره مقاس 16 نوعية هانكوك - شكل الجنط رياضى– 2 مرايات كهربيه – تحكم فى كرسى السائق لأعلى و أسفل – النظام الصوتى – فوانيس شابوره أماميه و خلفيه - عجلة قيادة الكترونى و ليست هيدروليكي - عجلة قياده ممكن تعديلها – حزامات أمان خلفيه – درج تخزين كبير و مكيف - تظبيط المصابيح يدوياً ". أولاً:- بعض الصور للشكل الخارجى : ثانياً:- بعض الصور للشكل الداخلى للسياره: ثالثاً:- ملاحظاتى على السيارة:- 1. الموتور : موتور ممتاز و ناعم جداً فى السحب الهاديء و لسرعة 120 تقريباً لن تسمع صوت الموتور تماماً. التسارع على الأوتوماتيك ممكن أعطيه 8/10 بالنسبة لبعض المواتير لنفس الفئةمقارنة بالحجم. التسارع على المانيوال ممتاز أعطيه 9/10 لنفس فئة الموتور و يساويه الأوتوماتيك عند أختيار ميزة الـ Sport Drive. تقييم الموتور 8.5 /10 2. الصالون و الفرش: الصالون خاماته ممتازه و جيده جداً تنافس بقوة الفانتزيا و الباسات و فرش السقف جيد جداً و غير بلاستيكي و لم أقم بتركيب فرش جديد عليه للأستمتاع بيه. الابواب مغطاه بقماش قوى و محترم جداً مع تصميم رياضى جميل. الدركسيون مريح جداً و تستطيع التحكم بيه لأعلى و أسفل. اضاءة الصالون عاليه و مميزه (3 لمبات أماميه و واحده خلفيه). الكنبه الخلفيه عريضه جداً و مريحه بشكل رائع و بنفس الوقت امامها مساحه كبيرة "لن تشتكي من ضيق الصالون نهائياً". تقييم الصالون و الفرش 9/10 3. الفرامل: تشعر فعلاً بوجود الـ ABS فيها و أعتقد توازى فرامل الميجان بانورما ...فرامل قويه و لا تشعرك بقلق فى السرعة. تقييم الفرامل 9/10 4. الثبات: ثبات السيارة فوق الممتاز "تجربتى على سرعة 180 بالضبط و لمسافة 30 كم على طريق بورسعيد الدولى و لبعض المنحنيات الغير خطره على نفس السرعه" أعطتنى ثبات ممتاز و ثقه فى التحكم بالقياده. تقييم الثبات 9/10 5. العفشه: عفشة السيارة ناعمه جداً كأنى راكب سيفيك و لاحظت انها تختلف بعدد الركاب فكلما زاد العدد تشعر بدبه بسيطه فى المطبات "الحفر" و بوجه عام عفشه جيده. تقييم العفشة 8/10 6. جسم السيارة: صاج السيارة تقيل جداً يعنى الباب بتاعها ممكن يعمل 4 من أبواب ألنترا فى الوزن و الكابوت نفس الكلام مع صغر حجمه و لكنه محمل بشكل واضح – الرفارف الاربعه فيبر و الباقى صاج تقيل – الاكصدامات حجمها ضخم. تقييم الصاج 9/10 7. التكييف: هو 5 درجات لحد السرعه رقم 3 لن تسمع له صوتاً و دائماً فى عز الحر لم أزود عن 3 ثم 2 ممكن فى البدايه افتحه على 4 شوية انما السرعه الـ 5 مجربتهاش – التكييف قوى يشعر بيه من يجلس فى الخلف بشكل واضح بسرعه و لا يحتاج تكييف خلفى. تقييم التكييف 9.5/10 8. العزل: ممتاز جداً و لن تسمع صوت الموتور الا لو سايق على النظام الرياضى و الصوت فى الطبيعى الداخلى متسمعش أى دوشة. تقييم العزل 9/10 9. البنزين: لأنى أشتريت السيارة فى شهر 8 فكنت دائماً التكييف شغال و معدل استهلاك البنزين حوالى 6.5 لتر فى الـ 100 كم فى المسافات الطويله و قالى فى التوكيل أنه هيقل بعد تغيير أول زيت و من غير تكييف أيضاً. جربت على مسافة طويله و زحام و على سرعات مختلفه و بالتكييف أيضاً كان معدل الاستهلاك 10.5 لتر فى الـ 100 كم. تقييم البنزين 8/10 10. التوكيل تقييم التوكيل 9/10 العيوب : مرايات الاجناب ليست ضم"كهرباء فقط". لا يوجد جهاز انذار "فقط سنتر لوك". طبعاً التقرير من وجهة نظرى الشخصية و بناء على تجربة 2500 كم فقط أتمنى أن يكون التقرير واضح لمن يريد التعرف على معلومات عن السيارة تحياتى محمد صبرى
|
#2
|
||||
|
||||
رد: تقرير مفصل عن السيارة بيجو 408
متشششششششكرين علي التقرير الجاااااااااااامد ده
وفعلا عربية محترمة جدااااا بس انا بصراحة بحب شكل ال407 اكتر عشان الفوانيس الخلفية بس طبعا ال408 افضل كتير وكان ليا سؤال لو ممكن اي معلومات عن اسعار قطع الغيار والصيانة وربنا يحفظلك العربية ويديك خيرها ويكفيك شرها يا رب : Wkiss5: |
#3
|
|||
|
|||
رد: تقرير مفصل عن السيارة بيجو 408
بالنسبة لاسعار قطع الغيار معرفتش غير : طقم التيل << 400 جنيه تقريباً فانوس أمامى كامل >> 1390 ج فانوس خلفى كامل >> 1190 ج فلتر زيت >> 80 ج دول الى عرفتهم |
#4
|
||||
|
||||
رد: تقرير مفصل عن السيارة بيجو 408
والله الاسعار كويسة جدا مش زي ما كنت متوقع
اعتقد ان التوكيل ابتدي يغير سياسته في موضوع الصيانة وقطع الغيار : THUMBS~220: متشششششششكرين علي المعلومات |
#5
|
|||
|
|||
رد: تقرير مفصل عن السيارة بيجو 408
الف مبروك وربنا يديك خيرها ويكفيك شرها
وبرده ما فيش احسن من الاروبى |
الكلمات الدليلية |
408, تقرير بيجو 408, بيجو |
|
|