يا جماعه انا كنت ناوي اشتري سيراتو جدديد بس غيرت رأي وبدور علي جيتا 2007 ايه رأيكم وايه اخبار قطع الغيار ولو حد يعرف يقولي سعر تقريبي ليها بس هاي لين

[مصطفي ابراهيم احمد]

يا جماعه انا كنت ناوي اشتري سيراتو جدديد بس غيرت رأي وبدور علي جيتا 2007 ايه رأيكم وايه اخبار قطع الغيار ولو حد يعرف يقولي سعر تقريبي ليها بس هاي لين

[medo akef]

حضرتك انا كنت شفت هاي لين 2009 باني او 2010 مش فاكر ولله 3000 كيلو بحامل موبايل من التوكيل الي هو ب4 الاف لوحده مطلوب فيها 184 يعني لقطه ما بعدها لقطه لان الجديده ب205 بس اكيد دي اتباعت لاني كنت شيفها من اكثر من شهر
اما عموما طبعا الهاي لين عمرها ما هتنزل عن 140 الف و الفئات الاقل مش هتنزل عن 110 لان العربيه قليله اصلا في السوق و مسكه سعرها جدا
اما عن قطع الغيار زي اي الماني غاله لكن الصيانه عاديه مش هتحس انها غالبه الغلو في فانوس طنابير مساعد الحجات الجوهريه دي هتلاقي اسعارها خياليه لانها اصلا مش بتتغير لانها مش بتبوظ!
لو حضرتك بدور علي فاخمه فعلا يوجد وجه مقارنه بين العربيتين طبعا و لو ركبت الاثنين هتحس ان السياراتو كنبه بالنسبه للجتا! لكن لو بدور علي جري فبردو مفيش وجه مقارنه هتلاقي الجتا زحلفه بالنسبه للسيراتو بسبب وزن الجتا الثقيل جدا و ده طبعا بيدي ثبات خرافي

[Drmmagdy]

ملقوش فى الورد عيب قالو أحمر الخدين!!
طبعا الجيتا سيارة محترمة جدا ولكن فيها عيب خطيرمؤثر هنا فقط فى مصر إنها واطية وبتحك فى أى مطب حتى بدون أى حمولة، طبعا الإنخفاض دة ميزة فى اى مكان أخر علشان الثبات لكن فى مصر مشكلة فيجب وضع هذة النقطة فى الأعتبار ، لكن أنت أدرى بإحتياجاتك.

[MEMOO_1ST]

بص يا باشا هوا فعلاً انتا ادرى بأحتياجاتك يعني السيراتو عربية محترمة ومطلوبة ومنتشرة جداً يعني قطع غيارها هتلاقيها في كل حتة وكل قطعة غيار هتلاقي منها الكوري والتايلاندي والصيني وتفاوت في الاسعار ودا ميزة كبيرة.
والجيتا طبعاً الماني يعني ركوبة تانية وثبات وكماليات وشكل لكن بردو لازم تكون قد مصاريفها يعني قطع الغيار مش هتبقى منتشرة زي السيراتو ومش هتلاقي تفاوت اسعار قطع الغيار زي السيراتو وبردو السعر علشان تجيب جيتا 2007 حالة نظيفة مش أقل من 145 الف ودا أكتر من تمن الهاي لاين الزيرو في السيراتو.
في النهاية انتا أكتر واحد ممكن تحدد انتا محتاج اية اكتر في العربية.
وبالتوفيق في الاختيار ان شاء الله.

طيب ما تريح دماغك وهاتلك اسكودا فانتزيا 150000 وزيرو وتحس وانتا راكبها انك راكب الجيتا بالظبط وكماليتها زي كماليات الجيتا وقطع غيارها وصيانتها اقل تكلفة من الجيتا