المشاركة الأصلية كتبت بواسطة wazz
امامى عربيه 305 موديل 97 لسه عامل عمره ومغيره ديسك واسطوانه وصاحبها طالب 16000 .اشتريها ولا لا. بس هى بصراحه عجبانى .وايه هى عيوبها؟
|
بص يا ريس هو انا من كتر ما دورت وبحثت وقاريت عن بيجو 305 من مو 79 الى مو 86 اللى هى الطيارة اقدر اقولك الأتى
بص يا سيدى هألك كام سؤال وانت جاوب على نفك فيهم
العربية رشة دواخل ولا لأ لو راشة دواخل ما تاخدهاش حتى لو ببلاش لانها ممكن تكون عملة حادثة او متغيرلها ربع او نص او كده امهم ما تاخدهاش
المتور بتاعها هو اصلا متورها ولا متور استيراد ولو متورها هل اتعملة عمرة قبل كده ولا لأ ولو اتعملة عمرة قبل كده فهل اتعملة عمرة واحده ولا اكتر من عمرة لو اكتر من عمرة اقلق شوية لانك كده هتغيير متور قريب لو عمرة واحده و من قريب يبقى كويس جدا هترتاح شوية من قرف المتور كده لمده سنتين ولا حاجة على حسب العمرة لو نضيفة يبقى المتور هيكون زى الجديد فمتقلقش خالص ولو استيراد بس كويس جدا يبقى مصلحة لو متعمولش عمرة خالص وحالتة كويسة يعنى شغال بنسة 80 % يبقى جامدة جدى
هل العربية اتعملها عفشة جديدة ولا لأ لو اتعملها من قريب يبقى موز العنب يبقى هترتاح كتير من قرف العفشة لمدة تمشيك كويس طبعا ده لو عفشجى نضيف و لو ما اتعملهاش خالص وده طبعا نادر او اتعملها عفشة بس من مدة يبقى خلى عفشجى محترم يبصلك على عفشتها علشان ما تحتاجش تصرف عليها
الفرش لو فرشها نضيف و شكلة كده يفتح النف يبقى جميل جدا مش هتصرف حاجة علية اما لو الفرش مش اد كده يبقى مصلريف فى الطريق هتروح لسروجى يظبطلك الفرش وطبعا ادى مصاريف
الكوتش لو جديد يبقى جوز اللوز مش هتحتاج تجيب كوتش و قديم شوف حالتة لو نضيفة اهو ماشى الحال هتمشى نفسك شوية ب تعمل حسابك فى فرد كوتش جديد و ادى مصاريف
تعالى بقى للدهان الخارجى لو مرشوشة نضافة يبقى يا لام عليك يا حبيب والدك هتركبها وانت مبسوط لو مخبطة او مجرحة يبقى اخيييييى هتروح تروشها وادى كمان مصاريف
تعالى بقى فى السعر لو كل حاجة حلوة متوفرة فيها يعنى ( كوتش جديد + عمرة جديدة او متور نضيف شغال كويس او متور استيراد محترم شغال كويس بردو + عفشة جديدة + مش راشة دواخل + راشة برة نضافة + فرش نضيف وتابلوة نضيف ) يبقى اتكل على اللة ةها تها ب ب 14.000 يوم ما تتشنق لو بقى عيوبها كتيييييييير يبقى كبر دماغك منها لان مصاريفها هتبقى كتيير ومش هتعرف تسد
ونصيحة البيجو 305 توحفة التحف هى قطع غيارها غية بس مش اوى يعنى بس تحط قطعة الغيار بس تكون اصلى وتنسها يا ريس زى البى ام والمرسيدس
يعنى انا كان معايا لانسر مو 99 و قطع غيارها اغلى بمراحل من البيجو 305 بس الحمد لله اتقلبت بيها فى المقطم وعايز اجيب عربية دوقت فلقيت ان احسنهم ورخيصة و فى اللزيز الحونين كده هى البيجو 305 ناعمة وريعة وبتسافر وريخصة جدا وهى رخيصة علشان الناس بتمشى ورا الاشعات اللى بتقول دى قطع غيارها غالية جدا ومقرفة وكلام كتير عك كده بس سيبك منهم دى ناس بطيخ فى شمام طولت عليك صح انا عارف بس اتمنى اكون افادتك
07-10-2012, 12:54 PM
رد: رابطه مالكي بيجو 305
