رابطه مالكي بيجو 305

[محمود htt]

المشاركة الأصلية كتبت بواسطة bebonet اهلاً بيك معانا فى المنتدى والرابطه وبالنسبه لشراء سياره بيجو 305 هى عمليه نسبيه يعنى مش كل الازواق زى بعضها ممكن انا اقولك اشتريها وشخص اخر يقولك اشترى 128 هى ازواق والمستحب فى البيجو بالذات انها تكون فايقه يعنى تحاول تشتريها وماتكونش محتاجه مصاريف كتير علشان ماتزهقش منها بسرعه وياسلام كمان لو انت اصلاًً بتفهم فى العربيات ساعتها عمرها ما هاتقرفك

شكرا لاهتمامك بالموضوع بس انا الصراحه مبفهمش فيها ولاكن انا لما هروح اشتلى هاخد معايا ميكانيكى بس انا اصدى ان البيجو 305 عيوبها كتير زى مكتير بيقولو ولا ده كالام خصوصا انى انا مش عايز عربيه كل شويه اصرف عليها تصليح ومره تانيه شكرا لاهتمامك

[bebonet]

العربيه دى كويسه جداً
ولكن مشكلتها انك لازم تكون فاهم فى العربيات
ولو مش فاهم فى العربيات
ممكن تتعامل معاها ولكن
انت بتقول انك موظف ومش عايز مصاريف كبيره
وهى مش بتصرف ولكن لما بتصرف
بتصرف جامد لانها مش زى ال128
واهم ميزه فيها إن قطعة الغيار بعد شرائها وتركيبها
بتنساها
ولازم تخلى بالك من غيار الزيت بتاعها
لان الفتيس داخل الموتور والزيت واحد
يعنى عايزه عنايه مختلفه شويه عن العربيات العاديه
وميزاتها الاخرى الجميله
انها ناعمه وقويه فى نفس الوقت
ولو انت اشتريتها ان شاء الله
احنا معاك فى المنتدى
واهم شىء وانت بتشتريها تخلى بالك
حاول تجيب عربيه واقفه على حيلها
واوعى تجيب عربيه مخلعه وتطمع وتقول هاشدها
لانها هاتسحب منك فلوس بالهبل
لازم تكون عربيه ماسكه نفسها ولو تقدر تجيبها فابريقه
يكون احسن
يعنى مثلاً ما رشتش جوه
ويكون مثلاً فرشها بتاع بلادها

[محمود htt]

المشاركة الأصلية كتبت بواسطة bebonet العربيه دى كويسه جداً ولكن مشكلتها انك لازم تكون فاهم فى العربيات ولو مش فاهم فى العربيات ممكن تتعامل معاها ولكن انت بتقول انك موظف ومش عايز مصاريف كبيره وهى مش بتصرف ولكن لما بتصرف بتصرف جامد لانها مش زى ال128 واهم ميزه فيها إن قطعة الغيار بعد شرائها وتركيبها بتنساها ولازم تخلى بالك من غيار الزيت بتاعها لان الفتيس داخل الموتور والزيت واحد يعنى عايزه عنايه مختلفه شويه عن العربيات العاديه وميزاتها الاخرى الجميله انها ناعمه وقويه فى نفس الوقت ولو انت اشتريتها ان شاء الله احنا معاك فى المنتدى واهم شىء وانت بتشتريها تخلى بالك حاول تجيب عربيه واقفه على حيلها واوعى تجيب عربيه مخلعه وتطمع وتقول هاشدها لانها هاتسحب منك فلوس بالهبل لازم تكون عربيه ماسكه نفسها ولو تقدر تجيبها فابريقه يكون احسن يعنى مثلاً ما رشتش جوه ويكون مثلاً فرشها بتاع بلادها

شكرا ليك وربنا يسهل انشاء الله هشوف ولو فى حاجه ادامك حلوه ياريت متبخلش عليا وربنا يعمل اللى فيه الخير وان شاء الله طول منا معاكم هتعلم منكم ان شاء الله

[AMGED HAMDY]

انا بجد سعيد انى معاكم فى رابطة مالكى بيجو305 ودى اول مرة ادخل هنا واتمنى ان احنا نكون اصحاب ونفيد بعض كلنا
وكل سنة وانتم طيبين يا جماعة

[bebonet]

نورت ياباشا
واهلاً بيك مع اخواتك
رمضان كريم