رابطه مالكي بيجو 305

[nsamooo]

المشاركة الأصلية كتبت بواسطة bebonet انا عندى الحل بس مش هاديهولك ببلاش لازماً ولابد تغرم أى حاجه ههههههههههه خلاص ياعم انا هاقولك ببلاش بس لو نفع الحل إدعيلى الحل بسيط جداً جداً جداً انت تدور العربيه عادى وبعدين تشد فرامل اليد كويس وتتدوس دبرياج وتدى الغيار الاول وتحاول تطلع بالعربيه وكأن فرامل اليد مش مشدوده طبعاً العربيه هاتبقى مش راضيه تطلع عشان الفرامل مشدوده كرر المحاوله اكثر من مره بس طبعاً واحده واحده يعنى ماتفركش العربيه والموتور يعنى تسيب دبرياج براحه وتدوس بنزين برضه براحه وانت بكده بتفتح سوست الاسطوانه علشان أكيد فيه سوست معلقه معاك وهى اللى بتعمل الرجه فى السلانسيه وهاتلاحظ ان الرجه اختفت وهاتلاحظ أيضاً إنك مبسوط منى وهتلاقى نفسك بتدعيلى لوحدك ههههههههههه ومش هاتفكر تغير لا إسطوانه ولا ديسك لان البيجو 305 صعب قوى الاسطوانه والديسك بتاعها يبوظو وعن تجربه

الف شكر على الاهتمام والرد يا باشا ,معلش انا عارف ان ردي متأخر اوي والحمد لله المشكلة اتحلت , هي كانت بسبب الاسطوانة والديسك كان فيهم مشكلة ,بس عندي استفسار تاني بقى المرايات الجانبية عندي وحشة اوي ولا بيبان منها اى حاجة لو عايز اغيرهم اعمل ايه ؟

[bebonet]

المشاركة الأصلية كتبت بواسطة nsamooo الف شكر على الاهتمام والرد يا باشا ,معلش انا عارف ان ردي متأخر اوي والحمد لله المشكلة اتحلت , هي كانت بسبب الاسطوانة والديسك كان فيهم مشكلة ,بس عندي استفسار تاني بقى المرايات الجانبية عندي وحشة اوي ولا بيبان منها اى حاجة لو عايز اغيرهم اعمل ايه ؟

لا شكر على واجب
وبالنسبه للمرايات ممكن على نفش الفريم بتاع المرايا تعمل مرايات عند بتاع الزجاج
تفصيل طبعاً انت مع الوقت هاتتعود على المرايات الجديده

[abohamo]

اساتذه هههههههه
ايوة كده خلى افكار ال 305 تظهر عند الكل
عربية محبوبة واللى يركبها يحبها وسمعت ان فى ناس سافرت بيها متروح ههههه وحياتك انا بسافر بيها اسوان كل شهرين ومش مقصرة فى حاجة يلا ادينا بنستفيد منكم
باقة ورد لكل محبى ال 305

[محمود htt]

السلام عليكم ورحمه الله وبركاته انا سعيد لانى هكون صديق ليكم وشرف لى انا بصراحه عايز اجيب السياره ده وخايف ليه ناس كتير خوفونى منها خصوصا انى موظف فى الحكومه والمرتب على الاد وانا مش معايا فلوس علشان اكون كل شويه عند الميكانيكى ولاكن انا قريت الكلام بتعكه اللى انته كتبتوه كله بقيت افكر فى الموضوع ده تانى ياريت حد ينصحنى بلامانه كاخ اعمل ايه اجيب البيجو 305 ولا ايه السياره اللى ممكن تكون مناسبه معايا وللعلم انا معيش غير 15000الف يارب حد يرد عليا عشان انا بجد فى مشكله ومحتار ومش عارف اعمل ايه

[bebonet]

المشاركة الأصلية كتبت بواسطة محمود htt السلام عليكم ورحمه الله وبركاته انا سعيد لانى هكون صديق ليكم وشرف لى انا بصراحه عايز اجيب السياره ده وخايف ليه ناس كتير خوفونى منها خصوصا انى موظف فى الحكومه والمرتب على الاد وانا مش معايا فلوس علشان اكون كل شويه عند الميكانيكى ولاكن انا قريت الكلام بتعكه اللى انته كتبتوه كله بقيت افكر فى الموضوع ده تانى ياريت حد ينصحنى بلامانه كاخ اعمل ايه اجيب البيجو 305 ولا ايه السياره اللى ممكن تكون مناسبه معايا وللعلم انا معيش غير 15000الف يارب حد يرد عليا عشان انا بجد فى مشكله ومحتار ومش عارف اعمل ايه

اهلاً بيك معانا فى المنتدى والرابطه
وبالنسبه لشراء سياره بيجو 305
هى عمليه نسبيه يعنى مش كل الازواق زى بعضها ممكن انا اقولك اشتريها
وشخص اخر يقولك اشترى 128
هى ازواق
والمستحب فى البيجو بالذات انها تكون
فايقه يعنى تحاول تشتريها
وماتكونش محتاجه مصاريف كتير
علشان ماتزهقش منها بسرعه
وياسلام كمان لو انت اصلاًً بتفهم فى العربيات
ساعتها عمرها ما هاتقرفك