رابطه مالكي بيجو 305

[احمد عثمان محمد]

الى كل مالك للسيارة 305 سوئ العادية او الطيارة
انا من مالكى هذه السيارة العظيمة
ويمكنى الاجابة على الاسئلة الخاصة باصلاح السيارة واسعار قطع الغيار الازمه واماكن تواجدها واسماء المكانيكية الذين يمكنهم اصلاحها باسعار مناسبة وبدون مشاكل للسيارة لنفس العيب او عيوب مترتبة على الاصلاح التام
يمكن المراسلة على facebook , نفس المنتدى وان شاء الله اكون عند حسن الظن
كما يمكن الساعدة فى انواع السيارات الاخرى مثل الدايو والهيونداى 504 128
جميج الفيات والادا واليابانى القديم
شكرا لحسن القراءة والمتابعة

AboNoRa

:12EA 7A~153صورة)

[bebonet]

المشاركة الأصلية كتبت بواسطة A.Shoukry اقولكم حاجة يا شباب ..... انا ماسوقتش فى حياتى الا عربية ابويا اللى هى نيسان صنى 2009 اوتوماتيك فول اوبشن تيرميناتور ديفينيتور .... و بعدها لما اشتغلت و قلت اتنيل استقل بنفسى و اجيب عربية جبت البيجو الـ 305 موديل 79 ... طبعا النيسان عاملة حاجة و تسعين الف ... و انا جايب البيجو بـ 16 الف (عشان حالتها نضيفة و كده يعنى ) .... اقسم لكم بالله العظيم انى ما لاقى فرق فى السواقة غير: 1- النيسان صوتها اهدى ... 2- النيسان فيها باور .... 3- البيجو سواقتها امتع ... 4- البيجو اعلى عن الارض (خصوصا اننى من بلد المطبات 6 اكتوبر) ... 5- البيجو بتخوف الناس البهايم امثال سواقين التكتك و اصحاب الميكروباص من البقر و الاغنام .... غير كده ففعلا فرق السعر فى الهوى يا معلم .... انت بثمن النيسان تجيب 5 او 6 بيجو .... تشغل 4 منهم تاكسى و الباقية تركبها العربيات الجديدة حرام حرام ... سواء عشان السعر او عشان يمين شمال هتشتريها بالربا يعنى هتشتريها بالربا طالما تقسيط ... تقوللى فيصل تقوللى بنك ام محسن .... مفيش ... الا لو حد هيشترى تقسيط مباشر بقى يبقى كده تمام .... الحمد لله انا مبسوط من العربية جدا جدا اللى هيا ثمنها 1/3 ثمن الاسبيرانزا الصغيرة المعفنة ....

والله انت جيبت من الاخر
ولو أى واحد تانى وانا معاهم
معنديش الجراءه إنى أقول الكلام ده
لانى هلاقى خمس تلاف واحد
هايقعد يطقطق ويقولك
إيه إيه الخطرفه دى
وأحب أهنيك على جرائتك المتناهيه
وأنا لو من شركة نيسان صنى
أديلك عربيه هديه عشان تكتم بقك
هههههههههههههه

[bebonet]

المشاركة الأصلية كتبت بواسطة nsamooo انا عندي 305 برضه يا رجالة وحالة العربية كويسة وتقريبا مفيش مشاكل فيها ما عدا حاجة واحدة تعبتني وهي طلعة العربية في الاول بتكون عادية بس بعد شوية من السواقة بيحصل زي رجة في الطلعة , اعتقد دي الاسطوانة والديسك وانا رحت لكذا ميكانيكي و يصلح شوية بس برضه نفس المشكلة موجودة ,و شوفت اسطوانة وديسك عند واحد كده وقاللي دول سوق اوروبية ب تقريبا1200 , انا من اسكندرية على فكرة ويا ريت لو حد عنده حل للموضوع يحاول يفيدني .........اسف على الاطالة

انا عندى الحل بس مش هاديهولك ببلاش
لازماً ولابد تغرم أى حاجه
ههههههههههه
خلاص ياعم انا هاقولك ببلاش
بس لو نفع الحل إدعيلى
الحل بسيط جداً جداً جداً
انت تدور العربيه عادى
وبعدين تشد فرامل اليد كويس
وتتدوس دبرياج وتدى الغيار الاول
وتحاول تطلع بالعربيه وكأن فرامل اليد مش مشدوده طبعاً العربيه هاتبقى مش راضيه تطلع
عشان الفرامل مشدوده
كرر المحاوله اكثر من مره بس طبعاً واحده واحده يعنى ماتفركش العربيه والموتور
يعنى تسيب دبرياج براحه وتدوس بنزين برضه براحه
وانت بكده بتفتح سوست الاسطوانه
علشان أكيد فيه سوست معلقه معاك وهى اللى بتعمل الرجه فى السلانسيه
وهاتلاحظ ان الرجه اختفت
وهاتلاحظ أيضاً
إنك مبسوط منى
وهتلاقى نفسك
بتدعيلى لوحدك
ههههههههههه

ومش هاتفكر تغير لا إسطوانه ولا ديسك
لان البيجو 305
صعب قوى الاسطوانه والديسك بتاعها يبوظو
وعن تجربه

[A.Shoukry]

المشاركة الأصلية كتبت بواسطة bebonet والله انت جيبت من الاخر ولو أى واحد تانى وانا معاهم معنديش الجراءه إنى أقول الكلام ده لانى هلاقى خمس تلاف واحد هايقعد يطقطق ويقولك إيه إيه الخطرفه دى وأحب أهنيك على جرائتك المتناهيه وأنا لو من شركة نيسان صنى أديلك عربيه هديه عشان تكتم بقك هههههههههههههه

شكرا يا بيبو ..... بس بجد فعلا فيه استعباط فى اسعار الجديد .... و ده مش كلامى انا بس .. فاكر حملة "خلوها تصدى" اللى كانوا فيها مقاطعين شراء اى عربية جديدة ؟؟؟؟ فعلا ده الصح لغاية التجار ما يتربوا و يتعلموا الادب .... طبعا انا اقصد التجار الكبار اللى بيبدأو شبكة رفع السعر و على ما توصلك العربية تكون وصلت بثمنها + ثمن شقة + ثمن مصاريفها فى اى بلد تانية .. ولا رأيكوا ايه؟

عموما .... انا الحمد لله مبسوط من العربية و خصوصا انى عرفت ان الجديد مبقاش مضمون زى زمان .... بقيت تجيب العربية و بعد سنة تبدأ تقلق (ده لو مش صينى) ياترى ايه اللى هيضرب فيها ...
اما لو صينى ففلوسها حرام ..... ربنا يسهل و مجلس الشعب يعمل اى قرار عدل يرخص الجمارك عليها ... يا اما يصنعوا لنا عربية مصرية .... مش ده هدف الجمارك ولا ايه برضه ؟؟؟ حماية الصناعة الوطنية اللى هى مش موجودة ....