اختار ميين يا رجاله

[warrior]

والله يا رجاله كلامكو مفيد جدا بالنسبه ليا و فعلا انا فكرت فى النقطه ان الانسر و هى فاضيه اغلى من السيراتو و هى مليانه فا اكيد الفرق ده ممكن يبقى على حساب الجوده والله اعلم مع العلم ان السيراتو من جوه ااااخر شياكه عربيه روعه فعلا و هو ده السبب الوحيد اللى شدنى ليها عن الانسر بس فنفس الوقت بقول الكماليات سمعت انها ممكن تتركب و اركب اى اوبشن عايزه
بردو محتاج اسمع اراء اكتر

[hhhesham]

المشاركة الأصلية كتبت بواسطة ahmed el gendy انا دايما فيه كلمه بتستفزني اوووووي من اخوانا اللي بيقعدوا يقولوا معدش فرق بين كوري وياباني لالالالالا فيه فرق وهيظل طول العمر فيه فرق ليه؟؟؟؟ لما تلاقي مثلا عربيه زي الكورولا 1600مثلا بتوصل لحد 170 الف وعربيه كوري موتور 1600 برده وكل الكماليات بتوصل لحد 120 الف انا عاوز افهم ال 50 الف دول راحوا فين ؟؟؟؟؟مع ان الكوري فيها كماليات اكتر يا جماعه لازم تعرفوا ان كعفشه وكموتور ممكن الكوري والياباني يكونوا قربوا ف الكفاءه من بعض لكن فيه حاجات مش بتبقي ظاهره وبتدي العربيه كفاءه يعني لما تلاقي عربيه مصفحه من تحت الموتور دي مش حاجه تفرق مش ممكن تدوس علي غطاء بياره((بلاعه الصرف الصحي )) ومش يكون متركب كويس وتلاقيه فتح ف عربيتك لو مصفحه هيخبط ف المصفحه واخره هيطبقيها حته لكن لو مش مصفحه ممكن يبوظ لك الموتور وتضطر تغيره بوااحد استيراد غير كده المصفحه دي مش بتحمي ف حالات الحوادث لا قدر الله انا عاوز اي حد يشوف اي عربيه كوري عامله حادثه بتبقي عامله ازاي ويشوف لانسر ولا كورولا عاملين ازاااااي يا ناس دا العربيات الكوري انا لما باشوف واحد مخبوطه بتوصل اوقات مش باكون عارف اتخبطت منين بالاقي احيانا الابواب متعجنه ع الصالون ف حين ان مستحيل تلاقي عربيه يا باني مخبوطه من قدام ف حادثه جامده والابواب متعجنه ممكن تلاقي حوض العربيه متعجن لكن قوايم صعبه شويه نصيحه هات لانسر كفايه انك لو يوم استعجلت وجريت علي سرعات عاليه تبقي عندك احساس انك مش راكب علبه سردين بتطبق عليك ف لحظه وان عربيتك فيها حديد هيحميك ويدافع عنك الكماليات انت ممكن تركبها بنفسك لكن اهم حاجه اساسات العربيه ده اللي بيعيش معاك وما بيتلعبش فيه وشكراااااااااااا

مع احترامى لرايك هو فى فرق بين الكورى و اليبانى بس قليل اوى و بالنسبه للامان فى وجه نظرى مابقاش بيعتمد على قوه الصاج على اد ما بيعتمد على Air bags و انظمه الفرامل ABS-SRS-.......... الخ و الدعمات ال بتبقى فى اماكن محدده فى العربيه علشان تحمى الركاب من حوادث معينه.
وفى شركات بتضعف بقصد اماكن معينه فى الصاج علشلن تبعد الحادثه عن مقصورة الركاب.
و متهيالى ان لو عايز فرق حقيقى تحس بيه خليك فى الاوربى حتدفع و حتلاقى

[devil_storm]

هى اللانسر مشاكلها اقل و اعتمادية اعلى بس انا بردة افضل السيراتو

[chevy_lumina]

انا كنت رديت قبل كده على الاخ memodina1 في احد المشاركات
لأن واضح الناس نسيت التويوتا كريسيدا الي ماشية في مصر اكتر من 30 سنة و معدية مليون و 2 مليون كيلو ولسه بحالتها اليابان عندهم تقني في الشغل بيشوفوا الي مش بنشوفوا بيهتموا بالصغير قبل الكبير عشان كده تويوتا اكتر الشيارات انتشارا في امريكا
و الي مش مصدق يشوف الأحصائيات
و ده الموضوع الي قلته للعضو memodina1
المشاركة الأصلية كتبت بواسطة memodina1
معلش على المداخلة بس حضرتك ازاى تقول الكورى اخرة 6 سنوات طب ما الاكسنت القديمة شغالة تاكسى وعاملة فوق النص مليون كيلو ومن 2000 ولحد 2012 وزى الفل انا مش معترض على اليابانى وانما مفيش فرق خلاص بينهم بالعكس الكورى كماليات اكتر وتجميع وسرعة وسحب افضل وصدقنى بدون تعصب هات عربية ب 130 الف كورى وزيها نفس السعر يابانى هترمى اليابانى فى الارض وتاخد الكورى مثلا النترا القديمة شوف واخدة جوائز اد اية عمرك سمعت فى العصر الحديث يعنى من 2006 كدة عربية بيابانى من اللانسر او نيسان طبعا نيسان صنى هى ازبل عربية ممكن تركبها المهم شوفت واحدة واخدة جايزة حتى اترك لك التعليق بعد البحث وبدون تعصب احنا اخوات هنا وانا احترم رايك......................... .....
السلام عليكم
معلش لو كانت لهجتي حادة في المشاركة الي قبلها عشان كنت متعصب امبارح بليل
تقبل اعتذاري
و تذكر ان اختلاف الرأي لايفسد للود قضية
اولا تعليقا على الاكسنت انا قولت انها مش بتعيش 6 سنين
حضرتك فهمتني غلط انا اقصد ان العربيات الي زي دي
قطع غيارها غير معمرة و مش بتستحمل المشي الكتير على سبيل المثال
انت بتغير سير كاتينة في عربيتك مثلا كل 60-70 الف كيلو و الياباني الي في نفس فئة الاكسنت القديمة زي الكريستالة و العيون كل 300 الف كيلو اه و الله احنا عندنا 2 كورولا عيون و حدة في مصر و التانية في السعودية والله الحاجة الوحيدة الي غيرناها فيها طقم دبرياج اسطوانة و ديسك و بلية الي في السعودية ماشية معانا
350 الف كيلو 1800 سي سي والله مغيرناش فيها حاجة الكورولا عايشة معانة 13 سنة عمرنا ماشتكينا منها والله و الحمد لله سفر و بنسافر تكييف و تلاجة قيادة و متعة
صدق الي قال ان فاتك الياباني مش هيرجع تاني
و كمان احنا كان معانا افيو بس فترة بسيطة سيارة سيئة كانت موديل 2007 و جربنا كورولا 2002 الي بيسموها الجمل
تاني سبب بعد الاعتمادية عامل الامان
هوريك فيديو لأختبار تصادم كورولا عيون 99 و دايو لانوس جوليت و قارن انت

و ده كراش تيست لدايو ليجانزا

http://www.youtube.com/watch?v=HveTB...layer_embedded

http://www.youtube.com/watch?v=M8Rav...layer_embedded

و ده للأكسنت القديمة

http://www.youtube.com/watch?v=wjwBz...layer_embedded

وده للتويوتا كورولا عيون لاحظ الصدمة موصلتش للكابينة

http://www.youtube.com/watch?v=c-wNY...layer_embedded

لو ركزت هتلاحظ ان الصدمة لما وصلت للتبلوه قام رد الصدمة لقدام تاني
مع الايرباج
تالت حاجة جودة التقفيل معروف ان العربيات الكوري من الداخل كلها فيبر
تعبان ماعدا السوناتا و الازيرا الي مبينزلوش مصر

الياباني تقفيلة جيد جدا عشان اليابانين مش كسلانين و بيعملوا حساب الملي قبل السنتي
وده مبدأ معروف بلد انضربت بقنبلة نووية الامريكان فاكرنهم فراخ هتخاف
و هيبقم دولة متخلفة
بس القنبلة صحت اليابانين و اخترعوا الروبوتات التفاعلية ...الخ

رابع نقطة الكماليات للأسف كماليات الكوري اكثر من الياباني بكتير
حسب الفئة يعني انا ركبت التويوتا الكامري الفل اوبشن كماليتها بسيطة مقارنة
بالهيونداي سوناتا الي مليانة اوبشنز و زراير في كل حتة و الاتنين من نفس الفئة
بس الفرق في الاداء زي مالسعودين بيقولوا الكامري ماتعصى اوامري

نيجي للنقطة الخامسة الشكل الخارجي انا افضل شكل السيارات الياباني عن الكوري
عشان انا بحس ان العربيات الكوري لو اتخبطت السمكري هيضرب اخماس في اسداس مش هيعرف يصلحها من كتر الخطوط الي فيها

و في النهاية اشكرك و احب اقولك احنا عندنا في المحلة تكسيات
تويوتا كرسيدا و مازدا 323 مغرقة البلد وماشية فوق 1 ملييون كيلو و معملوش عمرة اه والله مواتير جبارة


اسف اني طولت عشان اشرحلك عشرتنا مع العربيات الياباني
بالنسبة للنيسان صني هي سيئة لأنها تقفيل مصري
وشكرا

[chevy_lumina]

حربوا قيادة تويوتا كورولا 2012 و جربو قيادة كيا سيراتو 2012
و شوفوا 1- جودة التقفيل 2- الامان الي واخدة فيه الكورولا 5 نجوم و السيراتو 4 ده غير البلاستيك الي اتفرتك في الكراش
3- الراحة في السيارتين
والله لو سئلت الخبراء السؤال ده هيضحك عليك ايه الي كوري احسن من ياباني