|
رينو كليو Clio The Renault Clio is a supermini car produced by the French automobile manufacturer Renault. Originally launched in 1990, it is currently in its third generation. The Clio has seen substantial critical and commercial success, being consistently one of Europe's top-selling cars since its launch,[1] and it is largely credited with restoring Renault's reputation and stature after a difficult second half of the 1980s. Symbol of its success and its longevity, the Clio is the only car to have been elected European Car of the Year twice, in 1991 and in 2006. |
|
أدوات الموضوع |
#1
|
|||
|
|||
عربية رينو كليو موديل 93..ايه رأيكم ؟؟ أدوس ؟؟
مساء الفل يا شباب
العربية دي شفتها بالصدفة و انا بدور للأسف ماجربتهاش علشان مركونة بقالها سنتين و البطارية مرفوعة.. يعني مش عارف اخبار موتورها ايه بس اللي اعرفه انها مش عامله حوادث و الشاسية و العفشة تمام هي مع واحد ثقة اوي علشان كده مصدقه (بس طبعا هكشف عليها لو قررت اجيبها) الفكرة انها محتاجة حملة نضافة جامدة اوي و البوية مقشرة و عاوزة رشة حلوة مع شوية تظبيط في كاوتش الأبواب و التابلوه..مش عارف بقي ده اهمال منه قبل مايركنها ولا دي عوامل التعرية خلال السنتين اللي فاتوا (تقريبا هتكلف 3 او 4 مرتاح تنضيف و دوكو) العربية كليو موديل 1993 هاتشباك (اللون احمر بس التراب مغرقها) 1400 cc و تكييف (مفيش باور) فيها سنتر عامله بالضبط 94 الف كيلو ايه رأيكم ؟؟ تستاهل الواحد يفكر ولا اصرف نظر ؟؟ و تستاهل كام في سوق المستعمل ؟؟ (باعتبار اني لسه هصرف عليها علشان تبقي مقبولة و اعرف اركبها) يا ريت تساعدوني..اكون شاكر جدا
__________________
No Pain No Gain Dr. Mohamed El-Refaey Radiologist |
#2
|
|||
|
|||
رد: عربية رينو كليو موديل 93..ايه رأيكم ؟؟ أدوس ؟؟
كمان صورة و واحدة للموتور..طبعا انا مش فاهم حاجة
هو مكتوب عليه ENERGY RENAULT
__________________
No Pain No Gain Dr. Mohamed El-Refaey Radiologist |
#3
|
||||
|
||||
رد: عربية رينو كليو موديل 93..ايه رأيكم ؟؟ أدوس ؟؟
بص حضرتك انا لما اشتريت عربيتى الرينو 9 كانت مركونة بقالها سنتين و عيوب ان العربية تبقى مركونة ان اغلب الحاجات اللى فيها جلود للأسف بيبقى عمرها الافتراضى شبه انتهى فلازم تتم على كل الخراطيم و جلود الابواب و الشنطة و الحوض الامامى غير انك تغير الفلاتر بتاعت العربية و تتم على الكهربا و تتم على على الفرامل و خاصة الماستر و 4 فرد الكاوتش اللى راكبين حتى اذا كان رافع العربية على حجارة بس العربية شكلها محترم و ربنا يوفقكك لما فيه الخير
التعديل الأخير تم بواسطة eygptphoto ; 16-05-2009 الساعة 02:15 AM |
#4
|
|||
|
|||
رد: عربية رينو كليو موديل 93..ايه رأيكم ؟؟ أدوس ؟؟
ماهو دا اللي انا لاحظته فعلا
تقريبا كل جلود الأبواب و الشنطة محتاجين تغيير..غير رشة الدوكو علشان الدهان المتقشر و طبعا لو جبت ميكانيكي هشوف ايه كمان محتاج تغيير في خراطيم الموتور..انا الفرامل فلازم تتغير و الكاوتش يتظبط الحاجات دي هتصرف كتير..يبقي لازم احسب اجمالي تكلفتها عليا قبل مافكر اشتري المهم..العربية مغرية اتكلم مع صاحبها في الفلوس ؟؟ و ادوس معاه لحد كام ؟؟؟
__________________
No Pain No Gain Dr. Mohamed El-Refaey Radiologist |
#5
|
||||
|
||||
رد: عربية رينو كليو موديل 93..ايه رأيكم ؟؟ أدوس ؟؟
الموتور ده نفس الموتور بتاعى بس العمه بتاعت الكاربيراتير مختلفه انما شفت صورته فى الكتالوج بتاعى قبل كده يعنى الموتور ده كان بينزل فى ال19
نا كنت عايز اقولك كده بس بصراحه دى كلها كانت معلومات خارجيه مكنتش متأكد منها انما بعد الصوره دى هو نفس الموتور وهتلاقى مكتوب عليه رسمه البوجيهات NGK 9m بص لو الموتور حالته حلوه اعتمد على الله وخدها بس تبقى تكشف على التكييف ولو طلع شحن بس يبقى عليك لو طلع شحن وصيانه يبقى الصيانه على الراجل والشحن عليك انت وبالنسبه للرش ده هيتكلف انت وظروفك مع الدهان والصنايعى برضه اتأكد ان الموتور حالته كويسه ومظبوط واتكل على الله هى كده بالحاله دى ممكن تعملها فى حدود ال20 الف لانك هتصرف عليها وهتتعطل عليها برضه يعنى هى فى الطبيعى بتعمل فى حدود ال25 انما دى لو خدتها ب20 وصرفت عليها دوكو 1000 يبقى 21 والكاوتش هيبقى طقم ب1000 جنيه يبقى 22 الف ترويق العربيه عموما سيور وشده كهربا وميكانيكا هتاخدلها بتاع 1000(لانها واقفه ومش مضمون فيها ايه) يعنى هتبقى فى حدود ال23 والبطاريه بتاع 500 يعنى 23500 وقول 500 ترويش فيها يعنى 24 وبتاع 700 او 800 تسجيل ونقل فى المرور وكل الدنيا دى هتقف فى الاخر فى حدود ال24500 تزيد او تقل حسب الظروف انما مش فى كتير فى رنج ال500 جنيه ازيد او اقل عن الرنج ده وفى الاخر لو العربيه حالتها حلوه كأساسيات يبقى مش مهم اى حاجه تانيه اخوك بوب |
|
|