اساس مشكله جوان وش السلندر المتكرره في السيفيا

[ahmed abdelaziz]

المشاركة الأصلية كتبت بواسطة sharooo كل سنه وكل الناس هنا في المنتدى بخير وصحه وعافيه ويا رب ايامكم كلها سعاده...والله انا متابع الربابط اول باول بس انقطعت فتره كده كنت عملت حادث كبير بعربيه الشغل (سيراتو) وقعدت في السرير 6اسابيع بس كويس دلوقتي الحمد وفكره المقابله ده ممتازه وانا معاكم وتحت امركم في اي وقت واي مكان في القاهره

ألف سلامه عليك يا أخ sharooo

[sameh_saso]

المشاركة الأصلية كتبت بواسطة sharooo كل سنه وكل الناس هنا في المنتدى بخير وصحه وعافيه ويا رب ايامكم كلها سعاده...والله انا متابع الربابط اول باول بس انقطعت فتره كده كنت عملت حادث كبير بعربيه الشغل (سيراتو) وقعدت في السرير 6اسابيع بس كويس دلوقتي الحمد وفكره المقابله ده ممتازه وانا معاكم وتحت امركم في اي وقت واي مكان في القاهره

وانت طيب والف سلامة علي حضرتك وان شاء الله تكون بصحة وخير وسعادة

[sharooo]

تسلمو يا جماعه وربنا يستر طريقكم دايما.....
ارجوكم اربطو الحزام ومتستهونوش بيه ابدا ولا تكسلو لان الحادثه بتحصل في زمن قليل جداوبتفرق لو كنت رابطه وللا لا كتييييير

انا كنت رابطه وخرجت من الحادث بكسور مضاعفه في الضلوع والترقوه وشرخ في لوح الكتف ومكنتش بمشي بعد الحادث بفتره عشان كان فيه كدمات شديده في ضهري...بس كويس دلوقتي وبمشي ونزلت الشغل والحمدلله

واحد من التيم معانا في نفس العربيه مكنش رابطه.طار من العربيه وهي بتتقلب ,,,ومات

[ahmed abdelaziz]

الحمد لله يا sharooo إنك بخير والبقاء لله فى زميلك ... أقترح عليك بعد ما تقوم بالسلامه إنك تفيدنا بالدروس الى أتعلمتها من الموقف ده .. لعل واحد زي متسرع فى السواقه يتعظ .... والف سلامه مره تانيه

[sharooo]

السلام عليكم
1-الحزام للي قاعد قدام واللي ورا كمان ومتكسلوش زي ما قلت
2-السرعه..انا كنت بقفل عدادات والله يا جماعه وكنت بقول ان العمر واحد والرب واحد وكنت وما زلت مؤمن بيها جدا ومفيش حد بيموت قبل عمره ما ينتهي لكن:
*فيه فرق كبير جدا بين انك تعيش طبيعي جدا وبتمشي وبتسجد كمان وانت بتصل او انك بتتحرك لا قدر الله بكرسي او تكون فيه غيبوبه بعد الشر..انا عارف ده كويس عشان انا قعدت على الكرسي
*لو حسبت الفرق في الوقت الي بتوفره مش هتلاقيه كتير يعني لو هتسافر 400 كيلو وانت ماشي على 160 او 100هتلاقي فرق توقيت الوصول عن تجارب عمليه في حدود ساعه او اكتر شويه..مش كتير يعني وفي المقابل هتوصل من السفر اعصابك مستهلكه وقرصت على متورك..
*على السرعه العاليه.ديتك معروفه(فرده كوتش,رمل على الطريق,واحد قطع عليك او حدف عليك,...)كولها حاجات لو ماشي على 100 هتعرف تفاديها باذن الله وتلم عربيتك حتى لو عامت .لكن لو على سرعه ...صدقوني يا جماعه والله العربيه طارت بينا من على الاض طير في الهوا
*وفي الاخر..كولنا لينا ناس محتاجانا معاهم في الدنيا.وده مسؤليه لازم نكون قدها
الدروس كتير نتناقش فيها لما نتقابل لكن الحاجات ده مهمه جداونكمل في القعده انشاء الله