ارشيف الاستراحة 2009

[د./أليشع ثابت]

المشاركة الأصلية كتبت بواسطة ayman abdelrazek الراجل لم يقل أبدا ما يقلل ويفرق بين الأديان السماوية د/ أليشع ونحن فقط من نؤمن بجميع الأديان وليس غيرنا على وجه البسيطة ...... ولولا ان عباس بن فرناس نط وفط زى ما انت بتقول ماكنش فكرة اختراع الطائرة تم تنفيذه....... ونرجوك أحر الرجاء ألا تتدخل دائما بمناقشات حادة تفسد مناقشات الأعضاء وتحول المناقشة فى الموضوع الأساسى الى الموضوع اللى فى دماغك وخلينا نرجع ونقول ده منتدى سيارات

اولا هو انا دائما مناقشاتى حادة و هى التى تفسد الحوار بين الاعضاء كما تقول سيادتك

و ما هو ظنك بما فى دماغى و بما انة منتدى سيارات

فما هذة المشاركة هل هى خاصة بالسيارات و هل انا من كتبها و لا فقط برد

و للتوضيح

فكرة الطيران ليس لها اى علاقة لا من بعيد و لا من قريب بفط و نط عباس بن فرناس

لانة قام بلصق ريش الطيور بالشمع متشبها بطير الطيور

لكن فكرة الطيران الاولى و الى على اسس علمية و بمحركات و خلافة فهى بعيدة كل البعد عن هذا وهى للاخوين رايت

والى سيادتك التفصيل

(وأخيرا, تمكن الأخوان ويلبور و أورفيل رايت Wilbur & Orville Wright من ابتكار جهاز مصنوع من الخشب وقماش التيل , وزوداه بمحرك ذى أحتراق داخلى , وقاما فى يوم 17 ديسمبر من هذا العام بالانطلاق به فى الجو ليطيرا مسافة 284 مترا ً على أرتفاع أربعة أو خمسة أمتار فوق أحد الشواطئ المهجورة بالولايات المتحدة . ومنذ ذلك الوقت أخذ التقدم فى الطيران يزيد بشكل سريع .

طائرة الأخوان رايت
أول طيران آلى محكوم
1908

فى هذا العام ضرب الأخوان رايت الرقم القياسى فى الارتفاع بأن بلغا ارتفاع 110 أمتار فوق سطح الأرض. )

اوكى يا باشا

انا فقط بحب اننا نتكلم كلام علمى بحت بناء

وليس الغرض أفساد الحوار كما تقول حضرتك لانة ليس طبعى ابدا

فقط حوار علمى مفيد بالفعل

[د./أليشع ثابت]

المشاركة الأصلية كتبت بواسطة ahmed_gman +1+1+1+1 اوؤيد هذا الكلام بكل قوة ptmnlo123per195

شكرا على التأييد يا أستاذ/ أحمد

لك تحياتى و تقديرى

[ayman abdelrazek]

المشاركة الأصلية كتبت بواسطة د./أليشع ثابت كل حاجة حاشريين فيها الدين مش فاهم لية و الله لو كلامك دة مظبوط يا اخ فراج كان العالم كلة اصبح مسلم الان بس برضة مش هى دى المشكلة دلوقتى المشكلة قولى عمل اية ابن فرناس لما فط نط من فوق المرتفع بشوية الريش الى لاصقهم و توفاة الله ربنا يرحمة عايزين نفكر بتحرر و عقلانية بصورة افضل و سيبك من مسلم و مسيحى دى و فكر بالعلم النافع و العلماء و اختراعاتهم التى اضاءت سماء البشرية و خففت عناء و امراض المرضى و ما الى ذلك من واقع نعيشة و محتاجينة و بلاش نقلل من شأن دين سماوى لازم تعترف بة كى يكون ايمانك كاملا و هذة هى و صية دينك الاسلامى نفسة ان تعترف بالرسل جميعا و لا تفرق بينهم و شكراااااااا على التفهم

أولا فى كل الردود لم يحشر اى مشارك فى هذا الموضوع الدين خالص

محمد فراج يعبر عن رأيه فى ان الدين الأسلامى دين عزة وفخر والغرب يدخلون فيه يوميا وفيهم العلماء وغيرهم .......

وهذه حقيقة ودى وجهة نظره


اندهشت من رد فعلك وخصوصا بلاش نقلل من دين سماوى مين قلل فى كلامه من الأديان السماوية؟

وترجع تأكد وتقول وصية دينك ودينى مش ده موضوعنا خالص واحنا هنا مفيش اى مناقشات دينية بنتكلم فيها اولا لأننا مش شيوخ ثانيا لأننا منتدى سيارات بحت

والأرجح انه تتم بعض المناقشات عن طريق الأستراحة لو حد عرض موضوع ليس الا

واثبتت الأدارة حسن نواياها تماما عندما اغلقت موضوع انت نفسك اشتكيت منه

لكن حضرتك تسمح لنفسك بهذا التدخل فى مناقشة ليس لها علاقة بالدين فهذا انا عن نفسى لا اقبله

وبلاش حكاية التفرقة فى الأديان ودينك ودينى وكلام غريب انت ممكن تعاتب نفسك عليه


المشرف Moshax والعضوmatamm مسيحيين ذى حضرتك عمرهم ما تدخلوا فى مناقشات من هذا النوع .

كلمة سيبك من مسلم ومسيحى اللى انت ذاكرها انت جبتها منين محدش اصلا جاب سيرة مسلم ومسيحى

انت نفسك مسيحى لما اشتكيت وحسينا ان ليك حق خدته

انا بس شايفك خدت الموضوع بحساسية او انت نفسك حساس زيادة عن اللازم

[د./أليشع ثابت]

أولا أحب أن أشكر حضرتك جدااااااااا لزوقك و اخلاقك العالية جدااااا

بس انا لى عند حضرتك عتاب و تعليق

هبدأ بالعتاب

و هو ان حضرتك رديت على رد حاد جدااا و بتقول ان كل مشاركاتى بتكون حادة

و بفسد النقاش بين الاعضاء و هذا ليس صحيح ابدا طول ما الحوار بعيد تماما عن الدين

ثانيا التعليق

حضرتك حط نفسك مكانى للحظات و تخيل العكس و شوف حضرتك هيكون أية ممكن يكون رد فعل لانة حقيقة أيضا انة هناك الكثير من يعتنق المسيحية

حضرتك لو طلعت انا د./أليشع كمسيحى و قولت مثلأ فى السعودية كل ساعتين بتنصر واحد

شوف هيكون رد فعل حضرتك هيكون اية

بتقول حضرتك اننى ممكن اكون حساس شوية

لكن الحقيقة كلنا كمصريين بطبعنا الحمية الشديدة على الدين و بالفعل بيكون حساس لينا جميعا

يمكن بحكم انى صعيدى بيكون رد فعلى سريع شوية و صريح شويتين لكن كلنا فى النهاية

على نفس القدر من الغيرة على ديننا (سواء مسلمين أو مسيحيين)

انا بطبعى و بحكم تربيتى عمرى والله ما شهدت اى تفرقة على الاطلاق

و يمكن دة اللى بيخلينى فى اى مشاركة بيكون فيها سيرة الدين بتحرك و برد عليها

ارجو ان اكون قدرت اوصل لحضرتك الى جواى و ان تكون متفهم

و مرة تانى انا متشكر لحضرتك جدا

و تقبل تحياتى لك

[ahmedlion599]

المشاركة الأصلية كتبت بواسطة د./أليشع ثابت كل حاجة حاشريين فيها الدين مش فاهم لية و الله لو كلامك دة مظبوط يا اخ فراج كان العالم كلة اصبح مسلم الان بس برضة مش هى دى المشكلة دلوقتى المشكلة قولى عمل اية ابن فرناس لما فط نط من فوق المرتفع بشوية الريش الى لاصقهم و توفاة الله ربنا يرحمة عايزين نفكر بتحرر و عقلانية بصورة افضل و سيبك من مسلم و مسيحى دى و فكر بالعلم النافع و العلماء و اختراعاتهم التى اضاءت سماء البشرية و خففت عناء و امراض المرضى و ما الى ذلك من واقع نعيشة و محتاجينة و بلاش نقلل من شأن دين سماوى لازم تعترف بة كى يكون ايمانك كاملا و هذة هى و صية دينك الاسلامى نفسة ان تعترف بالرسل جميعا و لا تفرق بينهم و شكراااااااا على التفهم

يا ريت حضرتك تبقى فاهم اللي انت بتقوله ومتحورش الكلام
ونصيحه لوجه الله ماتحاولش تستفز حد وتعمل هيصه وزنبليطه على أي موضوع يكتب بغض النظر عن الموضوع ده علشان عضويتك ماتتويقفش والناس في المنتدى هنا يزهقوا منك ويوقفوا عضويتك ويطردوك من المنتدى زي ما حصل معاك في منتدى نايل موتورز Nile Motors
أصل أنا عارفك من أيام ماكنت هناك