مشكله خطيره فى بيجو 301 ظهرت فى الجزائر

[mohamedm]

مساء الخير
انا من اصحاب سياره بيجو 301 ومن اوائل الى استلمو فى شهر 5 --2013
وبصراحه السياره ممتازه معايا وانا سعيد بيها جدا جدا ومرتاح معاها
ولكن بالصدفه قراءت الموضوع ده عن مشكله خطيره فى ماتور بيجو 301 بتخليها تقف بدون سابق انذار واحب اسمع اراء المتخصصصيت فى هذا الموضوع ده للاطمنان وده روابط مباشره للموضوع


http://www.elbilad.net/article/detail?id=9581


http://www.elbilad.net/article/detail?id=9710

[borio1704]

الموضوع بيتكلم عن مشكلة في "بكرة عمود الحدبات" .. أو بلغتنا في مصر.. "بكرة عمود الكامات" ودي هي البكرة اللي بيركب عليها سير التقسيمة علشان يشغل الصبابات.

طبعا .. هما ما قالوش طبيعة المشكلة ايه .. وربطوها بالسلامة وكده علشان تحبيش الخبر

أنا اتوقع إن المشكلة هي إن البكرة ممكن تخلي الكامات تخلف التقسيمة.. وبالتالي الموتور ممكن يقفش وما يشتغلش.. بس طبعا بعد حبة خساير مكلفة في البساتم والصبابات

علاقة الموضوع ده بالسلامة بييجي من ناحية إن الموتور بيشغل الباور والفرامل.. فلو الموتور طفى وانت سايق .. هتلاقي الدركسيون بقى تقيل والفرامل ضعيفة جدا.. وده معناه احتمال حوادث ممكن تكون مميتة لا قدر الله.

أحيانا.. الأخبار اللي زي دي بتبقى دعاية سلبية من منافسين في السوق.. بس الموضوع بيتكلم على بيجو وسيتروين مع بعض.. حضرتك عارف إن بيجو وسيتروين شركة واحدة في الأساس.. يعني المشكلة في التصنيع فعلا.

مش عارف بصراحة إيه وضع التوكيل هنا من ناحية المشاكل دي.. ومتهيألي الأحسن نشوف لو فيه أخبار تانية على النت في أماكن تانية في أوروبا عشان نتأكد من صحة الخبر.

[magdy_c_c]

اشااااااااعة
مغرررررررضة

[magdy_c_c]

الـ 301 هنا 1600 سى سى ( النسخة الأسبانية ) و هى هى الموجودة بدول كتير فى أوروبا
فى الجزاير 1200 سى سى و الوكلاء هناك بيعلنوا انها مطابقة للمواصفات الأوروبية ، هم بس عاوزين يبيعوا شوية قطع غيار من المخزون فى السوق السوداء ، ولا تلاقيها شركات منافسة بتعمل دعاية سلبية للعربية !!!
على العموم بكرة ربنا يظهر الحق