ارجو المساعدة من الجميع

[محمدالسيدعبدالله]

بسم الله الرحمن الرحيم

اتمني من كل الناس يساعدوني رجاء انا كنت ناوي اجيب سيراتو بس طبعا الكل عارف ان السيراتو اسعارها ضربت بغباوة وبعدين لاقيت كل البدائل الي في حدود الفلوس الي معايا بدائل مش داخلة دماغي زي الاوبترا و الصني وكدة ولاني شاب وعاوز حاجة شبابية قلت هروح للصيني بقي واجيب m11 شبابية و ناس كتير بتشكر فيها و هوفر كتير وبعدين شفت الجاك j5 بصراحة شكلها ممتاز وشبابية جداااااااا بس انا خايف لانها مش منتشرة و قطع غيارها غالية اوي وماعرفش اي حاجة عنها ياريت تفيدوني بالله عليكم هل العربية دي كويسة ولا لا و هتستحمل السفر 4 ايام اسبوعيا كل مرة حوالي 250 كيلو و استهلاك البنزين بتاعها قد اية و المحرك كويس ولا بيخرب بسرعة وتستحمل الفرك و الهبد بتاع الشباب ولا لا يعني من الاخر حمالة اسية ولا منظر علي الفاضي وتفيدوني بكل حاجة عن العربية ومشكورين جميعا مقدما

[ahmedchina]

عن تجربة فعلية للجاك بى 15 (J5) لفترة سنتين و تسعة شهور لمسافة 105 الف كم , عربية محترمة . انا ظروف الشغل تجعلنى بعمل فى اليوم 250 كم يعنى فى 5 الاسبوع حوالى 1250 كم . بصراحة لا تقل عن أى سيارة أخرى من نفس الفئة . قطع الغيار مفيش عربية فى مصر قطع غيارها رخيصة الا بعض الموديلات المعروفة زى اللانوس و الفيرنا و ماشابة .
و قريباً هعمل تقييم شامل للعربية ! أهم حاجة عمل الصيانات فى موعدها الاستخدام المعتدل و المحافظة على السيارة هتعيش معاك و تحافظ عليك .
تقبل تحياتى !