بعد عناء طوووويل 406 جايالي من فرنسا باسمي

[Himatros]

ربنا يخليكوا كلكم على رارئكم المفيدة بس كنت احب انوه ان الراجل قالي ان العربية هتيجي مستعملة من هناك

[ahmed_kamel]

المشاركة الأصلية كتبت بواسطة Himatros ربنا يخليكوا كلكم على رارئكم المفيدة بس كنت احب انوه ان الراجل قالي ان العربية هتيجي مستعملة من هناك

إزاي تيجي من هناك مستعمله بإسمك ؟؟؟؟!!!!!!!! وبعد مرور أكثر من ثلاثة سنوات على الموديل كمان يعني ماينفعش تنزل أصلا !!!!!!!

طيب خلينا ورا الكداب لحد باب الدار

ماينفعش تدفع مقدم في عربيه مستعمله ماشفتهاش ولا عاينتها...............فبب ساطه أطلب منه أن تراها الأول على الطبيعه وتفحصها وتقدر حالتها وتتأكد من ورقها إنه سليم وبعد كده نتفق وندفع مهر العروسه

وأظن إن ساعتها حيخترعلك أي حاجه عشان يقنعك بأن ياخد منك المقدم قبل ماتشوف وتعاين

وحتى على فكره لو مستعمله ماينفعش تبقى بالسعر ده يعني لو حبيت تكيشه تديله مثلا 40ألف ويديك العربيه بما إن تمنها على خمس سنين 67ألف
ياراجل ياطيب بلاش تسمع كلام من النصابين وإعقل الكلام
النصاب بيعتمد على عاملين مش أكتر
(الجهل , الطمع -بالإغراء-)

الجهل : إن حضرتك تكون داخل عليه وماعندكش فكره عن أنه لايسمح بدخول سياره بعد مرور ثلاثة سنوات على إنتاجها إلا في حالة شرائك لها من الزيرو بالخارج وتكون مسجلها بالسفاره عشان تبقى تنزلها مصر (يعني حضرتك تبقى المالك الأول) .

الطمع -الإغراء-: يعني يقولك حاخد عربيتك الـ 504 وحديلك كمان شويه عربيه بيجو 406 2005 يعني ياهناك وسعدك ... وحتدفع على خمس سنين 700 جنيه بس كقسط ........ فتقعد تحسبها فتلاقي إنك حتدفع في الآخر 67000 من غير ماتحس بيهم نهائي ..........ياسلام يعني مكانش حد غلب وكان كل الناس ركبت عربيات مفخفخه ببلاش


حاول تعقل الموضوع أخي العزيز

[ayman abdelrazek]

يا سعادة الباشا نفند الموضوع ببساطه

أولا سعر هذه السياره فى مصر والكنبه منها حوالى 70000 جنيه كاش
يبقى ازاى هيقسطها ب 67000 جنيه.

ثانيا على افتراض انها هتنزلك معاقين ودى الطريقه الوحيده لأستيراد سياره مستعمله من الخارج
لأن الجمارك مانعه استيراد السيارات غير موديل السنه الا لو انت المالك الاول
فى الحاله دى هيحتاج معاق حربى علشان السياره 2000 سى سى ويلزم لدخولها معاق حربى
واعتقد ان ده مش متوفر عنده لأنه صعب الحصول عليه وتكلفة التصريحات للقومسيون الحربى اغلى
ويكاد يكون مستحيل.

ثالثا العربيه دى لو هيجبهالك فعلا وورقها سليم 100% وحالتها نضيفه وبالتمن ده

تبقى مش ببلاش دى تبقى ببلاش الا ربع

نصبايه يا معلم

[hazem_khidr]

المشاركة الأصلية كتبت بواسطة Himatros ربنا يخليكوا كلكم على رارئكم المفيدة بس كنت احب انوه ان الراجل قالي ان العربية هتيجي مستعملة من هناك

يا استاذ هيما ماهو طبعا لازم حيجبها مستعمله
ماهو انتاجها اتوقف من 2004 زي ما بنقولك.
من الاخر بقي الراجل دا نصاب و عاوز ينصب عليك
ابعد عنه احسن و بلاش تجري ورا حلم
و تصحي علي كابوس

[Himatros]

عندكوا حق فعلا الكلام مش داخل دماغي وانا لازم اتحرك واوشوف ايه الحكاية