تكلفة الاصلاح
السلام عليكم، معلش ياجماعة اللى عنده خبرة وعلم بأسعار قطع غيار السيراتو يفدنى
واحد ربنا يكرمه بقى خبطلى العربية وهى راكنه من الجنب قدام والخبطة خلت العربية تخبط فى عربية تانية واقفة الناحية التانية
المهم من النظرة الأولى لقيت ان اللى حصل الآتى
1- فانوس شمال ومصباح ضباب شمال اتفتتوا
2- فانوس يمين الباغة اتشرخت
3- اكصدام اتكسر واتبهدل
4- رفرف شمال اتنى لبره والرفرف اليمين برضه بس على ابسط
الحمد لله الكبوت ماحصلوش حاجة والغريبة انه بيقفل ويفتح عادى جدا !!
المهم ان شاء الله ناوى على الوكيل أروح -العربية وكيل مابقألهاش شهرين- والمفروض العربية متأمن عليها واللى عاوز أعرفه
1- أسعار الحاجات دى فى الوكيل إيه ويارب مايكنش فيه أى حاجة تانية حصلت جوه
2- حد من حضراتكم يقدر يقولى ممكن تاخد وقت تصليح قد إيه
3- ياترى بيعملوا إيه فى التوكيل ... بمعنى هل بيصلحوا ... هل بيغيروا .... حاجة زى الرفرف بتتعدل ولا بتتغير
تحياتى للجميع وربنا مايكتبها على حد
|
04-06-2010, 06:25 PM
