انقذوني .. باسات 96 جابتلي اكتئاب حاد

[semba19]

السلام عليكم ورحمة الله وبركاته
تبدأ المشكله من شرائي لعربيه باسات 96 ستيشن (الميكانيكية بيسموها جولف استيشن)

العربيه لقيتها قدامي بسعر كويس يعتبر رخيص كانت مركونه بقالها فتره ومهمله شويتين وفيها شغل
كانت مكنة الباور صوتها عالي والامبيرات مش شغاله ما عدا امبير الحرارة.. حساس المراوح كان فاصل وكانت المراوح بتشتغل بزرار داخلي[IMG]http://www.**********.net/Nile/images/smilies/whtauwant.gif[/IMG]

توكلت علي الله واشتريت وقررت اظبطها .. شديت الرحال من كفرالشيخ عالحرفيين .. شغلت المراوح وطلعت كل حاجه تمام قبل طنطا بكام كيلو قولت افصل المراوح واشوف المكنه بتسخن ولا لا .. خمس دقايق ولقيت الحراره 120 والمكنة بتدخن[IMG]http://www.**********.net/Nile/images/smilies/eee.gif[/IMG]

قولت الحمد لله حصل خير جبت ونش وطلعت عالحرفيين سالت علي ميكانيكي شغال فالباسات القديم ورحتله قالي المكنه سلخت وهتحتاج شورت بلوك وماكنه الباور كانت بايظه اصلا فقررت اشتغل علي نضافه واشتريت ماكنه 1800 abs استعمال خارج كامله بكل حاجتها من كباس لفتيس لمكنه باور [IMG]http://www.**********.net/Nile/images/smilies/x1[1].gif[/IMG]

ركبت الماكنه الجديده وصوتها ماكانش عاجبني اوي.. بس قولت اهم حاجه اتجنب اي سبب ممكن يكون ورا بوظان المكنه القديمه

1.اول حاجه خليت الميكانيكي لغي ترموستات طلمبه الميه لاني عرفت انها ساعات بتقفش والغائها الافضل

2.غيرت الريداتير بريداتير استيراد بحاله ممتازه وغيرت قربه الميه بالخراطيم بالحساسات

3.بعدها دخلت عالشكمان غيرته بواحد استيراد ووسعت مواسيره شويه كمان

4.وطلعت عالكهربائي جددت الضفيره بالكامل وشيكت علي ضفيره المكنه وغيرت الفيش البايظه وكله تمام

الحمد لله طلعت من الحرفيين امبارح ويادوب وصلت الظريق الزراعي لقيت امبير الحرارة بيرفع تاني ل 110 ركنت بسرعه وفتحت الكبوت لقيت الميه فالقربه بتغلي جامد وبتبخر وخرطوم الريداتير ناشف زي الحجر والعربيه سخنه جدا بس الحمد لله لحقت الموتور قبل ما يضرب...والحال حاليا ان العربيه بتمشي 10 كيلو وتبدا حرارتها ترفع فوق ال 90 ابطل واسيبها تبرد وازود ميه تهدي وتمشي 10 كيلو تانيين وتعيد نفس القصه
[IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG][IMG]http://www.**********.net/Nile/images/smilies/ask.gif[/IMG]
انتهت القصه وانا دلوقت مش عارف اعمل ايه او المشكله فين ونفسيتي بقت زفت بسبب 10 ايام مرمطه ومصاريف وصلت 10.000 جنيه

هل ممكن تكون المكنه الاستيراد فيها عيب بيخليها تسخن؟؟؟؟
ياريت لو حد يعرف يفكر معايا ويدلني المشكله دي حلها ايه او اروح فين واجي منيين محتاج حد يفكر معايا عشان بجد تعبت
[IMG]http://www.**********.net/Nile/images/smilies/majd%284%29.gif[/IMG][IMG]http://www.**********.net/Nile/images/smilies/majd%284%29.gif[/IMG][IMG]http://www.**********.net/Nile/images/smilies/majd%284%29.gif[/IMG][IMG]http://www.**********.net/Nile/images/smilies/majd%284%29.gif[/IMG][IMG]http://www.**********.net/Nile/images/smilies/majd%284%29.gif[/IMG]:majd (4):
اسف عالاطاله

[romeoalmansour]

سيدي الفاضل -
مراوح التبريد شغالة ولا لا
خراطيم المياه سخنة (خرج ودخل الرداتير) ولا احد اسخن من واحد
هل كشفت عي العربية بالكومبيوتر فيشة قديمة (2ْX2)
صوت الموتور عادي (مفيش صوت غريب ذي طلمبه الميه)
ليه مسبتش العربية لحد ما تسخن عند الميكانيكي وتتاكد انها هتبرد والمراوح تشتغل
-------والله العظيم اعلي واعلم-------

[semba19]

السلام عليكم ورحمة الله وبركاته
تبدأ المشكله من شرائي لعربيه باسات 96 ستيشن (الميكانيكية بيسموها جولف استيشن)

العربيه لقيتها قدامي بسعر كويس يعتبر رخيص كانت مركونه بقالها فتره ومهمله شويتين وفيها شغل
كانت مكنة الباور صوتها عالي والامبيرات مش شغاله ما عدا امبير الحرارة.. حساس المراوح كان فاصل وكانت المراوح بتشتغل بزرار داخلي

توكلت علي الله واشتريت وقررت اظبطها .. شديت الرحال من كفرالشيخ عالحرفيين .. شغلت المراوح وطلعت كل حاجه تمام قبل طنطا بكام كيلو قولت افصل المراوح واشوف المكنه بتسخن ولا لا .. خمس دقايق ولقيت الحراره 120 والمكنة بتدخن

قولت الحمد لله حصل خير جبت ونش وطلعت عالحرفيين سالت علي ميكانيكي شغال فالباسات القديم ورحتله قالي المكنه سلخت وهتحتاج شورت بلوك وماكنه الباور كانت بايظه اصلا فقررت اشتغل علي نضافه واشتريت ماكنه 1800 abs استعمال خارج كامله بكل حاجتها من كباس لفتيس لمكنه باور

ركبت الماكنه الجديده وصوتها ماكانش عاجبني اوي.. بس قولت اهم حاجه اتجنب اي سبب ممكن يكون ورا بوظان المكنه القديمه

1.اول حاجه خليت الميكانيكي لغي ترموستات طلمبه الميه لاني عرفت انها ساعات بتقفش والغائها الافضل

2.غيرت الريداتير بريداتير استيراد بحاله ممتازه وغيرت قربه الميه بالخراطيم بالحساسات

3.بعدها دخلت عالشكمان غيرته بواحد استيراد ووسعت مواسيره شويه كمان

4.وطلعت عالكهربائي جددت الضفيره بالكامل وشيكت علي ضفيره المكنه وغيرت الفيش البايظه وكله تمام

الحمد لله طلعت من الحرفيين امبارح ويادوب وصلت الظريق الزراعي لقيت امبير الحرارة بيرفع تاني ل 110 ركنت بسرعه وفتحت الكبوت لقيت الميه فالقربه بتغلي جامد وبتبخر وخرطوم الريداتير ناشف زي الحجر والعربيه سخنه جدا بس الحمد لله لحقت الموتور قبل ما يضرب...والحال حاليا ان العربيه بتمشي 10 كيلو وتبدا حرارتها ترفع فوق ال 90 ابطل واسيبها تبرد وازود ميه تهدي وتمشي 10 كيلو تانيين وتعيد نفس القصه

انتهت القصه وانا دلوقت مش عارف اعمل ايه او المشكله فين ونفسيتي بقت زفت بسبب 10 ايام مرمطه ومصاريف وصلت 10.000 جنيه

هل ممكن تكون المكنه الاستيراد فيها عيب بيخليها تسخن؟؟؟؟
ياريت لو حد يعرف يفكر معايا ويدلني المشكله دي حلها ايه او اروح فين واجي منيين محتاج حد يفكر معايا عشان بجد تعبت

اسف عالاطاله

[semba19]

المشاركة الأصلية كتبت بواسطة romeoalmansour سيدي الفاضل - مراوح التبريد شغالة ولا لا خراطيم المياه سخنة (خرج ودخل الرداتير) ولا احد اسخن من واحد هل كشفت عي العربية بالكومبيوتر فيشة قديمة (2ْX2) صوت الموتور عادي (مفيش صوت غريب ذي طلمبه الميه) ليه مسبتش العربية لحد ما تسخن عند الميكانيكي وتتاكد انها هتبرد والمراوح تشتغل -------والله العظيم اعلي واعلم-------

شكرا لاهتمام حضرتك

المراوح شغاله بس فيه حاجه عايز افهمها هما المفروض المروحتين هواهم يحدف عالموتور ولا عالريداتير؟؟؟؟

المشاركة الأصلية كتبت بواسطة romeoalmansour صوت الموتور عادي (مفيش صوت غريب ذي طلمبه الميه)

مش فاهم ؟؟ المكنه صوتها عالي مش مريح

ومكشفتش بالكمبيوتر وجربت عند الميكانيكي لفترة قصيره عدم خبره

لو كشفت كمبيوتر هيحدد المشكله فين؟

[YOUNG DR.M]

اول حاجة تتطمن على الرفايع من خراطيم و ردياتيرممكن محتاج تسليك و طلمبة المياه و اتاكد من اتجاه الهواء اللي طالع من المراوح انه متكنش شغالة بالعكس و ربنا معاك و الاخوه هنا هيفيدوك ان شاء الله