|
نيسان NISSAN من اعرق الشركات اليابانية بدات فى عام 1923 باسم داتسون وهى الان تعيش ازهى عصورها تحت قيادة اللبنانى الاصل كارلوس غصن بعد اندماجها برينو الفرنسية اشهر موديلاتها : صنى تيدا مورانا التيما وبريميرا وسكاى لاين وميكرا GTR 350Z |
|
أدوات الموضوع |
#1
|
|||
|
|||
ينزين 90 ولا 92 ---- كلام غريب عن 90 تعالى نشوف
السلام عليكم
- الموضوع بأختصار أنا مهندس تكرير بترول والبترول لعبتى طيب خلينى أدخل على طول انا فى السعودية حاليا ومعايا نيسان التيما 2500 سى سى وبقالها معايا 3 سنين وعامله 70000 كيلو وعلى فكره بحطلها بنزين 90 الكتالوج كاتب 90 لحد 2500 سى سى ولأعلى 95 بسوق بها 2700 كيلو فى يومين وبسم الله ما شاء مبتشتكيش محستش ابدا بفرق طيب بالنسبه للى عربته كركرت مع 90 شوف ده معناها ان غالبا معاها مايه وده غريب وانصح متحطش من البنزينه دى تانى فى رأى ال 90 ممتاز بالنسبه لموضوع الخلط فده برده مفهوش مشكله لو عايز تفوق ماتورك لو حسيت بمشكله بعد سنه مثلا او حسيت ان الماتور مش مستريح ممكن تشغل ببنزين 95 مره واحده فى تفويله لو تقدر تجيب من شركة بنزين 100 يبقى افضل وزجاجه واحده تكفى طبعا بنزين 100 و 102 فى ميدور -اسكندريه ياريت نتناقش لو حد عنده حاجه |
#2
|
|||
|
|||
رد: ينزين 90 ولا 92 ---- كلام غريب عن 90 تعالى نشوف
الف شكر يا بشمهندس وبرجاء افادتنا بالمزيد من المعلومات عن الفروق بين البنزين ال 80 و 90 و 92
|
#3
|
|||
|
|||
رد: ينزين 90 ولا 92 ---- كلام غريب عن 90 تعالى نشوف
بص يا سيدى الفرق بين انواع البنزين هو رقم الأوكتان طيب هو ايه رقم الأوكتان ببساطه بيجيبوا محرك بمواصفات ثابته وبيكون كأنه ماشى فى طريق ثابت و مره تانيه طريق شاق من الأخر كأن عربية بتتحرك وبيشوفوا الخبط فى المحرك مع نوعية البنزين المستخدم طبعا كل لما قل الخبط زادت جودة الوقود الفكره ان كل لما زاد الأوكتان قل الخبط فى المحرك وبالتالى كان أحسن للمحرك - طيب ساعات بيكون فى مشاكل تانيه زى مثلا العربية فى الشتاء أول لما تيجى تدورها تكركر - او ان اول عشر دقايق تلاقىالماتور بيرعش - او ان العربيه مبتسخنش بسرعه - او ساعات الكربراتير فى العربيات القديمه بيتسد فى الحقيقه ده بيبقى بسبب الجو وان مواصفات البنزين ومش عيب فى الماتور فالخفيف من البنزين بيكون فى الأول قليل ومبيعملش احتراق بسهوله فى الشتاء البارد أوى طبعا كل لما زاد الأوكتان قلت المشاكل برده لو الجو بارد وفيه رطوبه كبيره تيجى وقت الفجر تدور العربيه لو كربراتير بيتكون كوره من جليد تسد البكات وبالتالى تكركر ومتدرش والى اخره نصحتى سيب العربيه تدفى الأول قبل ما تسوق عشان الماتور ميسخنش بسرعه وده مع الوقت يقلل عمر الماتور على فكره فى كذا طريقه لقياس الأوكتان لأن طبعا كل محرك عربية بيختلف عن التانى مش ال ثابت بتاع المعامل وبالتالى الماتور الكويس ميخبطش مثلا مع اوكتان 85 او 90 ولكن لو الماتور تعبان ممكن حتى مع 95 تحصل معاه مشاكل أسف كلام كبير اتمنى اكون افدكم ياريت لو فى اى استفسار انا موجود |
#4
|
|||
|
|||
رد: ينزين 90 ولا 92 ---- كلام غريب عن 90 تعالى نشوف
تسلم يا غالي المعلومه وصلت بسهوله وجزاك الله كل خير
|
|
|