سال وهتلاقى المتخصص الى هيجاوبك عن سوالك فى بيجــو

[sami shafik]

المشاركة الأصلية كتبت بواسطة hisam2010 [IMG]file:///C:/DOCUME%7E1/Shabrawy/LOCALS%7E1/Temp/moz-screenshot-2.png[/IMG]السلام عليكم معاكم المهندس/ هيثم من توكيل بيجو انطلاقا من مقولة خيركم أنفعكم للناس الموضوع دة هيكون مخصص لاى استفســـار عن بيجو او ستروين (الاتنين انتاج ومصنع واحد PSA ) وانا هحاول طبعا اكون جاهز معاكم لاى سوال بعيدا عن اى فتى بدون علم واتمنى ان الموضوع يكون عملى ومفيد للناس دى اول مشاركة ليا هنا فى المنتدى ويارب اكون عند ظنكم.

شكرا يا باشمهندس على مجهوداتك المفيده معنا في المنتدي
علي فكره انا معايا بيجو 605 اس ال موديل 94 في صوت عالي للموتور عند السرعه الخفيفه يختفي بعد التالت بثاع الشكمان قال لي ان فرن الشكمان فيه شرخ ،ده صح ممكن يكون السبب.
كمان فيه ان تانك البنزين فيه خبطه عامله تاثير على مؤشر اللوحه .
تنصحنى اعملهم فين و بكام . بصراحه خايف من التوكيل من اللي باسمعه .
اكون شاكر علي الرد و الاهتمام

[hisam2010]

المشاركة الأصلية كتبت بواسطة sami shafik شكرا يا باشمهندس على مجهوداتك المفيده معنا في المنتدي علي فكره انا معايا بيجو 605 اس ال موديل 94 في صوت عالي للموتور عند السرعه الخفيفه يختفي بعد التالت بثاع الشكمان قال لي ان فرن الشكمان فيه شرخ ،ده صح ممكن يكون السبب. كمان فيه ان تانك البنزين فيه خبطه عامله تاثير على مؤشر اللوحه . تنصحنى اعملهم فين و بكام . بصراحه خايف من التوكيل من اللي باسمعه . اكون شاكر علي الرد و الاهتمام

كان عندنا قبل العيد عربية 605 كان الشكمان كلو عايز يتغير بس طبعا كان غالى جدا وكمان مكنش موجود.....
وعامة لو فيه شرخ فى الفرن طبعا يعمل صوت عالى فى الشكمان وكمان يأثر على سحب العربية فأنت ممكن تجيب الفرن أستيراد أفضلك وبردو تشوف ايه مشكلة التنك ولو عايز تغير تنك كامل بردو تجيبو إستيراد

[DR.AMER HASSAN]

سلام عليكم جميعا... كل عام و اننتم بخير...ز كنت عايز اسال يا باش مهندس اذا كان في موتور v6 طولي للبيجو ..... يعني يركب للجر الخلفي..... و اذا موجود .... يعمل كام بالفتيس و الضفيرة

[Mohamed ghaith]

المشاركة الأصلية كتبت بواسطة hisam2010 وعليكم السلام ورحمة الله وبركاته.....وأشكرك على كلامتك المشجعة وربنا يتقبل منى ومنك إن شاء الله. المشكلة الأولى:- (سماع صوت (تزيق) عند دوران البور) مع العلم إن طلمبة الباور فى العربية دى كهرباء ومفيش اى صوت ميكانيكى ممكن يجى من دائرة الباور أعتقد ان الصوت ممكن يكون من قطمة الدريكسيون الى هى اخر جزءعند الدواسات (البدالات)..... هتعبك معايا شويه بص حاول خلى حد يحودلك الدريكسيون يمين وشمال وانزل انت عند دواسات البنزين والفرامل وشوف الصوت منين لو لقيتو من عند الدواسات تقوم مشحم القطمة اما لو غير كدة يبقى لازم تروح لمتخصص يسمع الصوت أثناء ظهوره. المشكلة الثانية:- (السحب - البطارية - البوجيهات) موضوع ان مره واحدة تلاقى العربية متسحبش فدة انا اكلمت فيه أكثر من مرة وبيطلع غالبا حاجة بسيطة فى دائرة ال VVT يإما فيوز أو فيشة الموتور الخلفى وحتى لو كانو غيرو البطاريه مش مشكلة كدة كدة البطاريات مش بتقعد أكثر من 1.5 فى الموديلات الجديدة وموضوع تغير البوجيهات النفروض بيتغيرو كل 30 او 40 الف كيلو. المشكلة الثالثة:- (المروحة الأمامية) لو حضرتك تقصد ان مرة واحدة وانت ماشى بتسمع صوت المروحة السرعة العالية فلازم مهندس (بيفهم:w6w200504112205326 8) يخش بالجهاز ويعرف العيب هل من الرموحة نفسها ولا حساس الحراة ولا حساس ضغط الفريون ولا حساس الثرموستات ولا من الكنترول. وطبعا انت ليك حق مطالبة الضمان فى قطع الغيار الكهربائية انك تغيرها على الضمان ودة لازم التوكيل عندك يخاطب كولالمبور. - وعامة البيجو فى الخليج مش منتشرة اوى لذلك الواحد بيسمع حجات غريبة عن التوكيلات عندكو وغالبا المهندس الفنى بيبقى هندى ولا حاجة وبعدين ايه موضوع ان كل شوية يكلمو كولالمبور دة امال هما بيعملو ايه؟؟؟؟؟؟؟ وتمنياتى لك بالتوفيق وربنا معاك

شكرا لاهتمامك السريع والله ياباش مهندس بدون مجاملة او نفاق ردورك وتعاونك وشرحك لتفاصيل دقيقة فنية جعلتني ارتاح لعربيتي بعد ما كنت ناوي ابيع بخسارة كبيرة فقط للالغاز التي لا تفسر لي مشاكلي مع العربية وحسستني اني إتورط في اختيار البيجو فادعو الله تعالي في ايامه المباركة ان يسخر لك من يفك كربك وسخر لك من يعنيك علي مشاكل الدنيا كبيرها وصغيرها

المشكلة الاولي من ملاحظتي الصوت يصدر من الدريكسيون نفسه عند ارتفاع درجة حرارة المكان بسبب الشمس وليس حرارة موتور ثم يتنهي نهائيا عند برودة المكان بعد غياب الشمس او وضع العربية بجراج مثلا

مشكلة المروحة : من متابعتي للتوكيل شهور عدة هما بيوصلوا الكمبيوتر وتقريبا كما يقولون بيجدوا الجهاز سجل اوقات دوران المروحة فيقوموا بعمل مسح لهذه الاعطال الكترونيا فقط بالكمبيوتر ويقولون هذا عيب (لحظي) وان المروحة تعمل لارتفاع نسبة العادم بالشكمان عن النسب المحددة لثاني اكسيد الكربون

حتي لا اطيل واضيع وقتك انا كنت باحاول ان تدلني لو نظريا عن مكان وسبب العيب علشان اذهب لهم واطلب تغيرة فيفهموا اني فاهم فقط ويهتموا
المروحة تعمل فجأة وان اسير بالعربية وبيكون الجو غير حار وانا مش مشغل المكيف وساعات علي سرعة بطيئة او متوسطة
لان المروحة تعمل احيانا مع المكيف وهذا باعتبره عادي ولا يلفت نظري ولكن الملفت دورنها بدون مكيف وبدون ارتفاع درجة حرارة الموتور وعند ايقاف العربية وسحب المفتاح منها تظل المروحة تعمل عدة دقائق ثم تنطفي

اخر سؤال هل ممكن التواصل معك تليفونيا ؟؟؟؟

[hisam2010]

المشاركة الأصلية كتبت بواسطة DR.AMER HASSAN سلام عليكم جميعا... كل عام و اننتم بخير...ز كنت عايز اسال يا باش مهندس اذا كان في موتور v6 طولي للبيجو ..... يعني يركب للجر الخلفي..... و اذا موجود .... يعمل كام بالفتيس و الضفيرة

لا يوجد....... الى موجود V6 عرضى فى ال 607
ملحوظة:
مش شرط لو المحرك راكب بالطول يبقى الجر خلفى ممكن يكون جر أمامى.