ايه اسباب تكون الكربون على البوجيهات؟؟

[Mido Madrid]

كنت عايز اعرف ايه اسباب تكون الكربون على البوجيهات والعربيه تتلت وايه حل المشكله دي ؟؟؟؟

[AbOnOrA]

خليط وقود غير متجانس

[MohammedAladel]

شمعة الإشعال ( البوجية ) لها ما يسمى بحرارة التنظيف الذاتى ولكن طبيعى جدا أن تخرج بعد الإستعمال لونها أسود مهبب وهذا هو الكربون وهو أمر طبيعى

أما هناك حالات يكون فيها تعريق زيت على البوجيه أو تآكل سن البوجيه أو احتراق شديد فى البوجيه

وهذه تدل على خلل ما فى أداء المحرك

وأن العربية تكون متلتة هذا معناه أن بوجيه من أصل 4 بوجيهات فصل تماما عن العمل قد يكون لسبب كهربائى أو بسبب تلف البوجيه نفسه لانتهاء عمره الافتراضى وهذا مستبعد أو بسبب خلل ما بداخل المحرك نفسه

[Mido Madrid]

شكرا على الردود هوه اول ما شال الكربون ونضفه كله رجع تمام

بس ازاي وقود غير متجانس انا بحطلها 92 من اول ما اشتريتها ؟؟

[zing0]

بس ازاي وقود غير متجانس انا بحطلها 92 من اول ما اشتريتها ؟؟

الموضوع مالوش علاقة بنوع الوقود 80/90/92/95
الموضوع كله ضبط كمية الوقود : كمية الهوا اللازم للإحتراق
يعنى لو بنزين زيادة (أياً كان نوعه) يبقى أكيد البوجيهات هتهبب (يتراكم عليها الكربون و الشرارة تبقى ضعيفة لحد متفصل خالص)
و هتلاقى العربية بتعتل فى الدوارة الصبح.
أول متغير البوجيهات أو تفكهم تنضفهم و تركبهم تانى تلاقى الدنيا تمام, مع الوقت ترجع تانى تعتل.
دى القصة ببساطه و لأى عربية أياً كان نوعها.

طيب دلوقتى الحل إيه: لو عربيتك كربراتير يبقى ميكانيكى خبرة يضبطهالك, أو صنايعى متخصص كربراتير.
أو تجرب بنفسك (من كذا موضوع فى ضبط الكربراتير هنا و فى النت كله)

لو إنجكشن ... و لا أعرف عنه أيتها حاجه يا سعادة البيه