|
كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
أدوات الموضوع |
#1
|
|||
|
|||
عايز جهاز أنذار للعربية الجديدة
الحمد لله جبت عربية جديدة فورد اسكورت 1998 و كنت عايز اعرف ايه هية احسن انواع الانذار الموجودة دلوقتي في السوق و تمنها كام و للعلم العربية فيها سنتر. التركيب انا ممكن اتصرف فية في جنبي كهربائي شاطر و بيركب انذار بس انا بثق في اعضاء المنتدي انهم هيدلوني علي الصح
|
#2
|
|||
|
|||
رد: عايز جهاز أنذار للعربية الجديدة
يعني 43 دخلو و خرجو من غير حتي السلام عليكو هوا انا بس اللي عايز اركب انذار في البلد دي:12B1B3~136 :
|
#3
|
|||
|
|||
رد: عايز جهاز أنذار للعربية الجديدة
الاخ الفاضل
بخصوص استفسارك عن اجهزة الانذارالسوق المصرى فيه نوعيات كثيرة ومختلفة انما المعلومة الى عايزك تعرفها ان فيه نوع او اثنين اثبتوا وجودهم فى السوق فيه نوع اسمه وولف WOLFوده ممتاز ومنتشر جدا وانا ارشحلك تجيب النوع ده لانى مركبه فى عربيتى ال 128وشغال عشرة على عشرة والراجل الى بيبيعه بشوف كل يوم بيطلع اكثر من 20 حته وولف منه شغال نار يعنى والولف عليه ضمان خمس سنين بالاضافة الى مميزاته كثيرة ورهيبة وهتعجبك جدا مثلا يقفل العربية بمجرد ما انك تدوس فرامل ويديك سرينه خاصة لكل حدث تتعرض له العربية وعشرات الخصائص لما تشتريه قول للراجل انا عايزه بدائرة فصل موتور لان فيه كذا اوبشن منا اشترى الفول الاوبشن هتعرف ازاى ؟افتح كتالوج الانذار وبص هتلاقيه مشروح بالعربى وفى الرسمه كلمة دائرة فصل الانذار او شىء زى كدا ساعتها تتطمن النوع العادى منه على ما اتذكر كان عامل 140 جنيه ودائرة الفصل اختيارى مش موجودة النوع الكامل منه كان عامل وقتها 160 يعنى هتلاقيه النهاردة فى حدود 150 - 155 وانت وشطارتك فيه انواع ثانية ب 120 و100 انما انت عايز حاجة ممتازة وكويسة ومعروفة وهتريحك تركيبه سهل بس علشان عربيتك جديدة شوف حد كويس وياريت يكون مركز زى سبير كار علشان يحافظولك على عربيتك وما بيوظوش الضفيرة فيه انذار من نوع تانى او فيه خاصية تانية بس ما اعرفشى اسمه ممكن تدور هنا فى المنتدى هتلاقيه بيخلى العربية تديك انذار اذا خرجت عن نطاق معين فى مسافة معينة واوبشنات خرافة يارب اكون افدتك وما تزعلش ان ما حدش رد الناس هنا عسل وممتازين بس ممكن لسه ما دخلشى اللى يعرف المعلومة ومبروك لحضرتك العربية وتكون وش الخير والبركة عليك |
#4
|
|||
|
|||
رد: عايز جهاز أنذار للعربية الجديدة
فى جهاز spy 2-way 5000m دة بيجيب لحد 5000متر بس دة فى الاماكن المفتوحة وفى الاماكن المغلقة 200متر والريموت بشاشة وكمان خاصية ان لو العربية حصل لقدر الله وطلع عليا قطاع طرق واخدوا العربية منى غصب عنى
ادوس على زرار الsilent لمدة 3 ثوانى العربية هتدى انذار عالى جداً جداً وتفصل بعد 20 ثانية وبجد اكتر حاجة مفرحانى فى الجهاز دة بس طبعاً مع مراعاة ان الريموت يبقا بعيد عن المفتاح علشان الحرامى ما ياخدش العربية بالمفتاح والريموت |
#5
|
|||
|
|||
رد: عايز جهاز أنذار للعربية الجديدة
انا ركبت جهاز وولف شغال ممتاز فى اللانوس
|
|
|