الله يبارك ليكم حد يجاوبنى....

[batalalkom]

نويت اشترى ان شاء الله لانسر بومة وعند شوية أسئلة ياريت حد يجاوبنى الله يبارك لكم:
اشترى 1600cc عادة ولا اتومتيك.
2-الاتوماتيك كم فئة وبكام الان.
3- هل المانيول 1600سواء وكيل أو خليجى فيها abs وسبويلر .
4- هل ممكن اركب كماليات الاتوماتيك فى المانيول مثل اسبويلر خلفى فى التوكيل.
5- الفرق بين الوكيل والخليجى وخاصة فى السعر.
6- هل فيه انواع وفئات فى الخليجى.
7- احسن سيارة بومة خليجى.
8- هل ينفع اشترى ضمان للخليجى وبكام.
9- احسن معرض اشترى منه البومة.
10- استلمها ازاى سواء وكيل أو خليجى.
11- بلاحظ ان فيه بومة مكتوب عليها gl أو glx وفيه مش مكتوب عليها يعنى ايه ده.
..و أسف للاطالة .

[محمد فيصل]

مبروك مقدماً ما نويت ان تقوم به
الاتوماتيك هو الافضل فى ظل الزحام الرهيب فى شوارعنا الان
عليك بشراء السيارة من الوكيل من اجل الضمان والصيانة
الفئة تحدد حسب امكانياتك المادية
لا ينصح بشراء سيارة نصف كماليات ثم تعديلها
السيارة من المصنع افضل من المعدلة
وفقك الله لما يحب ويرضى ان شاء الله

[batalalkom]

عاجز عن الشكر يا استاذ محمد ....وارجوك مزيد من التفاصيل

[محمد فيصل]

الشكر لله
عليك بطرح السؤال الذى ترغب فى معرفة الرد عليه
ان شاء الله اوفق فى الاجابة عليه

[mesho70]

المشاركة الأصلية كتبت بواسطة batalalkom نويت اشترى ان شاء الله لانسر بومة وعند شوية أسئلة ياريت حد يجاوبنى الله يبارك لكم: اشترى 1600cc عادة ولا اتومتيك. - حسب رغبتك والاتوماتيك اريح طبعا ً مع الفتيس الجديد ( ستريبترونك ) 2-الاتوماتيك كم فئة وبكام الان. - فية مواضيع هنا فى قسم المتسوبيشى فيها التفاصيل فابحث عنها 3- هل المانيول 1600سواء وكيل أو خليجى فيها abs وسبويلر . - راجع المواضيع الخاصة كما ذكرت لحضرتك 4- هل ممكن اركب كماليات الاتوماتيك فى المانيول مثل اسبويلر خلفى فى التوكيل. - الاسبويلر موجود فى كل مكان لكن انا شايف بلاش تخرم الشنطة لو مش راكب 5- الفرق بين الوكيل والخليجى وخاصة فى السعر. - فرق الوكيل والخليجى فى السعر بنفس الامكانيات كبير جدا ً 6- هل فيه انواع وفئات فى الخليجى. - كل الفئات موجودة والخليجى ( امارات دبى - كويتى - سعودى - اردنى ) 7- احسن سيارة بومة خليجى. - الاماراتى لان بها ضمان للرواس 3 سنوات او 60 الف كم ثم يليها الكويتى ويقترب منها السعودى واقلها الاردنى والفارق هنا فى الكماليات فقط 8- هل ينفع اشترى ضمان للخليجى وبكام. - اظنة نصب كما قيل لى فى توكيل المصرية والخليجى بضمان هو الاماراتى فقط 9- احسن معرض اشترى منه البومة. - اول شارع رمسيس من ناحية التحرير فية معرضي متجاورين ( المصرية وكيل ولكن تأكد من الضمان لان المصرية اتسحب منها التوكيل وبجوارة الرواس الخليجى اماراتى ) - او سمير ريان هتلاقى عندة كل حاجة 10- استلمها ازاى سواء وكيل أو خليجى. - ان شاء الله لما نوصل للمرحلة دى نتكلم بالتفصيل 11- بلاحظ ان فيه بومة مكتوب عليها gl أو glx وفيه مش مكتوب عليها يعنى ايه ده. - الاخيرة هى الكاملة فى الكماليات ..و أسف للاطالة . - اى استفسار انا فالخدمة

- ارد فى الاقتباس بنفس اللون