العودة   مصر موتورز مجتمع السيارات > السيارات الصينية والهندية > شيرى إسبيرانزا CHERY SPERANZA > A 516


إضافة رد
 
أدوات الموضوع
  #1  
قديم 29-11-2013, 11:32 AM
ah.alngar ah.alngar غير متواجد حالياً
من انا؟: انسان هادئ ودود مرح احب العلاقات الاجتماعية
 
تاريخ التسجيل: Nov 2013
الموقع: الاسماعيلية
المشاركات: 4
ah.alngar is on a distinguished road
مميز مشكلتى مع فرامل اسبرنزا وجهاز abs

بسم الله الرحمن الرحيم
انا فى الحقيقية عايز افيدكم بتجربتى مع مشكلة خطيرة حصلت معايا فى الفرامل . اسمحولي احكى بالتفصيل
كنت مسافر مصر وكنت محتاج اغير زيت على الطريق وبعدين الراجل حب يعمل كشف على زيوت العربية وبعدين لاقى زيت الباكم ناقص ولمبه abs منورة ودا للاسف كان عشان تغير التيل الامامى مش اكتر المهم زودلى زيت علبة صفرا صغيرة 4ج
بصراحة ملحقتش ادل العبور ملقتش فرامل معايا وكان يوم صعب جدا الحمد لله قدرت ارجع سالما غانما انا ومراتى روحت للميكانيكى بتاعى اللى هو اصلا شغال فى توكيل اسبرنزا الاسماعيلة نزل الماستر ونضفة وهو المفروض انه يتغير علطول ملهوش طقم اصلاح المهم نزل كتل من الطين من جوة قلبه وركبة تانى بعد لما خد الهوا وظبط الدنيا بردو الفرامل مش نافع البدال بيهرب قعد اروح لاكتر منخمس صنايعية وكل واحد يفتى بحاجة شكل لحد لما لاقيت نفسي مغير زيت بس يعدى 250ج قولت لا مفيش فايدة اويديها التوكيل عشان اخلص قعدت هناك 3 ايام فأر تجارب وفى الاخر ربنا يخدهم قالولى جهاز abs العمومى لازم يتغير وعامل 7000ج عندنا قولت مفيش اخر حل عندى وهو ربنا رزقنى بواحد حبيبي دلنى على الشيخ طه فى الحرفين وروحت فعلا امبارح هما بالظبط ساعتين زمن كان غير الجهاز بواحد جديد مستورد وغير الماستر كمان اللى كان راكب فى التوكيل وخد الهواا وماشاء الله العربية زى الفل دلوقتى بس اغلط غلطة بلية بتاعة غسل العربية بميه عشان الزيت وكانت المصيبة قطعت كهربا وبرجلت وفى الاخر غيرت حساس كرنك وحساس كامة وعملت ضفيرة العربية وقعدت ساعتين ونص ينضفو هوا كل الفيش لحد لما ربنا كرمنى ورجعت..انا اسف على الاطالة بس حبيت اقوول اللى فعلا عندة مشكلة الراجل دا متخصص وعندة كل حاجة ليها وببتجرب قدامك كمان وبتستلمها بارخص الاسعار وفنين متخصصين غير اللى عندنا فى اسماعيلية الضعف بالظبط غير الوقت اللى بيضيع لما يجيبلك الحاجة ... ارجو اكون فيدكم واى استفسار انا تحت امركم

التعديل الأخير تم بواسطة ah.alngar ; 29-11-2013 الساعة 11:49 AM سبب آخر: نسيت اقولكم ان الجهاز عمل 1000ج + 250ج الماستر+100ج حساس كرنك مستورد+100مصنوعية
رد مع اقتباس
  #2  
قديم 29-11-2013, 08:44 PM
د جمعه سمك د جمعه سمك غير متواجد حالياً
 
تاريخ التسجيل: Sep 2013
المشاركات: 37
د جمعه سمك will become famous soon enough
نقاش رد: مشكلتى مع فرامل اسبرنزا وجهاز abs

حمدا لله علي وصولك ورجوعك بالسلامة انت والعائلة
يا ريت تقوللنا
1- لمبة ال اي بي اس نورت مدة كام ؟؟ وطنشت عليها
2- الشيخ طه اخد منك كام ... مصنعية وقطع غيار
3- حالة العربية اية الان؟؟ وال اي بي اس شغالة و فيها نبض ودقدقة زي الاول
4-الشيخ طة قالك الصيانة الجاية امتي؟؟؟
....وحمدا لله علي السلامة....
رد مع اقتباس
  #3  
قديم 29-11-2013, 09:24 PM
cmatcho cmatcho غير متواجد حالياً
 
تاريخ التسجيل: Oct 2009
المشاركات: 810
cmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond reputecmatcho has a reputation beyond repute
افتراضي رد: مشكلتى مع فرامل اسبرنزا وجهاز abs

الشيخ طه بيصلح مع بيع قطع الغيار كمان
رد مع اقتباس
  #4  
قديم 29-11-2013, 10:52 PM
ah.alngar ah.alngar غير متواجد حالياً
من انا؟: انسان هادئ ودود مرح احب العلاقات الاجتماعية
 
تاريخ التسجيل: Nov 2013
الموقع: الاسماعيلية
المشاركات: 4
ah.alngar is on a distinguished road
نقاش رد: مشكلتى مع فرامل اسبرنزا وجهاز abs


المشاركة الأصلية كتبت بواسطة د جمعه سمك مشاهدة المشاركة

حمدا لله علي وصولك ورجوعك بالسلامة انت والعائلة
يا ريت تقوللنا
1- لمبة ال اي بي اس نورت مدة كام ؟؟ وطنشت عليها
2- الشيخ طه اخد منك كام ... مصنعية وقطع غيار
3- حالة العربية اية الان؟؟ وال اي بي اس شغالة و فيها نبض ودقدقة زي الاول
4-الشيخ طة قالك الصيانة الجاية امتي؟؟؟
....وحمدا لله علي السلامة....
بشكرك دكتور جمعة على سؤالك.. فى الحقيقة اللمبة نورت معايا وكان التيل الامامى شمال متاكل بس مش باين من برة المهم الميكانيكى قالى ممكن تمشي كمان 5000ك من بعد اللمبة متنور وانا للاسف سمعت كلامة بس مشيت حوالى 2000ك وحصل اللى حصل ليا عالطريق المشكلة ان الميكانيكي كل اللى عملة افتكر انه بيوفرلى بس طلع خرب بيتى وهو مش حاسس ..
بالنسبة للشيخ طه اخد 1000ج للجهاز+250ج للماستر+100 حساس كرنك +100 مصنوعية للراجل بتاعة اللى ركبلي
والحمد لله انننننننا العربيه بجد فاقت جامد وراجع بيها 170 على الطريق والجهاز على الشعرة وجربته على السرعة العالية مرتين مرة ضغط مفاجء وسمعت الدقدقة ووقفت فى اقل مما اتخيل وبثبات غير معهود ومرة ريحت رجلى على البدال وسيبتها توقف براحتها على نفسالسرعة عشان اتأكد ان مبيقفش او البدال بيهرب
والحمد لله نتيجة الاختبار ممتازةبس لاقيت النهاردة تسريب فى ماسورة الضغط اللى جاية من الماستر كلمت الميكانيكى قالى اى حد بتاع فرامل يعملك فتلة حرارى تعزل اى حاجة ويومين تكون جمعت كل الهواا اللى فى المواسير وتاخد هوا اخر مرة...
وكشف على العفشة كمان ملقاش غير مقص امامى شمال محتاج يتغير بس والحمد لله انا حاسس اللوزة بتاعتى بتدعيلى دلوقتى ...وشكرا على هتمام حضرتك
رد مع اقتباس
  #5  
قديم 29-11-2013, 10:59 PM
ah.alngar ah.alngar غير متواجد حالياً
من انا؟: انسان هادئ ودود مرح احب العلاقات الاجتماعية
 
تاريخ التسجيل: Nov 2013
الموقع: الاسماعيلية
المشاركات: 4
ah.alngar is on a distinguished road
رأى رد: مشكلتى مع فرامل اسبرنزا وجهاز abs


المشاركة الأصلية كتبت بواسطة cmatcho مشاهدة المشاركة

الشيخ طه بيصلح مع بيع قطع الغيار كمان
بصراحة عنده ميكانيكى اسمه رضا ما شاء الله عليه والشيخ طه راجل صادق بكلامة لانى سألت وانا عنده على كل قطع الغيار وقارنت باسعارة والخدمة اللى عندة مميزة..
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:26 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017