صيانة ال 5000 للشيفروليه لانوس

[midoimc]

السلام عليكم

ياشباب انا قربت من اول 5000 لعربيتي وعايز اعرف افضل مكان اعمل فيه الصيانه وايه الحاجات بالظبط اللي بتتعمل غير تغيير الزيت وياريت لو سمحتو اعرف بكام عشان الواحد يبقي واخد فلوس معاه احتياطيا

[midoimc]

هو المنتدي دا مهجور ولا سؤالي مش مفهوم ولا ايه الحكايه...37 واحد قرا الموضوع ومحدش قاللي سلام عليكم حتي

[azeweel]

1- المراكز فى كتيب الضمان حدد الأقرب.
2- هيغيروا لك زيت وفلتر وغسيل الموتور وتأكيد تربيط العربية من تحت والكشف على التكييف ولوعندك أى استفسار أو شكوى هيشوفوا ايه المطلوب.
3- التكلفة بدون مصنعية للمرة الأولى ولوهتغير زيت 5000 التكلفة فى حدود 200 ج تقريباً ولو زيت 10000التكلفة فى حدود 300 ج تقريبا وربنا يوفقك.

[midoimc]

المشاركة الأصلية كتبت بواسطة azeweel 1- المراكز فى كتيب الضمان حدد الأقرب. 2- هيغيروا لك زيت وفلتر وغسيل الموتور وتأكيد تربيط العربية من تحت والكشف على التكييف ولوعندك أى استفسار أو شكوى هيشوفوا ايه المطلوب. 3- التكلفة بدون مصنعية للمرة الأولى ولوهتغير زيت 5000 التكلفة فى حدود 200 ج تقريباً ولو زيت 10000التكلفة فى حدود 300 ج تقريبا وربنا يوفقك.

يااااااااااااااااااااااه اشهد ان لا إله إلا الله .... الحمد لله اخير حد رد عليا.....شكرا ياريس

بعد إذنك انا اكتشفت اني ماخدتش كتيب ضمان مع العربيه فمش عارف اعمل ايه وكمان عايز اعرف ايه احسن مكان لان في ناس بتقولي ابو رواش زحمه جدا فهل في حاجه في وسط البلد يعني زي المصريه الكويتيه او مقار مين الافضل

[azeweel]

المشاركة الأصلية كتبت بواسطة midoimc يااااااااااااااااااااااه اشهد ان لا إله إلا الله .... الحمد لله اخير حد رد عليا.....شكرا ياريس بعد إذنك انا اكتشفت اني ماخدتش كتيب ضمان مع العربيه فمش عارف اعمل ايه وكمان عايز اعرف ايه احسن مكان لان في ناس بتقولي ابو رواش زحمه جدا فهل في حاجه في وسط البلد يعني زي المصريه الكويتيه او مقار مين الافضل

لسه الدنيا بخير لا شكر على واجب
بتروح للتوكيل (أى فرع) بصورة البطاقة وصورة الرخصة وهو بيديك كتيب الضمان والكاتالوج.
معلش مش هقدر أفيد حضرتك فى مراكز الخدمة بالقاهرة