#1
|
|||
|
|||
![]()
السلام عليكم
انا عربيتى 128 المشكلة كانت العربية بتقطع فى المشى المهم رحت للميكانيكى فك البوجيهات لقى واحد منهم عليه زيت فقالى احتمال تحتاج طقم شنبر او عمرة كاملة فهل الكلام ده صحيح . طيب لو طقم شنبر تكلف كام ولو عمرة كاملة تكلف كام . ولكم جزيل الشكر |
#2
|
||||
|
||||
![]()
لا الكلام مش صحيح لازم الاول نعرف مصدر الزيت
عموما لو البوجية بيغرق زيت بيكون فية سببين لدخول الزيت غرف الحريق وبالتالى تلويث البوجيهات اول سبب هو عدم احكام اورنجات البستم او طقم الشنبر ودة بيتعرف وبيبان بالعين لما نشيل خرطوم فايظ الموتور اللى داخل على عمة الكربراتير .......لو بيطلع دخان كثيف يبقى فعلا عاوزة طقم شنبر تانى سبب وبحكم ان الـ 128 كامة علوية وغرقانة فى الزيت فممكن الزيت ينزل من جلد الصباب اوووووووووووو دليل الصباب الى غرفة الحريق وبالتالى يسبب تلويث للبوجيهات وهنا بقى مش محتاجة طقم سنبر وبنكتفى بفك الوش ونعمل دلايل جديدة لو ان الزيت بينزل من الدلايل وكدة كدة طالما الوش اتفك لاى سبب من الاسباب يبقى هانغيرلة طقم جلد صباب ونعمل نضافة شاملة للوش من فريزة لقواعد ورودية ونضافة كاملة لفتحات السحب وفتحات العادم يبقى لو كان مفيش خروج عادم من خرطوم الفايظ بتاع الموتور هانكتفى بفك وش السلندر وعمل صيانة لية كما اوضحت انما لو فية دخان خارج من الفايظ يبقى هانعمل الاتنين هانعمل طقم شنبر وهانعمل صيانة للوش
__________________
يااااااااااااا رب إرحمنا بقدرتك علينا ![]() |
#3
|
||||
|
||||
![]()
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
#4
|
||||
|
||||
![]()
البشمهندس محمد مرسى
رد على حضرتك رد وافى وكافى ![]()
__________________
دا لينك اولتراس فيات 132 دا لينك صفحتى على الفيس بوك ![]() ![]() ![]() |
#5
|
||||
|
||||
![]()
العمرة الكاملة 2000 جنيه
وطقم شنبر بس 1000 جنيه |
![]() |
|
|