رينو داستر ولا نيسان قشقاى

[beeronasr]

لازم نقر ان الداستر أميز فى العرض و الارتفاع و التصفيح الحديدى و مساحات التخزين و انها 4x4 مع امكانية القيادة بها او تحويلها سحب امامى من خلال قرص فى الطابلوة نفس اللى فى النيسان x-trail و كمان عفشة النيسان ال x-trail - موتور الداستر متجرب و مغرق السوق المصرى لانة هو هو بتاع الرينو لوجان + فتيس 6 نقلات بيريح الموتور و يزود عزمة - العربية راسية جدا على الطريق بشهادة كل اللى جربها
القشقاى اميز فى شياكة الصالون - سقف بانوراما - اوبشن زى 2 تكييف و بلوتوث عجلة القيادة و زراير تحكم افضل من الداستر.
الفرق بينهم 25 الف جنية - لو انت ح تشترى - تشترى مين؟

[chevy_lumina]

لو انت ميال للاوبشنز و الشكل الداخلي يبقى هات القشقاي
لو انت ميال للاوبشنز البسيطة و الاداء يبقى الرينو

[magdy m.s]

المشاركة الأصلية كتبت بواسطة beeronasr لازم نقر ان الداستر أميز فى العرض و الارتفاع و التصفيح الحديدى و مساحات التخزين و انها 4x4 مع امكانية القيادة بها او تحويلها سحب امامى من خلال قرص فى الطابلوة نفس اللى فى النيسان x-trail و كمان عفشة النيسان ال x-trail - موتور الداستر متجرب و مغرق السوق المصرى لانة هو هو بتاع الرينو لوجان + فتيس 6 نقلات بيريح الموتور و يزود عزمة - العربية راسية جدا على الطريق بشهادة كل اللى جربها القشقاى اميز فى شياكة الصالون - سقف بانوراما - اوبشن زى 2 تكييف و بلوتوث عجلة القيادة و زراير تحكم افضل من الداستر. الفرق بينهم 25 الف جنية - لو انت ح تشترى - تشترى مين؟

علي فكرة موتور الداستر نفس موتور الميجان وليس اللوجان - موتور القاشقاي نفس موتور نيسان تيدا وعفشتها اكس تريل - فعلا الداستر اعرض واعلي وقاعدة العجلات اكبر ولكن القاشقاي اثقل بفارق 120 كيلو والخلوص بينها وبين الارض اقل بواحد سنتيمتر - وبعدين في النهاية القاشقاي ياباني بالانجليزي اي جمعت بين مميزات الياباني والاوروبي (فئة 1600cc )- مجرد رأي

[beeronasr]

كلام حضرتك مظبوط تماما - أزيد علية ان الداستر هى عفشة و تعليق و 4x4 النيسان x-trail , وطبعا مافيش شك ان تقفيل القشقاى اجمل فى كل حاجة بس أقل عفشة على ما اعتقد و سحب امامى فقط و أغلى بكتير - أنا عجبانى القشقاى جدا بس حاسس ان السعر عالى شوية عن المعقل اللى يخليك تشتريها و تسيب الداستر مع ان الداستر أميز فى المقاسات و العفشة و 4x4 او سحب امامى زى ما تحب بالاضافة لوجود المميزات الرئيسية لعربية كويسة.
هنا نتيجى صعوبة الاختيار بينهم.
واللة لسة مش قادر اخد قرار ما بين الاثنين علشان ما اندمش.

[koashraf]

طبعاً هو الاختيار صعب ..لكن هل جربت تروح المعرض وتركب وتعاين السيارتين على الطبيعه؟؟انا ركبت الداستر وعاينتها فى المعرض وعجبتنى ورايى الشخصى ان عيبها انك تحس انك راكب لوجان نفس التابلوه ومفاتيح التحكم فى الزجاج عباره عن زراير فى التابلوه ولايوجد كونسول بين الكراسى الاماميه ولا باكيتات ابواب ..يعنى فقر شديد فى الكماليات الشكليه يعوضه اداء قوى وكماليات مثل ABS,APD, جر رباعى اوثنائى حسب الحاجه او وعورة الطريق بس طبعا المحرك 1600 وهو محرك مشهود له من رينو ..ده انطباعى عن الداستر اما ال قاشقاى فانوى معاينتها على الطبيعه فى المعرض وان شاء الله اكتب انطباعى عنها ولو ان من البروشور وشكلها ان كماليتها اعلى واشيك....المهم ربنا يوفقك للاختيار الاصوب وتحكى لينا عن عربيتك اللى ان شاء الله يقع عليها الاختيار..