اكسل ,, برايد ,, سيينا ,, تمبرا ,, كليو ؟؟!!!

[Vanditta]

السلام عليكم ورحمة الله وبركاتة

دى العربيات اللى محتار مابينهم وجنب كل واحدة هاكتب العيب اللى اعرفة عنها

1-هيونداى اكسل 1500 كاملة
(صاج وشاسية ضعيف وبيشرخ وثبات فى الباى باى)
2-كيا برايد سيدان تكييف وباور وسنتر
(اقتصادية اعتمادية بس تكييف فى الضيااع)
3-فيات تمبرا كاملة
(تحفة بس بعض قطع غيارها مش موجود الا استبراد وفى ناس بتقول بتسخن وتكييفها سىء)
4-فيات سيينا كاملة (زجاج امامى)
(تحفة برضو بس كل لما اسئل حد يقولى اياااااااك من غير سبب مقنع)
5- رينو كليو كاملة (زجاج امامى )
(جامدة جربت سواقتها تحفــــــــــة بس الفرنساوى عموما مايطمنش فى اسعار قطع الغيار والاعطال اللى مش اى حد بيفهم فيها )
6-فى بقى الابيزا والبونتو والبولو ودووول ماعرفش عنهم اى حاجة فى اى حاجة

اولوياتى فى العربية
1- مش مهم الشكل نهائى ولا سعة الموتور
2- التكيييف اهم حاجة بالنسبة لى
3- مش مهم قطع غيار غالية بس المهم تكون( متوفرة )
4-مايكونش فيها عيب مشهور يقرفنى ويطلع عينى (بتسخن ,, بتشرخ شاسية , بتاكل عفشة,,, الخ)

[محمد فيصل]

عليك وعلى بولو بعد 2004 1400 وسوف تجد كل ما تريد وأكثر

[Vanditta]

المشاركة الأصلية كتبت بواسطة محمد فيصل عليك وعلى بولو بعد 2004 1400 وسوف تجد كل ما تريد وأكثر

اعتقد دى فئة سعرية تانية خااالص تتكلم فى الاربيعينات
انا ميزانيتى 33-34

[AbOnOrA]

البرايد حلوه والتكييف مش وحش اوى كدة بالعكس لو ظبطته صح هيبقى تلاجة

[Vanditta]

المشاركة الأصلية كتبت بواسطة AbOnOrA البرايد حلوه والتكييف مش وحش اوى كدة بالعكس لو ظبطته صح هيبقى تلاجة

AbOnOrA كل سنة وحضرتك طيب

معلش اعزرنى انا هاتقل على حضرتك بكام سؤال كدة (دة من عشمى يعنى) عشان انا بصراحة ميال للبرايد عشان حاسس انها اقتصادية واعتمادية شوية خصوصا انى داخل على جواز ومش حمل اى مصاريف تانية بعد اللى هادفعة فى العربية

1- بالنسبة للتكييف حضرتك تقصد ب لو ظبتة ان فى تعديلات معينة علية مثلا ولا تقصد لو حالتة سليمة ؟.!
2- الاوتومايك منها حضرتك رأيك فية اية ؟! والباور بينزل فى المانيوال ولا نازل لموديلات الاوتوماتيك بس ؟!
3- الموديلات اللى فوق ال 2000 هل هى هى نفس قطع الغيار ولا بتختلف ؟
4-انا عايز رأى حضرتك من الاخر مميزاتها وعيوبها