|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
|||
|
|||
حصريا ::أول تقرير حصري عن النيو لوجان الشكل الجديد ومقارنه مع الشكل القديم
هذا التقرير منقول من جروب NEW RENAULT LOGAN CLUB علي الفيس بوك
بسم الله الرحمن الرحيم اتمني ان يكون هذا التقرير المختصر مفيد لكل من يرغب في الشراء او التحديث انا كنت امتلك رينو لوجان 2012 سوداء كامله مانيوال و اول ما نزل الشكل الجديد بحمد الله قمت بالتجديد وذالك لعدم قبولي بالشكل القديم ولكن اسباب شرائي للشكل القديم هي نفس الاسباب الي تخليني اشتري الشكل الجديد وبالعكس بدون تردد عشان الشكل القديم كان يتفوق على كل سيارات الفئه السعريه لكن شكل السياره لا يقارن حيث هو الاسواء في المقارنه ..... ولابد الاخذ في الاعتبار انها سياره سيدان متوسطه الحجم اوربيه اقتصاديه للبلاد الفقيره منتجه اصلا من شركه داتشيا احدى شركات رينو الفرنسيه مثل نيسان وسامسونج وتسوق في معظم دول العلم تحت اسم داتشيا لوجان ماعدا مصر والبرازيل رينو لوجان وتصنع في تركيا و رومانيا و المغرب وحديثا الجزائر رينو لوجان تعد من وجهه نظري عربيه مليئه بالامكانيات بسعر مناسب و معايير سلامه اوربيه ممتازه وتفتقر قديما في التصمميم لكن مو 2014 تصميم فرنسي بحت و تعتبر تحديث لرينو سيمبول ماعدا المحرك المتواضع او القديم 1.6 لتر 90 حصان 8 صباب كامه واحده. ****************** لوجان 2012 فول اوبشن ****************** المحرك تسارع متواضع اول وتاني اما تالت ورابع جيد واستهلاكه للبنزين معتدل لكن صوته مرتفع لحد الازعاج وتوجد نعره في الغيرات الولى مصحوبه برعشه في دواسه البنزين العفشه ممتازه وناعمه وارتفاع السياره بيجمد قلبك مع اي طريق خصوصا الطرق الوعره الثبات ممتاز حتى 160 كم راسيه ماشاء الله الصالون تصميمه قديم لكن يتسم بوسع وخصوصا يظهر فى الدخول والخروج من السياره وده لارتفاع السقف يحس بميزه الصالون طوال القامه بس الكراسي متعبه شويه مع المسافات الجير بوكس مقبول مش سلس و مش معقد لكن يعيبه رعشه خصوصا في وضع الثبات العزل داخل الصالون جيد ولكن المحرك غير معزول تماما وده مزود الازعاج داخل الصالون التكييف يدوي اداءه جيد بس مش زي الكوري الكاسيت قديم شويه لكن كل حاجه فيه احسن من اي كاسيت في نفس الفئه السماعات عاديه المالتي فنكشن فى الطاره ممتاز واختراع والكلاكس فى دراع النور بشوفو ميزه القياده لا توجد بها اي متعه بحس انى راكب شاهين موديل 2012 الباور تقييييييييل جدا بس عاطي ثبات للعربيه بس بالنسبه لي ممل الاضاءه عاديه وسائل الامان اير باج واحد للسائق فتح تنك البنزين بالمقتاح فقط *********************** لوجان 2014 هاي لاين نافجيشن *********************** المحرك نفس الاداء ولكن حاسس اني في تعديل النعره مش موجوده ونفسه اطول في النقل سنه بسيطه وتم عمل عزل داخلى للمحرك ممتاز مع تعديل الكابوت بدراع هيدرولك لسهوله الفتح و القفل العفشه نفس الداء الصالون تصمميم ممتاز وتحس ان الطابلوه عالى زي طابلوه ال301 والعددادات غنيه جدا نفس عددات الفلوانس 2010 مع تعديل زراير التحكم فى الزجاج في الابواب بدل من الكونسول في الموديل القديم والكراسي افضل بكتير من اللوجان القديمه الجير بوكس نفس الداء كان نفسي يكون احسن شويه العزل ممتاز فعلا من كل النواحي العربيه اصبحت غواصه التكييف اليكتروني فيه حسساسات لتعديل درجه الحراره الداخليه مع الحراره الخارجيه الاضاءه اوضح واحسن بكتير مع وجود الداي لايت فى لمبه صغيره على طول منوره ودي مواصفات اوربي الباور انعم بكتير من اللوجان القديمه الكاسيت النافجيشن بجد بدعه اخترع جميل كان في اي فون في الطابلوه كل السماء بتظهر واضحه عند ورود مكالمه والنافجيشن شغال حلو اوي اوي كل خرائط مصر مزوده عليه بجميع اسماء الشوارع .. السماعات ممتازه فعلا افضل من القديمه الملتي فانكشن في الدريكسيون زي القديمه اختراع ممتاز في متعه للقياده عن القديمه فتح تنك البنزين بالمقتاح فقط وسائل الامان اتنين اير باج للسائق والراكب الامامي الثبات ممتاز حتى 140 عشان دي اقصى سرعه جبتها حتى الان يضاف ان مو 2014 بها فرامل abs محدد سرعه و مثبت سرعه حساسات ركن وجنوط ..... اخيرا العربيه ممتازه فعلا كاقيمه مقابل نقود تحس انها فعلا ارخص من تمنها مقارنه بالعربيات الاخري مفيش عربيه اوربي بالسعر والامان ده رغم تحفظى على اداء المحرك المتواضع لو كان فيها محرك رينو كليو 1.4 لتر 16 صمام كان افضل بكتير ... نصيحه اي حد بيفكر يتوكل على الله دون تردد ولازم تشوف الالوان على الطبيعه عشان في الحقيقه افضل وغير الصور الشامبين على الحقيقه رائع في الصور طالع باهت والاول والاخر دي ازواق لكن لو عاد بي الزمان مش حشتري غيرها و ربنا يوفق الجميع منقول من جروب NEW RENAULT LOGAN CLUB وده الرابط بتاعه https://www.facebook.com/groups/NEW.LOGAN2014 |
#2
|
|||
|
|||
رد: حصريا ::أول تقرير حصري عن النيو لوجان الشكل الجديد ومقارنه مع الشكل القديم
|
#3
|
||||
|
||||
رد: حصريا ::أول تقرير حصري عن النيو لوجان الشكل الجديد ومقارنه مع الشكل القديم
تسلم ايدك
مفيش اخبار عن الاتوماتيك حتنزل امتى و بكام ؟
__________________
سبحانك لا علم لنا الا ما علمتنا |
#4
|
|||
|
|||
رد: حصريا ::أول تقرير حصري عن النيو لوجان الشكل الجديد ومقارنه مع الشكل القديم
لسه مفيش أخبار
|
#5
|
||||
|
||||
رد: حصريا ::أول تقرير حصري عن النيو لوجان الشكل الجديد ومقارنه مع الشكل القديم
__________________
|
|
|