احترس احترس احترس احدث طرق النصب

[Muhammad A]

لا حول ولا قوه الا الله

[dr_eslam_66]

بص أنا عايز أقولك حاجة كاضاع حق وراؤه مطالب.
إنتا عارف سكنه وإسمه وكل بيانات وكان فيه بينك وبينه معاملة مدنية مثبتة بالتاريخ والأوراق (عقد بيع سيارة) وفي عداد في السيارة يوضح عدد الكيلوميترات المقطوعة.
تطلع على التوكيل وتجيب شهادة تفيد بعدد الكيلوميترات الفعلية للسيارة أو عند آخر صيانة وتاريخها وتطلع على القسم تحرر محضر نصب وغش تجاري وتتهم فيه البايع الي باعلك وربنا يقدم الي فيه الخير.
عموما أنا عايز أقولك دايما تقبل قضاء الله وقدره ولا مانع إطلاقا يا أخي العزيز محاولة تقبل الأمر الواقع وإستعمل سيارتك عادي فهي لا يوجد بها مشاكل إنشاء الله إلى حين الفصل في شكواك.
وحط في بالك بس إنه قضى أخف من قضى.

[hananelhosiny]

انا مع dr_eslam_66 .. انه ما ضاع حق وراءه مطالب

خلى قريبك يعمل اللى عليه ويقوم بأتخاد كل الاجراءات القانونيه .. وربك مطلع صدقنى ما يستسلمشى وحقه بأمر الله هيرجع .

وللرد على سؤالك ... متهيألى كده خرجت من الضمان عشان أتلعب فى العداد .

[محمد صالح - المحامى]

المشاركة الأصلية كتبت بواسطة mazen mazen الموضوع ده حصل فى واحد معرفه خبره بالعربيات بقاله 20 سنه عربيه كسر زيرو معروضه للبيع عامله 7000 كيلو رينو لوجان بعد معاينه العربيه العربيه بحاله المصنع دوكو بيلمع الملصقات البيضاء على العربيه من الخارج فى كل مكان باحجام مختلفه الكتابه البيضاء على الزجاج الامامى كما هى اكياس الصالون بالكامل اكياس الاشارات كما هى وبنفس الحجم ملصاقات وتعليمات داخليه موجوده ريحه السياره من الداخل مازالت برائحه الجلد الجديد لا يوجد بها خدش لا يوجد فيها اى شئ بالشاسيه فابريكه من تحت كسر زيرو بمعنى الكلمه عند الاتصال بالوكيل لعمل صيانه ال 10000 كيلو اتضح انها ماشيه 40000 واليكم الاتى العربيه بتلمع عشان مرشوشه من بره ويستحيل او يصعب كشفها لانها بدون معجون جميع الاستيكرات البيضاء ملزوقه الكتابه على الزجاج مكتوبه باليد الاكياس متركبه ريحه العربيه من جوه اسمه اسبراى فابريكه الحمد لله سليمه من تحت بعد الاتصال به رفض تماما استرجاع الفلوس وعرض بيعها لزبون اخر (تلبيسه) قريبى رفض وذهب اليه على عنوانه وجده مضجج بالبلطجيه (من الوايلى) طيب ازاى واحد عادى هيعمل فيها ده كله للاسف هو مطلعش واحد عادى وطلع محترف والمكان اللى بيشتغل فيه هو اللى مساعده على كده اكيد بدون علمهم لان المكان كبير جدا المكان هو ...... اسم النصاب........ اذا اذنت اداره المنتدى بعرض اسم المكان واسم النصاب ساعرضه على الفور وهلاقى فى المنتدى ناس عارفينه بحكم عملهم فى توكيلات السيارات

========================= ==============
بسم الله الرحمن الرحيم
......................... ....
هل عقد البيع مكتوب فى ان السيارة مشيت 7000 كيلو فقط
اذا لم يذكر فليس هناك خطأ قانونى وقع فيه هذا النصاب
________________
كل الى حصل انه باع عربية مستعمله
وكل الاتهامات الى حضرتك ممكن تتهمه بيها
ممكن ينكرها جميعا لعدم وجود دليل مادى ولو حضرتك اخدت معاك شاهد هو ممكن يجيب
100 شاهد حسب وصف المنطقة الى هو عايش فيها

كل الى حضرتك هتعمله انك تحذر من التعامل مع هذا الشخص حتى لا ينصب على اشخاص اخرين
ولا تتقدم باى بلاغ الا اذا كان لديك مستند يثبت عملية النصب . حتى لا يحفظ البلاغ

[waleed_d82]

تعرفوا المشكلة مش في العداد المشكلة انها طلعت راشه برة بالكامل بس دا الفرق عل حد الكلام الي اتقال لان الاكياس مش مهمه موجودة من عدمه ولا الاستيكارات
يعني هوا اتنصب عليه في العداد وفي الدهان الخارجي
عموما حاول تشتكية لو معاك المستندات الي بتقول انها عداد 7000 وفبريكة دهان خارجي