إلى الخبراء والغاويين احياء العربيات الميتة... ب700 جنيه بس

[aallmix]

واحد ابن حلال ضاربه في دماغه يشتري البودي الخردة ده :


هيشتريه ب700 جنيه

هل يا جماعة في امل ان الخردة دي ترجع عربية تمشي على الارض تاني

العربية موديلاها سكودا 110 موديل 1974

هيتصرف عليها كام من وجهة نظركو وخبراتكو مع العربيات

لو صرف عليها 5000 جنيه هترجع عربية تاني

يا ريت يا جماعة حد يقلبلنا في تاريخ العربية دي عايزين نشوف شكلها الأصلي


منتظر ردكم

[محمد حسن عبد الرحمن]

واللهى يا باشا سكودا 110 كله هتش باك شبة البورش الموديلات القديمة أما العربية ديه فهى بشنطة عادية هى كسمكرة وبوية عادى تخلص المهم قطع الغيار وتوفرها لهذا الموديل وأسعارها هى اللى تحكم تكلفة عملية إحياء هذه السيارة وديه من منطلق منظرها مع عمل بحث على جوجل بأسم سكودا 110 ديه عايزة بعض زيارات لمحلات قطع الغيار وبعدين يفضل فى عملية أحياء السيارات القديمة تكون موديل ونوع معروفين علشان متتعبش مع العربية دية وديه وجهة نظرى الشخصية وأنتظر ردود بقية الرجالة.

اخوك محمد
:CONG RA~238:

[aallmix]

الراجل عايز يبيعها ب700 جنيه
مش عارف هل فيها امل ولا لا

[SIKO_AU2008]

معالي الباشا العربيه دي مش اسكودا...... دي اسمها سيمكا 1100
وبيركب عليها الموتور 131 ويبقي 100 / 100 عليها بس عايز نصيحتي العربيه دي هتصرفلها بتاع 7000 الاف جنيه غير الترخيص يعني وف الاخر هتلاقي نفسك مش راكب عربيه باردووو
... سمكره 1000 / بوهيا 1500/ كهرباء 800 / سروجه 1000 / " لو فيها كراسي اصلا " 1000 كاوتش / 1000 عفشه / 3000 موتور / ولسه الترخيص / وانت ودماغك بقي .... وبالتالي هتلك عربيه سيات احسن .... او حوط كمان 5000 جنيه علي ال 7000 وتعالي خود عربيتي

[mohamed selem]

هي فعلا عربيه سيمكا 1100
ومنصحكش عشان هتتعبك
كان فيه موضوع هنا في المنتدي عن العربيه دي بس كان من سنه لو لقيتو هجبهولك
بس ادعيلي عشان مش فاكرو والله فين