استشاره عاجله...35000 يجيبو ايه

[rola_86]

السلام عليكم ورحمه الله
كل عام وحضراتكم بخير..........انا سمعت كتير عن المنتدي وكنت عاوزه حضراتكم في استشاره
انا معايا 35000 جنيه مبلغ نهائي مش هاقدر ازود حاجه ولا هاينفع ااقسط في الفتره الحاليه عاوزه عربيه تكون كويسه بالسعر ده بس عاوزاها موديل جديد يعني 2000 وفي ما فوق وتكون واسعه لان بيبقي في الاغلب معاايا عربيه طفل وكرسي طفل وطلبات يعني انا هحتاجها في مشوار يومي من عين شمس -للمهندسين وبعد فتره
هانقل ان شاء الله هايبقي من حدايق اكتوبر للمهندسين ومعايا طفل
ايه افضل حاجه ممكن اجيبها بالمبلغ ده
1- كيا برايد سيدان
2- فيات سيينا
3- رينو كليو
4- سوزوكي التو
5- سوزوكي سويفت
6- شيفروليه سبارك
سؤال كمان بعد اذن حضراتكم انا تبع مرور السلام وسمعت انه سيء للغايه واستحاله انجح من غير مادفع ومدربه السواقه بتاعتي عرضت عليا ادفع 800 جنيه واتصور وخلاص بس انا مستحرمه جداااااااااا وفعلا كذا حد من صحباتي راحو وسقطو فهل في اي حل تاني غير الدفع
جزاكم الله كل خير

[journalistamr]

الافضل رينو كليو لانها 1200 سي سي و اقتصادية فى البنزين و سيدان . يعنى الشنطة واسعة و الصالون واسع لو قورنت بالسبارك او الالتو .فأرى انها الانسب و يليها السيينا 1400برضو و ابعدى عن البرايد السيدان و السبارك.و لو هاتش باك تبقى التو بس ضيقة مش بتنفع اوى بالذات الشنطة .

[ahmed_zamalek7]

خد بالك انك لما هتشترى عربيه هتدفع مصاريفونقل العربيه والرخصه وكده وكمان افضل فعلا الرينو الكليو بس شوف قطع الغيار هو تصلحها فى الحرفيين فى شارع المرسيدس سهله يعنى بس قطع الغيار معرفش ظروفها ايه فى الاسعار وربنا يوفقك فى الافضل

[mohamed wagdy]

انا رايى هيونداى اكسنت 1500 عربيه ملهاش حل . وفى حدود المبلغ ده

[Marlborooo]

بسم الله الرحمن الرحيم
الاختيار رقم 7 ( هيونداي اكسنت ) هيا اللي فيها كل اللي انتي طالباه + سهولة الصيانة + رخص قطع الغيار ، تعتبر ببلاش
موديل 1999 ل 2003 حسب الحالة بس مبلغك 35 الف او ازيد حاجة بسيطة
وممكن كيا برايد عربية ممتازة برده

بقيت العربيات اللي قولتيها هتقرفك في التصليح واسعار قطع الغيار

وطبعا ممكن برده شيفروليه سبارك بس ديه من 35 ل 40 موديل 2008 ، ل 2010 وهتجيبي حاجة حالتها كويسة ، بس حجمها صغير طبعا
لو تقدري تزودي مبلغك شوية هاتي سبارك مش هينفع خليكي في الاكسنت او البرايد

تحياتي:Wk iss5: