|
#11
18-10-2011, 03:47 PM
|
|||
|
|||
رد: اللانوس و الافيو و اللوجان .. عن تجربة شخصية..
شكرا يا جماعة لردودكم الجميلة دي ..
و نكمل الموضوع .. طبعا الناس فاكرة انه علشان انا معايا لوجان دلوقتي تبقى اللوجان احلى من اللانوس كده خبط لزق .. بس احب انبهكم لحاجة .. انا كان معايا لانوس .. و بعديها افيو اللي انا وضحت انها هي هي اللانوس في السواقة.. فطبيعي اني احب اغير ..حتى منعا للملل.. موش معقولة اركب لانوس ثم افيو ثم لانوس تاني .. صح ولا ايه .. و حاجة كمان انا قارنت بين اللانوس و الافيو وكل واحدة من دول قعدت معايا 5 سنين.. اللوجان بقالها شهرين بس .. بس عموما انا حاول اكون محايد و اقارن بموضوعية على اد ما اقدر .. و تعالوا نشوف مين نمرة 1  طيب .. اول مرة ركبت اللوجان كان لسه معايا الافيو .. و كان واحد صاحبي جايبها زيرو فول اوبشن فضي.. و كنت قاعد على الكنبة ورا .. و قعدت اقول في سري .. ايه العربية الكحيانة دي يا جدعان .. ايه زرار الكهربا اللي لازم توطيله ده .. و ايه التابلوه العجيب ده .. هي العربية دي كل حاجة فيها موش لايقة على بعضها ليه يا جدعان .. و شكلها من قدام غريب .. دي داتشيا فعلا يا عم الحاج .. و الحمد لله على الافيو دي نعمة بالنسبة ليها  الحاجة الوحيدة اللي حسيت بفرق جامد فيها .. الوسع الرهيب .. انا قاعد ورا و مبرطع و مريح و ركبي موش خابطة في الكرسي اللي قدام .. و العربية براح .. بس برده عربية كحيانة و المغرب علمت علينا في اتفاقية اغادير دي يا رجالة .. هاه ... نتيجة الكنترول باظت و لا ايه ؟؟ و فضلت مقتنع بكده و عمال بادور في العربيات صني و لا ريو و لا سكالا و لا بونتو و لا لانوس تاني و لا ايه .. الى ان حدث ما جعلني اغير تفكيري 360 درجة .. صاحبي بتاع اللوجان عزم عليا اسوقها .. و خدتها و ركبت .. و ايه ده بقى .. الله الله الله الله.. دي خدتني من سكة اللانوس و الافيو و الاسبرانزا و الهيونداي وا لكيا ( سوقت كل دول على فكرة  )و ودتني لسكة اللانسر و الابيزا والبيجو ..( كانوا عندنا برده ) موش اوي يعني .. بس فعلا هي سابت سكة السواقة البلاستيك الكوري .. و مسكت في السواقة العترة الاوروبي .. و لأن الانطباعات الاولى تدوم خلوني اقولكم انا حسيت بايه اول ما سوقتها .. عفشة رائعة و لا انعم و لا اجمل تكاد تنافس اللانسر ,, و طبعا بدأت بالعفشة لانها كانت عقدتي من الافيو .. السحب جميل ..موش جراية بس راسية على الارض و تقيلة موش تحس انك ساقية حتة بلاستيك .. الباور تقيل حبتين بس موش لادا مثلا .. و لا حتى بيكانتو فاضية من غير باور و لا اونو يعني ..شغال جدا يعني .. القعدة واسعة و مريحة نوعا ما - موش اوي - و مجال الرؤية ضيق ( بس انا كنت متعود على كد .. الافيو كانت كده ) زرار الكلاكس كوميدي جدا و مشجع انك تضرب كلاكسات كتير و حسسني انه انا سواق بيجو او عربيات التاكسي القديمة .. و عزز هذا الاحساس الاشارات اللي بتضرب الاتجاهين مرة واحدة..حاجة قديمة و اوروجينال خالص .. الركوبة دي هي اللي خليتني اغير رأيي في اللوجان و اقول عليها هي كحيانة فعلا ,, بس سواقتها جميلة .. هاه تفتكروا كده وصلتم للنتيجة النهائية .. لسه بدري .. و مفيش نتايج طالعة من الكنترول .. و نكمل المقارنة بعدين .. عايز انااااااااام .. تصبحوا على خير 
__________________
Dr.wael el7yran
|
|
#13
18-10-2011, 05:09 PM
|
|||
|
|||
رد: اللانوس و الافيو و اللوجان .. عن تجربة شخصية..
عموماً ده مش حجر على رأيك والله ولا حاجة ولكن هو نوع من الأستشفاف لما ستسفر عنه الأيام وده طبعاً سببه أسلوب التشويق الرائع والسرد الممتع لحضرتك يا دكتور.  : clapW15:وفى أنتظار البقية .............. 
__________________
أأظماء وأنت العذب فى كل مورد ..... وأظلم فى الدنيا وأنت نصيرى
|
|
#14
18-10-2011, 05:55 PM
|
||||
|
||||
|
رد: اللانوس و الافيو و اللوجان .. عن تجربة شخصية..
دايما مواضيعك مميزة يادكتور منتظر النتيجة مع انى اعتقد انى عارفها مقدما والله اعلم
__________________
|
|
#15
18-10-2011, 06:52 PM
|
|||
|
|||
|
رد: اللانوس و الافيو و اللوجان .. عن تجربة شخصية..
والله انى قاعد مبتسم ومبسوط جدا من الاسلوب الشيق والمقارنة الرائعة . وحاسس بشوية ساسبينس على اكشن محليين الموضوع جدا.
متااااابع جدا لأنى بدور على عربية حاليا وصدقنى الثلاث عربيات دول كانوا فى حسابانى مع السيارات الصينى اللى فى نفس الفئة السعرية. الشكر موصول ومنتظرين باقى الموضوع الرائع. لكن خالى فى بالك يا دكتور لو الحلقة القادمة ليست الحلقة النهائية انا هعتصم واعمل اضراب. 
|
 |
|
|
