عداد الحراره بينزل لل c على ال 100

[mr_astra]

طالما لسة مغير ثرموستات الكوعة
يبقى هى دى اللى تالفة وعاوزة تتغير تانى لان شكلها كدة علق على مفتوح
ولو العربية درجة حرارتها اتظبطت هاتحس باداء افضل للموتور
وصوت الهد دة عيب شائع فى لانوس ونوبيرا
بس ممكن نغير زيت بنوع موبيل دلفاك ام اكس 3 ونحط مع التغييرة علبة زيت شنبر اسمة ابرو
هتلاقى الصوت مع الوقت انتهى

[casper35]

تسلم يا غالى وجارى التنفيذ وهبقى اقولكو النتيجه

[sokaroz]

الاخ العزيز --- وعليكم السلام ورحمه الله وبركاته
ان شاء الله تجد حلاً وليس خلعاً - اما ردا على استفساراتك
1- عندك فى الموتور حساسين للحراره فعلاَ الاول تحت المنافول وبجوار الرشاشات وده مسئول عن توصيل حراره المحرك الى المؤشر اللى فى التابلوه فقط يعنى بيقولك حراره المحرك فين بالظبط تمام كده --- الثانى حساس حراره المياه اللى بتخش للمحرك يعنى بالبلدى هو المسئول عن دخول المياه البارده للمحرك من الريداتير عند الحاجه -- وبالتالى مشكلتك تنحصر فى ترموستات الكوعه اللى هو موجود فى كوع المياه من اعلى وخلف سير الكاتينه بالظبط وبالنظر لما ذكرتها لذا حل مشكلتك تغير ذلك الترموستات بجديد يكون اصلى من مكان محترم سمعته معروفه محل معروف يعنى لانه فاتح على طول يعنى بيدخل المياه البارده على طول وكما تحمد ربنا ان مكنش قافل كان ولع الموتور وضرب وش السلندر 0
2- بالنسبه لموضوع الشخلله ده له اسباب كتييييييييير ونحلل الموضوع بالراحه بالنسبه للابواب تروح لواحد بتاع كوالين محترم معروف او اى حد ينصحك بالتعامل معاه يفك فرش الابواب كلها ويعيد تربيط جميع الصواميل اللى داخل الابواب ، اما بالنسبه للتابلوه فده اللى بيربطه الكهربائى فتروح لكهربائى يبفكلك العداداد ووش التابلوه الباغ ويربط المسامير من تحتهم ويعيد تركيبه من تانى وبلاش يقولك اغسلك العدادات ، اما بالنسبه لموضوع الشخلله من العفشه فده له اسباب ايضا كثيره وفى الغالب بتكون من العفشه الاماميه لان لو عند بارات الدريكسيون مبوشه او بيض المقصات او كاوتشه الميزان فهتحس ان راكب شخليله فيجب هنا الذهاب لعفشجى محترم ومش حرامى ويكون فاهم كويس للنظر فى المكونات السابقه ويحدد لك المطلوب وهو اللى هيربطلك العفشه كمان 0
3- مسئله وش السلندر والكامات ديه مش بفهم فيها اوى بس انا لو ماكنك اغير احسن ما اصلح وربنا يخليلنا الاستيراد صح ولا ايه وده بيقودنا للنقطه الرابعه بتاعتك 0
4- مسئله تغيير الماتور ببتوقف على مدى قوه ماتورك الحالى يعنى مش تغيير وخلاص اما لو فيه بعض القطع اللى ممكن تتغير زى وش السلندر كده وهيظبط الاداء يبقى افضل من تغير الماتور بالكامل ودوشه وفلوس وعطله وشكوك وانتا عارف الباقى ، اما لو عاوز تغيره فهناك العديد من التجار يشرفهم انهم يبيعولك مواتيرهم (الماتور ممكن يخش فى 3500 ج) بالفتيس او من غير حسب التعامل0
5- قلنا انتا منيين وساكن فين وممكن نرشحلك القريب منك وانظر الاجابه رقم 2 الجزء الاخير 0
6- اعتقد والله اعلم ان طقم الدبرياج اللالمانى مش تمام اوى والله اعلم بردك اما بالنسبه للموبينه وسلك البوجيهات اصلى gm و تحت بير السلم 0 اما بالنسبه للبوجيهات ngk ولا كورى تقفيل السلوم ، اداء السياره وسحبها يتوقف عليه العديد من العوامل عمر المحرك وقدرته مش الموبينه والبوجيهات وان كان احد اهم الاسباب وزى ما انتا كاتب ان عندك مشاكل فى المحرك فطبعا مش هيديلك كامل طاقته 0
معلش ياباشا طولت عليك بس انا اصلى بحب الرد بالتفصيل لعل وعسى ان ينفعك او ان ينفع غيرك وذلك كما تعلمت واستفدت من ذلك المنتدى وبارك الله فيك وفى كل من علمنا او افهمنا شياءاً جهلناه وهم هنا كثير
وكفايه كده
واى استفسار كلنا بالخدمه

[sokaroz]

تصحيح بسيط للنقطه الاولى هناك ثلاث حساسات للحراره الثالث مسئول عن تشغير مراوح الريداتير على ما اعتقد
لذا لزم التنويه

[casper35]

الاستاذ والصديق sokaroz
اولا قبل اى شىء شكرا جزيرا على انى اخت من وقتك كل الوقت دة فى التوضيح وربنا يكرمك على اد ما الحمد لله توصلنى لقط كتير كانت غايبه عنى وتوجهنى ليها
1- المشكله فى الحساس انى غيرته فعلا حساس الكوعه دة وجايبه للاسف من عند ابو الحسن لانى ساكن جنبه بالظبط وكل كهربائى يعجز عن حل المشكله يطلع نفسه منها ويقولك عدادك بايظ يا بيه والكلام دة ربنا يعفينا بقا
2- انا فعلا كنت محتاج كهربائى كويس لو عند حضرتك كهربئى محترم بيتقى ربنا اهم حاجه ممكن يساعدنى فى موضوع تربيط التابلوة دة يبقى كتر خيرك وفيه اعضاء اجلاء هنا دلونى على بتاع عفشه محترم قريب
3- مشكله الماكينه فيه عضو محترم هنا قالى انه مركب الماكنة ال 2 كامة... كان جايب المكنة + المانفولد+ الفرن ب 1700 جنيه من غير الفتيس والكنترول من شهرين بس لسه مش سئلته بصراحه جابها منين
4- انا اللى مخلينى مطمن للموبينا وسلك البوجيهات والبوجيهات وطقم الدبرياج انى جايبهم من عند المنيراللى فى فيصل واعتقد ان الراجل دة حاجته نضيفه والناس كلها بتشكر فيه
انا من الدقى وشاكر جدا على تعاونكم معايا بجد