يوم عذاب انتهى بتغير طقم دبرياج

[shur3000]

اول امبارح قال رايح المغسلة اعمل كار كير واظبط المهم لقيت الراجل عندة زحمة قالى خليها بكرة بس اللى لفت نظرى صوت العربية عالى غير ما انا متعود
المهم جنبى ميكانيكى ثقة بص عليها قالى دى بلية الدينامو او التكيف.
رحت للكهربائى حل بليىة التكيف لقيت الصوت راح قلت يبقى منها رحت جيبتها ب45ج وغيرتها وتمام ساعتين جيت اركن لقيت صوت جبار طالعمن العربية ويختفى لو ضغط دبرياج . رجعت للكهربائى قالى بلية دبرياج روح للعفشجى
رحت للعفشجى قالى نحل ويارب ماتكونش الديسك اتاكل المهم جيتلة تانى يوم بعد ما جيبت بلية وانا مروح وكان شايلها من طقم ب 70ج . وتانى يوم روحت حل طبعا البلية كانت قافشة بغباء بس للاسف الديسك اتاكل
المهم رحت جيبتلة اسطوانة فاليو ب 150 وقالى بلاش تجيب ديسك جديد عشان مضروب نجيب استيراد ب150 وفعلا جيبت واحد وعلية ختم فاليو ودايو وشكلة معقول.
ركب الباشا وطلعنا جربنا تمام بس الله يحرقة خد 170 مصنعية و10 ج دخان للصبيان بس الصراحة هو شغلة نظيف ودة اللى مخلينى مستحمل امة
بس عندى حاجة ان دواسة الدبرياج بقت مية يعنى بتغوص منى واول ما ركبت العربية بطلت منى قولتلة نعلى الدبرياج قالى بلاش عشان ما نضغطتش على الاسطوانة.
ربنا يكرم وتكمل على خير وبلاش مصاريف لانى اتنفخت

[shur3000]

العربية 2005 عاملة 130 الف وبقالها معايا سنة ونصف ودى اول سواقتى يعنى بدوس دبرياج بغباء.
بس عندى مشكلة انى مبعهرفش اسوق الا حافى اعمل ايه

[jojojojojo]

الحمد لله انها جت علي قد كده وربنا يباركلك فيها اما السواقه حافي حاول تلبس شوز واطي وخفيف افضل عشان السواقه حافي متعبه برضه للرجل جدا

[يسري أبو الخير]

ألبس كاوتشي أو حذاء خفيف و لين .. استخدم الدبرياش بهدوء بدون عصبية .. لغاية ما تتعود ..بلاش تستمر على السواقة حافي .. عشان لو عندك مشاوير طويلة أو سفر هتتعبك جدا ..

[Emgrand]

قالى بلية دبرياج روح للعفشجى

عفشجى ؟ وروحت؟