بــ 60,000 / 65,000 أشترى أيه ؟؟؟

[hazem_khidr]

اي عربيه من العربيات السابقه لها عيوب و مميزات
لو انا مكان حختار الساجا
شكل احدث و موتور قوي و جوده تقفيل معقوله
و مع الانتشار سوف تتوافر قطع غيارها باسعار ارخص

المشاركة الأصلية كتبت بواسطة Mi5aiel يا جماعة أرجوكم ساعدونى أنا عايز أشترى عربية بـحوالى 60,000 لــ 65,000 ولقيت نفسى متوقف قدام أربع خيارات أرجو من كل واحد يقرأ الموضوع يكتب أختياره ويذكر السبب <SPAN><?xml:namespace prefix = o ns = "urn:schemas-microsoft-com Verna 1.6 A/C R/C P/S M/T 64000 L.E. عربية عملية جدا ماتور رائع سحب ممتاز عفشة ناعمة ثبتها افضل ابعادها سهله جدا وتقدر تعرفها بسهولة وقطع غيارها رخيصة وعند البقالين وتوكيلها اقوي توكيل في مصر ومراكز صيانتها مغرقة مصر وكمان الاستار منها نازلة بزيادات جميله جدا Lanos L A/C P/S R/C 66500 L.E. <o:p>عربية عملية وقطع غيارها متوفرة واعادة بيعها ممتاز ولكن الفيرنا افضل وانزل السوق وانتا تعرف صالونها واسع وديه الميزة اللي انا شايفها نوعا ما هيه اللي مخليه للانوس شكل وعالية عن الارض حاجه بسيطة عن الفيرنا عربية انا من واجهة نظري حاسس انها زي اللادا عربية بقالها 13 سنة متغيرش فيها غير اللوجو بتاعها من دايو لشيفورليه وكمان صعب اوي انك تعرف ابعادها واسئل ملاكها يعني تبقي سايق ومش شايف وش العربية من قدام وكمان شكل التابلوه بتاعها من قديم الازل ويوم ما تحب تقارن الانوس تقارنها الهيونداي الاكسينت او الفيرنا الفيفا لكن متتقارنش الفيرنا 1600</o:p> <o:p></o:p> Logan 1.6 M/T 64000 L.E. اللوجن عربية جميلة داخل المدينة لانها عالية عن الارض وكمان صالونها واسع لكن علي الطريق السريع مراجيح مولد النبي بعد ال 100 كيلو لكن سعر اعادة بيعها ضعيف قطع غيارها غالية بطبيعة الرينو عمتا وكمان لسه جديدة ومحدش يقدر يفيدك فيها من ناحية العيوب والمميزات Saga 1.3 F/O M/T 63900 L.E. مش هقولك حاجه عن الساجا غير انها كفايا اوي انها ماليزي تقفيل مصري يعني مقدرش اعلق ( لا تعليق ) ودا مواقع الأربع عربيات للمقارنة بينهم http://www.hyundai-egypt.net/index1.htm http://www.chevrolet.gmegypt.com/con...tml?cntryCd=EG http://www.renault.com.eg/home_logan_f2.html http://protonegypt.com/index9fc3.htm...id=6&Itemid=15 أرجو من الجميع المشاركة برأيه حتى لو كانت خبرته قليلة فى السيارات وشكرا للجميع.

الفيرنا هيه الوحيدة اللي عملية في المجموعه ديه لان الفيرنا اللي المفروض تتقارن بيها هيه الافيو النيو اكسينت لكن مينفعش تقارن الانوس بيها حرام بجد

المشاركة الأصلية كتبت بواسطة mgdy3000 اولا مساء الخير يا استاذ/Mi5aiel رابعا لما تحب تبيع السياره هيكون بيعها سهل وسريع لانها مطلوبه فى السوق بس حافظ عليها علشان تجيب سعر حلو وكل هذه النقاط لاتنطبق على باقى الانواع المذكوره فى استفسارك فمثلا السياره الفرنا اللانوس اجدع منها وبياعه اكثر منها فى المستعمل ولكن تشبهه اللانوس فى النقاط 1.2.3 اما اللوجان فبصراحه فكرتى عنها ضعيفه لكنى اسمع انها مش قوى والله اعلم اما الساجا ابعد عنها لانك لو عاوزها قطع غيار نار كله فى التوكيل مش هتعرف تبيعها وهتبقى باسمك علطول الا اذا تنازلت عن مبلغ كبير لبيعها ارجو ان اكون افدتك ولك منى الدعاء بالتوفيق ان شاء الله

انتا منين يا استاذ مجدي يعني من مصر ولا منين بالظبط الانوس بياعه عن الفيرنا انتا حضرتك فكرت في يوم من الايام تنزل السوق يا ريت حضرتك تجيب عربية فيرنا وعربية لانوس ويكونوا نفس الموديل ويكونو تقريبا نفس الحالة وشوف سعر ديه وسعر ديه والانوس اجدع من الفيرنا في ايه انا عن نفسي مش شايف اي ميزه غير الصالون انه نوعا ما اوسع من الفيرنا غير كدا الانوس ديه ملهاش اي لازمه جنب الفيرنا سحب الفيرنا وماتور الفيرنا وثبات الفيرنا الانوس ديه علي الطريق السريع دريم لاند مراجيح وزحلايق عربية يوم ما فكرو يعدلو فيها شالو علامة الدايو وحطوا علامة الشيفورليه الانوس ديه اخرها تتقارن بالفيفا والاكسينت القديمة غير كدا حرام بجد تتقارن بالفيرنا

[mgdy3000]

[quote=corsair;157068]انتا منين يا استاذ مجدي يعني من مصر ولا منين بالظبط
اولا مساء الخير على كل أعضاء المنتدى
ثانيا انا من الاسكندريه
ثالثا عربيتى كانت دايو لانوس موديل 2000 اشترتها زيرو من الصاله بمبلغ 43.000 الف جنيه الصناعه كورى وكان معايا قبلها بيجو 504 المهم ياصديقى العربيه كانت ميه ميه وفى السفر كنت اذهب بها السويس على سرعه 130-140 وكانت بسم الله ماشاء الله بعد كده مافيش والله على ما اقوله شهيد تكيف ممتاز كل شىء فيها ممتاز والسياره حتى الان معايا ولكنى اعطيتها لاخى وهى مازالت بكفاءه عاليه -اما الفيرنا فهى مع اخى الاكبر اولا اشتراها زيرو انا شايفها عربيه واطيه من الارض وشكلها مش قد كده لكن انا مش بعيب فيها لا سمح الله . وعلى فكره لما عرضت الانوس للبيع جالها الف مشترى ولغايه دلوقتى بيجوا ناس يشتروها واسعار جامده . اما الفيرنا لما قولنا نشوف هتعمل ايه فى السوق الناس اللى جت تشترى مش كتير وخسفوا بسعرها الارض .علشان هذه التجربه انا قلت رأى للاخوه الاعضاء
ولما حبيت اغير اشتريت نوبيرا 2007 لكن واللاهى الانوس برده كانت افضل منها
اسف للتطويل ولكن هذه تجربهتى عن قرب مع السيارتين ولك منى الف سلامptmnlo123per111

طيب يا استاذ مجدي ايه رائيك في ابعاد العربية الانوس انا النهاردة وانا جي الشغل الصبح ماشي وقطعت الطريق بس بطريقة ظريفة علي عربية لانوس الراجل لاقيته بيشب علي الكرسي علشان يشوف وش العربية ابعاد العربية ضايعة خالص وبعدين انا قعدت 6 شهور رايح جي علي سوق الجمعه كانت اساسي جمعه وحد في السوق سعر الفيرانا كان اودامي اعلي من الانوس وكان التجار بيعملو للفيرنا كمين قبل ما تدخل السوق يعني بيشتروها من بره السوق كمان قبل ما تدخل السوق هيه واطية علي الارض وكمان الانوس واطية علي الارض وعن تجربة وكمان معلش شكل الفيرنا انسيابي اكتر من الانوس وابعادها اشد بكتير من الانوس