طقم شنبر مازدا 323

[dongol4u]

السلام عليكم

سيارتي مازدا 323 م82 1300 خرطوم الفايظ اللي جي من الموتور و بيبقى داخل في فلتر الهوا بقى بيطلغ دخنة بيضاء خفيفة لما العربية بتسخن ومع القرص علي الموتور (امبله) الاقي دخان ابيض بسيط يطلع من الشكمان مع العلم ان البوجيهات مش بلاقي عليها زيت.
سالت الميكانيكي قاللي ان الموتور بدأ يخف شوية وممكن نعملة طقم شنبر, وان افضل وقت تعمل فيه طقم الشنبر هو في الشتاء يعني اليومين دول

انا عايز اعرف رايكم

- هل فعلا كده الموتور بدأ يخف؟
- وهل اعمل طقم الشنبر دلوقتي ؟ ولو معملتوش ايه اللي هيحصل؟
- لو حد منكم عمل طقم الشنبر ده يقولي تكلفة كام؟
- لو حد عمل طقم الشنبر و كانت النتيجة كويسة يدلني علي الميكانيكي اللي عمل عندة طقم الشنبر لو في القاهرة؟
- في ميكانيكي اسمه احمد قشطه اخوانا هنا بيقولوا علية شاطر .. فهل حد جرب يعمل عنده طقم شنبر او عمرة قبل كده...ولو حد جربة يقولنا نتيجية التجربة ايه وعنوان الميكانيكي بالزبط ورقم تليفونة

شكرا

[mr_astra]

بالفعل كدة الموتور بدا يخف شوية
وانسب وقت لعمل العمرة فعلا فصل الشتاء
لو معملوتهوش هاتعانى من نقص فى الزيت وادام شوية هتلاقى البوجيهات عليها زيت وهاتقطع معاك وكل شوية لازم تغسلهم ببنزين وتصنفرهم وبعدين تغيرهم
كمان هتلاقى عزم الموتور بقى اقل بكتير
هتحس بريحة زيت محروق فى صالون العربية
التكلفة لطقم الشنبر حوالى 800 جنية ولو عاوز احسبهملك بالجنية هاحسبهملك
بالنسبة للميكانيكى فىناس كتير كويسة بس انت مش عاوز تروح للميكانيكى بتاعك لية اللى دلك على العيب

[dongol4u]

المشاركة الأصلية كتبت بواسطة mr_astra بالفعل كدة الموتور بدا يخف شوية وانسب وقت لعمل العمرة فعلا فصل الشتاء لو معملوتهوش هاتعانى من نقص فى الزيت وادام شوية هتلاقى البوجيهات عليها زيت وهاتقطع معاك وكل شوية لازم تغسلهم ببنزين وتصنفرهم وبعدين تغيرهم كمان هتلاقى عزم الموتور بقى اقل بكتير هتحس بريحة زيت محروق فى صالون العربية التكلفة لطقم الشنبر حوالى 800 جنية ولو عاوز احسبهملك بالجنية هاحسبهملك بالنسبة للميكانيكى فىناس كتير كويسة بس انت مش عاوز تروح للميكانيكى بتاعك لية اللى دلك على العيب

- فعلا انت عندك حق انا شميت ريحة زيت محروق في الصالون من كام يوم الصبح وانا بدور وبعدين راحت... وفتحت الكبوت لاقيت في دخان طالع من تحت الموتور... تقدر تقولي ده سببه ايه؟

- بالنسبة لطقم الشنبر, تفتكر الافضل اعمله دلوقتي ..ولا اكمل بالعربية علي حالها كام شهر لغاية الصيف لما اجيب اخر الموتور و بعدين اجيب موتور استيراد بالفتيس 5 غيار 1500 سي سي احسن؟

- ولو تقولي تفاصيل تكلفة طقم الشنبر ايه وتقريبا ياخد كام يوم شغل؟

- هل طقم الشنبر ده لو اتعمل صح الموتور هتبقى حالتة كام في الميه و يخدم قد ايه لغاية ما احس انه خف تاني او عزمة قل؟ يعني من الاخر كده هيبقى موتوري بطقم الشنبر الجديد احسن ولا موتور استيراد احسن؟

- انا مش عارف اذا كان الميكاينيكي اللي بتعامل معاه كويس ولا لأ ... لاني بتعامل معاه في حاجات بسيطة (تغير بوجيهات, ظبط كهرباء, ظبط تاكيهات, تنظيف كربراتير, تغير طنابير وتيل) لكن نص عمرة مجربتش ومعرفش حد جربه في نص عمرة وبالتالي مش عايز اجرب ويطلع اي كلام ... انا عايز حد جرب قبل كده ميكانيكي في طقم شنبر وكانت النتيجة كويسه.

- سؤال كمان بقى

العربية وهي واقفة عصاية الفتيس بتبقى ناعمة اوي في كل الغيارات
ولكن لما بطلع بالعربية (اول) ثم اجي ادي الغيار التاني لو كانت السرعة فوق 20كم الاقي الغيار التاني تقيل اوي ومش راضي يدخل مكانة ولازم ادوس بدال الدبرياج للاخر وبرضه اسمع صوت عضة في الغيار (احتكاك التروس في بعض)
ولو العربية بطأت وجيت انزل للاول يبقى الغيار مش عايز يدخل مكانة ولازم برضه ادوس الدبرياج للاخر ولازم تكون سرعة العربية منخفضة اوي اوي اوي و برضة تسمع نفس العضة

لكن الغيار التالت والرابع ناعم جدا ومفيش اي مشكلة

علما بأني مغير طقم دبرياج من 4 اشهر

وقمت بالكشف علي زيت الفتيس وتم زيادتة 1كجم من شهرين تقريبا

هل كده في مشكلة في علبة التروس تخص اتلغيار الاول والثاني؟

احد الاصدقاء قال لي الدبرياج عايز يعلى؟

وصديق اخر قال لي في حاجة اسمها معلقة الفتيس هتبقى عايز تتظبط.. هل الكلام ده صحيح؟

شكرا علي استجابتك وفي انتظار ردك.

[mazagngi2010]

انا بتعامل مع قشطه على طول وظابطلى العربيه حلاوه ميكانيكا وعفشه
01112734503
كلمه الاول واستفسر على اللى عندك وهيدخل فى كام وقوله طرف مزاجنجى

[mr_astra]

المشاركة الأصلية كتبت بواسطة dongol4u - فعلا انت عندك حق انا شميت ريحة زيت محروق في الصالون من كام يوم الصبح وانا بدور وبعدين راحت... وفتحت الكبوت لاقيت في دخان طالع من تحت الموتور... تقدر تقولي ده سببه ايه؟ ممكن كان فى زيت واقع على الفرن ولما اتحرق راحت الريحة - بالنسبة لطقم الشنبر, تفتكر الافضل اعمله دلوقتي ..ولا اكمل بالعربية علي حالها كام شهر لغاية الصيف لما اجيب اخر الموتور و بعدين اجيب موتور استيراد بالفتيس 5 غيار 1500 سي سي احسن؟ لا طالما طقم شنبر فقط يبقى تعملة انما لو عمرة كاملة وفيها مخرطة يبقى موتور استيراد افضل وتستفاد بادوات التغذية بتاعة الموتور القديم - ولو تقولي تفاصيل تكلفة طقم الشنبر ايه وتقريبا ياخد كام يوم شغل؟ بالنسبة لعمل الشنبر هانجيب الاتى طقم شنبر برازيلى 120 جنية جوان وش السلندر 20 جنية جوان كرتيرة 10 جنية تظبيط وش السلندر(رودية -جلد صباب)80 جنية او 120 جنية لو هانعمل قواعد للصبابات جديدة عدد 2 جركن زيت 140 جنية فلتر زيت 25 جنية 36 جنية 40 لتر بنزين 80 مصنعية ميكانيكى 300 جنية المجموع 735 جنية تقدر تقول 800 جنية - هل طقم الشنبر ده لو اتعمل صح الموتور هتبقى حالتة كام في الميه و يخدم قد ايه لغاية ما احس انه خف تاني او عزمة قل؟ يعني من الاخر كده هيبقى موتوري بطقم الشنبر الجديد احسن ولا موتور استيراد احسن؟ لا موتورك بطقم الشنبر لو طلع حلو يبقى احسن من الاستيراد بكتير والحالة بالنسبة المئوية مش هاقدر اظبطها انما لو عملت اربع شمايز الموتور هايكون 90 % على الاقل ودول تمنهم 200 جنية - انا مش عارف اذا كان الميكاينيكي اللي بتعامل معاه كويس ولا لأ ... لاني بتعامل معاه في حاجات بسيطة (تغير بوجيهات, ظبط كهرباء, ظبط تاكيهات, تنظيف كربراتير, تغير طنابير وتيل) لكن نص عمرة مجربتش ومعرفش حد جربه في نص عمرة وبالتالي مش عايز اجرب ويطلع اي كلام ... انا عايز حد جرب قبل كده ميكانيكي في طقم شنبر وكانت النتيجة كويسه. - سؤال كمان بقى

المشاركة الأصلية كتبت بواسطة dongol4u العربية وهي واقفة عصاية الفتيس بتبقى ناعمة اوي في كل الغيارات ولكن لما بطلع بالعربية (اول) ثم اجي ادي الغيار التاني لو كانت السرعة فوق 20كم الاقي الغيار التاني تقيل اوي ومش راضي يدخل مكانة ولازم ادوس بدال الدبرياج للاخر وبرضه اسمع صوت عضة في الغيار (احتكاك التروس في بعض) ولو العربية بطأت وجيت انزل للاول يبقى الغيار مش عايز يدخل مكانة ولازم برضه ادوس الدبرياج للاخر ولازم تكون سرعة العربية منخفضة اوي اوي اوي و برضة تسمع نفس العضة لكن الغيار التالت والرابع ناعم جدا ومفيش اي مشكلة علما بأني مغير طقم دبرياج من 4 اشهر وقمت بالكشف علي زيت الفتيس وتم زيادتة 1كجم من شهرين تقريبا هل كده في مشكلة في علبة التروس تخص اتلغيار الاول والثاني؟ لا طالما الغيارات بتيجى بسهولة والموتور مبطل يبقى علة التروس برئية والموضوع كولة شوية رجلاش للدبرياج وتشحيم عصاية الفتيس احد الاصدقاء قال لي الدبرياج عايز يعلى؟ وصديق اخر قال لي في حاجة اسمها معلقة الفتيس هتبقى عايز تتظبط.. هل الكلام ده صحيح؟ شكرا علي استجابتك وفي انتظار ردك.

الرد فى الاقتباس