معلومات عن الكاوتش و الجنوط 5

[svneleven]

المشاركة الأصلية كتبت بواسطة د.شاهندة 145/70/12 دة المقاس الاصلى ياترى ايه انسب مقاس للجنط السبور والكاوتش الجديد؟؟ فى انتظار رد حضرتك

155/65R13 هو أنسب مقاس لو تحبي تكبري الجنط لكن العربية هتعلي حوالي 12 مم و ده هيأثر شوية علي الثبات و كمان عداد السرعة لو قاري 100كم/س هتكون العربية ماشية بسرعة 104.7 كم/س و المشكلة أن المقاسات اللي تناسب العربية مش موجودة بكترة خصوصا في مصر. يعني كان نفسي أقول لحضرتك دوري علي 155/60R13 ده هيعلي العربية حوالي 4.2 مم فقط يعني معقول جدا و مش هيأثر علي الثبات خالص ان شاء الله لكن أشك أنك تلاقيه. أخر الكلام أنصح حضرتك لو مش عاوزة تجازفي و تجيبي أول مقاس أنك تجيبي جنط سبور زي اللي في عربيتك بالظبط هيظبط الشكل و يبقي الأداء كما هو عليه.

[نوبيرا99]

موضوع ممتاز و شجعنى على قراءة باقى الاجزاء للاستفاده

[ابوجنى2112]

byd2012 ملاكى المقاس الاصلى195/60/15..ومركب غاز اسطوانة 70
افضل مقاس ليها للثبات فى المنحنيات..ومايوطيش العربية اوى..ولكم الشكر
وياريت نوع الكاوتش بس على نفس الجنط لو سمحت..لان الجى تى الصينى اللى فيها ناشف فى المطبات
وعامل 33 ألف من الزيرو ولكن هاغيرة..وشكرا لمساعدتك..

[svneleven]

المشاركة الأصلية كتبت بواسطة ابوجنى2112 byd2012 ملاكى المقاس الاصلى195/60/15..ومركب غاز اسطوانة 70 افضل مقاس ليها للثبات فى المنحنيات..ومايوطيش العربية اوى..ولكم الشكر وياريت نوع الكاوتش بس على نفس الجنط لو سمحت..لان الجى تى الصينى اللى فيها ناشف فى المطبات وعامل 33 ألف من الزيرو ولكن هاغيرة..وشكرا لمساعدتك..

205/55R15 أنسب حاجة هيوطي العربية 4.25مم تقريبا هتحس بفرق جامد في الثبات لكن العربية هتوطي بشكل ملحوظ. أنصحك تجيب نفس المقاس الأصلي ماركة محترمة و هتحس بفرق معقول في الثبات بدون التضحية بارتفاع العربية.

[qaMpa]

جزاك الله خيراً