عن تجربة "هيونداي" تتفوق على "دايهاتسو" في الدهانات

[sh_masry]

مش عارف يا بايو .... طبعا انا واثق مليون فى الميه من كلامك بس انا تحليللى يمكن زى تحليل حازم انه البويه بتاعت الماتريكس تكون معضمه و بقالها سنه منقوعه فى الشمس انما الدايهاتسو لسه زيرو و ممكن تكون البويه تعتبر طريه الى حد ما ...... او اللى رش على عربيتك ما يكونش عارف زيت الباكم و هو كان فاكر انه زيت باكم و طلع زيت باور او زيت موتور او اى زيت و السلام ;-)

عموما اهى راحت مطرح ما راحت و ربنا عوضك عنها ...........
و على فكره انا لما كان معايا الأكسنت جيت جنب القايم الشمال و كان معايا قطنه صغيره و كان فيها حبه زيت باكم و رحت ماسح مسحه خفيفه كده على القايم و البويه طلعت فى ساعتها من غير ما اقرص على القطنه
و عموما اهى برده راحت مطرح ما راحت و ربنا عوضنى عنها ههههههههههههههه

[islam_galal]

هو الزيت كان مضروب صدقوني

[Ahmed Anwer]

المشاركة الأصلية كتبت بواسطة sh_masry و على فكره انا لما كان معايا الأكسنت جيت جنب القايم الشمال و كان معايا قطنه صغيره و كان فيها حبه زيت باكم و رحت ماسح مسحه خفيفه كده على القايم و البويه طلعت فى ساعتها من غير ما اقرص على القطنه و عموما اهى برده راحت مطرح ما راحت و ربنا عوضنى عنها ههههههههههههههه

شريف باشا ،،

الإكسنت اللي بتكلم عليها تجميع محلي ؟؟

هههه ،، دهان غبور قطنه بزيت باكم ده اختبار قاسي جدا ليه

كفاية اوي فوطة بواب زفرة و الدهان يتشلفط

[sh_masry]

المشاركة الأصلية كتبت بواسطة Ahmed Anwer شريف باشا ،، الإكسنت اللي بتكلم عليها تجميع محلي ؟؟ هههه ،، دهان غبور قطنه بزيت باكم ده اختبار قاسي جدا ليه كفاية اوي فوطة بواب زفرة و الدهان يتشلفط

احمد باشا انور ..... انت منور المنتدى .....
بالنسبه لموضوع ان الأكسنت تجميع محلى ... فأينعم هى كانت تجميع محلى بس صدقنى عربيه ممتازه و حماله اسيه بجد ... بس انا بتكلم عن موديلات حتى 2004 لأن من اول موديلات 2005 عكت جدا و ده كان ليه اسبابه عند غبور و كان معظم العربيات من اول الموديل ده (2005) فيها اعطال كتيره جدا لكن الموديلات اللى قبل كده فعلا كانت جامده و كانت عاجبانى قوى لدرجه انى بفكر اجيب واحده اكسنت موديل 2000 او 2001 لمراتى ......
و بالنسبه لزيت الباكم ده ممكن يحصل فى اى عربيه حتى لو من افخر العربيات.

[Payoo]

المشاركة الأصلية كتبت بواسطة islam_galal كده يبقي الكوري يكسب نتيجه عجيبه

فعلا الكوري يكسب ومش عشان الدهان وبس لأ عشان السعر والاعتمادية والملائمة للطرق المصريه
يعني عندك مثلا الماتيريا واطية جدا جدا ودايما بتحك في المطبات ده كمان غير إن شكلها مـُفتكس زيادة عن اللزوم وقطع غيارها أغلى

المشاركة الأصلية كتبت بواسطة AboNoRa ااااااااااااه الهيونداوية بدواء افتكاستهم angryhead

ياعم انت محسسني إن مش أبو نورا إللي بيتكلم دا انا حاسس إن أبو حمدالله هو إللي بيتكلم
:D

زيت باكم يا اخوانا مرة واحدة ليييييييييه هيا العربيات كلها بتدهن وش واحد والهيونداى بيدهنوها وشين

لا ياريس مش وشين ولا قفايين بس إللي حصل وعن تجربة هو إللي أنا قولته

اكيد العيب فى الزيت اكيد كان زيت مضروب او ممكن تكون كنت مشمع عربيتك قبلها مثلا بوقت قريب

بصراحة انا مابفوتش فرصه إلا وبلمع عربيتي وبديها طبقة شمع كل حين واخر
لان بصراحة لما بلمعها بالبولش أو باي مادة تشميع بتخللي العربيه سهلة في نظافتها بعد كده لفترة
واحتمال إن طبقة الشمع هيه إللي حمت العربيه .... بصراحة مش عارف ومش متأكد لاني مش فاكر إذا كنت مشمع العربيه قبلها ولا لأه ؟

اهدو كده يا جماعة وصلو على النبى بدل ما والله اجيبلكوا انقلكوا موضوع (لا هيونداى بعد اليوم ) هنا :showme

مع أحترامي لأراء الناس .... إللي يقول أن هيونداي بمختلف موديلتها عربيه سيئة أو وحشه يبقى خبرته قليله جدا وماركبش عربيات كتير عشان كده وجهة نظره فيها قصور شديد

طب تصدقوا وتأمنوا بالله ؟ أنا هابيع الرينو ميجان عشان أجيب للمدام ماتركس تاني مع انها غليت 4 ألاف جنيه بس برضه مش شايف عربيه أحسن منها في فئتها

المشاركة الأصلية كتبت بواسطة Ahmed Anwer بايوو الأصيل ،، رغم اقتنائه الهندسة الألمانية و الشياكة الفرنسية حاليا ،، مبينساش اخواته الغلابه ،، بس دي فعلآ حاجة غريبة غير متعارف عليها ،، دايما توصف هيونداي بالصاج الضعيف و الدهانات الضعيفة ،، عموما كفاية نعرف ان هيونداي اول شركة تستخدم الصاج المجلفن في سياراتها انقل يا ابو نورا ،، المواضيع اللي عايزها ،، عندما تهاجم من الخلف تأكد انك في المقدمة :crazy:crazy

هما مين دول إللي غلابه يا أبوحميد ؟ لعلمك الناس إللي بتشتري الهيونداي بتبقى ناس عندها عقلية متزنه جدا (مش معنى كده إن الناس التانيه مجانين ) يعني أنا مثلا دلوقتي مش مجنون عشان ماعنديش هيونداي :crazy
لكن بجد إللي عاوز يمسك العصايا من النص يقتني هيونداي

المشاركة الأصلية كتبت بواسطة وليد مجدى مشكور على هذا المجهود الرائع

ألف شكر يا وليد باشا

المشاركة الأصلية كتبت بواسطة MohabSaeed بعيد عن موضوع قوه الدهان ...... الراجل الى معندوش ذره ضمير الى عمل كده فى الماتيرا محدش عمله محضر !!!!!! الرجال ده عاوز يضرب ضرب مبرح يؤدى الى الوفاه .

أمال بقى يا وليد لو عرفت انها ست وحيده ومالهاش حد كنت قولت أيه؟ أنا بصراحه كلمت لها محامي (صديقي) يقف جنبها وهي بتعمل محضر للمتخلف إللي عمل معاهخا كده ولكن هيه رفضت أنها تاخد أي خطوة تجيب لها مشاكل بعد كده
هيه برضه واحده ست ووحيد ومالهاش في وجع القلب

ربنا يهدي

يا بايو مانا عارف انك مش بتالف بس متفسرش اللى حصل على ان الدهانات المستخدمة فى هيونداى افضل من اللى مستخدمة فى الديايهتسو وحتى لو افترضنا جدلا ان فيه دهان نسبة مقاومتة للتاثر بالزيت الباكم اكبر من دهان تانى فده مش معناه انه افضل ممكن تلاقى بوية بتقاوم تاثير الشمس او الصداء والعوامل الجوية تقاوم الاحتكاك من ذرات الاتربة لاكن مفيش تركيبة بوية بتتعمل علشان تقاوم الزيت الباكم اصلا

كلامك مظبوط في الجزئية دي بس برضه عندنا تجربة حصلت ونتايجها ظهرت ومانقدرش نقول حاجه غير إن هيونداي دهانتها أفضل من دهانات دايهاتسو

وبعدين سيبك من الكلام ده وقولى بقى ازااااااااى قارنت بين الماتريكس والماتيرا اساسا

والله يا "أبــو نورا" إللي عملو العربيه دي وثنيين وإللي عملو العربيه دي وثنيين ومافيش حد منهم قريبي ولا يحزنون بس أنا بقول إن الوثنيين الكوريين احسن من الوثنيين اليابانيين تقريبا كده ربنا مبارك في دهانات الأولانيين ومنزل غضبه على التانيين
:D

ممكن يكون مثلا يعني دهان الهيونداي بقاله فتره اطول من دهان المتيريا و يكون معضم علي العربيه اوي بعكس الماتيريا اللي لسه زيرو و انتاجها ما عداش الشهرين تلاته علي اسوء الفروض. دا رايي بس برضه ما يمعنش ان هيونداي من الشركات القويه و اللي انتاجها بقي كويس و بتطور بسرعه رهيبه

والله يا حازم أنت كل يوم بتثبت أنك بتزداد خبره و ووجهات نظرك بتتوسع أكثر واكثر
واحتمالك ده فعلا ممكن يكون وارد جدا

طيب انا معايا سيارة 131 عايز ارشها فى توكيل غبور ينفع بس يجربولى بعد لما اخلص يرشو عليها زيت باكم لمده 8 ساعات

طبعا أنت داخل تروش ههههههههه
بس عاوز اقولك حاجه دهانات غبور أنا جربتها قبل كده وعاوز اقولك أنها دهانات سيئه ومافيهاش جوده
وهابقى اقولك على تجربتي مع دهانات غبور وإللي حصل معاهم

ولا اقولك انا رجعت فى كلامى هارش فى توكيل مرسيدس علشان المرسيدس S600 مش باثر فيها اى حاجه مصفحة علشان يعملولى عربيتى زيها
برضه بتروش
بس عاوز أقولك حاجه بجد وبدون حلفان لو عاوز دهان محصلش وباعلى جوده انا شوفتها في مصر يبقى عليك وعلى مركز الأقصى (له عرض عندنا) ولما تروح أستأذن منهم انك تنزل وتشوف معمل الدهانات .... وصدقني مش هاتصدق إللي هاتشوفه

او اللى رش على عربيتك ما يكونش عارف زيت الباكم و هو كان فاكر انه زيت باكم و طلع زيت باور او زيت موتور او اى زيت و السلام ;-)

يا شريف أنا شوفت العلب الفارغة جنب العربيه مرمية وكانت علب زيت باكم
وبعدين عشان ترتاحوا ياجدعان انا من بعد ما الزيت الباكم اترش على الماتركس لقيت أو حسيت بشوية خشونه بعد كده في بعض أجزاء السقف .... ومافيش أي تاثر تاني حصل