الدروس المستفاده من حادثة سيارة 7-8-2012

[ابو هيما]

ألف حمد لله على سلأمتك وماتزعلش , كل مؤمن مصاب ومافيش حد ألأ وهو مبتلى فى شىء ... أنا مع رأى الناس اللى قالت ماتصلحش وبيعها على حلتها اللى هى عليها . أن شاء الله الفلوس تتعوض , أكثر من الأستغفار وقل اللهم أجرنى فى مصيبتى وأخلفى خيراً منها .. ربنا يعينك ويصلح لك الحال.

[Emgrand]

2- متكسلش تأمن عليها تأمين شااامل لان فعلا طلع ليه فايده مهمه جداااااااااا وخصوصا لو عربيتك قطع غيارها مش منتشره ... لو كنت مأمن على عربيتي مكنش زماني في الورطه دي وقدام خيارين ملهمش تالت يا اكهن عربيه لسا زيرو يا ارضى بلعب السمكريه فيها وتطلع بعد ما ادفع فيها قد كدا وبردو يباى فيها عيوب. ------------------------------------ يا اخى ماشاء الله عليك انا شايف كل كلامك بتفتكر ربنا ومقتنع بقضائه ---لازمته ايه نعمل شئ ممكن يكون حرام فاجتناب الشبهات افضل شئ وربنا هو الحافظ مفيش حاجه اسمها لو ومش لو--- مش ممكن تكون لو متأمنه وتتصلح او تتغير وحضرتك متخرجش منها لا قدر الله قالى تعالى فالله خير حافظا وهو ارحم الراحمين اقرأ الفتوى http://islamqa.info/ar/ref/130761

[الهولندى الطائر]

نصايحك فعلا ذهب وياقوت للى يقدرها

السعيد من اتعظ بغيره

وانا بشكرك انك بتقول الكلام ده

ياريت الناس تستوعب

حاجتين من توجيهاتك دى انا بعملهم فعلا ومؤمن بيهم

حزام الامان

استخدم عربيتك فى المشاوير الضرورية جدا وبمشى على أقل من مهلى ومش بجرى لو حتى فيه ايه

مصر بلد خطر

خصوصا بعد الثورة

انفلات وتسيب

بلا حدود

واحنا الضحية

وعجبى

[M.TONSY]

قدر الله وما شاء فعل وحمد لله على سلامتك
وربنا يعوضك خير عنها باذن الله

[tamer.koko]

المشاركة الأصلية كتبت بواسطة eng.7055 السلام عليكم ازيكم جميعاااا .... انا حبيت اعمل الموضوع دا علشان الكل يستفيد من الدرس اللي انا استفادته, هو طلع درس غالي حبتين تلاته بس الحمد لله قدر الله وما شاء فعل. عربيتي رينو داستر شاريها من نص شهر 6 اللي فات, واتقلبت على الطريق يوم 7-8-2012 ... "مش عيب عربيه دا 90% عيب سواق" علشان محدش يقول اني بطلع السبب في العربيه. الحمد لله محصلش اصابات بشريه بس حصل صدمات جامده في العربيه هتكون مكلفه جدا والحمد لله بقول "اللهم ان لم يكن بك غضب علي فلا ابالي". العربيه وديتها التوكيل قالي دي متنفعش تتصلح لان هتكلفك اكتر من تمنها !! .. وحتى قالي حرام تعمل لها مقايسه وتدفع تكلفة المقايسه لانك اكيد بعد المقايسه مش هتصلح وهتسحبها من التوكيل.. وديتها ورشه ف صقر قريش ومبدأيا كدا هتتكلف مش اقل من 45 الف. = = = الدروس المستفاده اللي اتمنى الناس كلها تاخد بالها منها وتنصحني ان كنت غلط:: 1- لما تختار عربيتك اللي تشتريها حط قدام عينك الامان بتاعها رقم (1), لان الروح البشريه اغلى من اي حاجه تانيه... العربيه لو الامان بتاعها وحش كان زمان اللي فيها مات. 2- متكسلش تأمن عليها تأمين شااامل لان فعلا طلع ليه فايده مهمه جداااااااااا وخصوصا لو عربيتك قطع غيارها مش منتشره ... لو كنت مأمن على عربيتي مكنش زماني في الورطه دي وقدام خيارين ملهمش تالت يا اكهن عربيه لسا زيرو يا ارضى بلعب السمكريه فيها وتطلع بعد ما ادفع فيها قد كدا وبردو يباى فيها عيوب. 3- دا درس مهم جدااا جدااا جدااا (( عربيتك ميركبهاااش غييييرك)) لا ابنك ولا اخوك ولا صاحبك لو حد من دول عاوز مشوار روح معاه وسوووق انت. 4- السرعه وحشه بالذات على الطرق الجميله بتاعتنا مهما كانت كفائة عربيتك. 5- محدش ابدااااا يستهتر بلبس حزام الامان وهو ساايق.. هو لو دايقك شويه اكيد هيكون افضل من انك تتعور او تفقد شيء من جسمك لا قدر الله. 6- معلومه مهمه جداااا ... سواقة العربيات ف مصر اليومين دول مش محبذه,,, ف على قد ما تقدر استخدم عربيتك ف المشاوير الضروريه ولو مكان قريب ممكن تمشي او تاخد تاكسي هيكون راحه ليك ولبالك. ربنا يحفظكم جميعا ويحفظنا ...

ربنا يعوض عليك وعلينا ان شاء الله